فى تخبيط أمامى عند دوس الفرامل فجأة ...!

[tamer0000]

التيل الأمامى خلص وغيرته بواحد جديد نمساوى .. وكله بقه تمام لحد ما بدأت أسمع صوت تخبيط لما بفرمل فجأة .. ولو فرملت بالراحة مفيش صوت خالص .. كمان مفيش رعشة خالص فى السرعات العالية ولا حتى لما بفرمل .. كمان مفيش تصفير خالص .. فى السواقه العادية مفيش مشكلة ... حد عنده فكره ايه السبب مع العلم ان التخبيط ناحية الجهه الامامية اليمنى فقط ... انما الجهه اليسرى فسليمه ومقيش صوت .. أرجو النصيحة مع الشكر ..

[احمد على 1999]

لازم العجلة تتفك و يتبص كويس و يتراجع على خطوات تغيير التيل ممكن فى حاجة مش متثبته كويس و مبتبانش فى الاحمال الخفيفة لكن مع الحمل العالى العزم بيبقى عالى على مجموعة الفرامل فلو مش متثبتة كويس ممكن تلف فى مكانه و تصتدم بالطنبورة
f86b1903-b5fd-40b6-b1c0-d14776472b48
1.03.01

[mahdyez]

اخبار العفشه ايه

[tamer0000]

المشكله اتحلت يا جماعة ... والمفاجأه كانت ...................
......................... ........ تيل الفرامل طلع مغشوش !!!!!!!!!! أول ما غيرت بالتيل الآصلى الى تمنه فوق 200 جنيه من التوكيل التخبيط اختفى !!!!
ممكن بقى من حضاراتكم تبلغونى بعنوان وارقام ادارة حماية المستهلك علشان أبلغ فى المحل اياه فى شارع دمشق الى أكدلى ان التيل ده أصلى 100% وأرخص 50 جنيه كمان ... ومش عاوز أألكم العلبه هيه هيه والشكل نسخه طبق الاصل من التيل الأصلى ... لكن أأقول ايه فى ضماير الناس الى بقت فى الأرض ... حسبى الله ونعم الوكيل فيهم .. التوكيل أكدلى ان ربنا ستر والتيل المضروب بان على حقيقته قبل ما كان هيبوزلى الدنيا ... !! .. منتظر ردودكم بخصوص حماية المستهلك مع جزيل شكرى لمشاركتكم ..!

كلم 140 دليل واتصل بحماية المستهلك وبلغهم وابعتلهم صورة الفاتورة علي الفاكس واسم المحل وعنوانه وياريت كل الناس زيك كدا يا استاذ تامر