باركولى اشتريت فيرنا وعاوز اسال شويه اساله

[Brave Heart]

الحمد لله اشتريت فيرنا كامله مانيول 1600 لونها سماوى

مشيت بيها لحد دلوقتى 440ك

بس مش عارف اعمل صيانه الالف كيلو فين

اعملها فى ابو رواش ولا فى فرع دفره الجديد ولا فى اى مركز معتمد وخلاص دلونى ايه الاحسن

وكمان عاوز اركب فوج لايت اركبه فى التوكيل ولا بره التوكيل

ولو ركبته بره التوكيل هل الضمان هيسقط ولا ايه النظام

اسف جدا للاطاله عليكم بس معلش معنديش خبره اوى فى موضوع التوكيلاتptmnlo123per122

[AbOnOrA]

مبروك يا بريف على العربية الف مبروك وربنا يهبك خيرها ويقيك من شرها ان شاء الله

بخصوص صيانة الالف الاولى يفضل طبعاً تعملها فى المراكز الرئيسية مش مركز معتمد علشان تتسجل فى سجلات التوكيل مباشرة وعلشان لو فيه اى حاجة كبيره تابعة للضمان (لاقدر الله يتصرفو هما افضل)

وانا افضل تروح ابورواش وبعد كده تابع فى اى مركز معتمد قريب منك

اما بالنسبة للفوج لايت فحضرتك تسألهم هناك برضو بس معتقدش فيه اى مشكلة بس افضل تسألهم بنفسك لان كل توكيل وليه اخترعاتة

[AHMEDCAR]

اولا الف الف مبروك ياباشا

و بخصوص الصيانه

ماتفرقش روح اى مركز خدمه قريب من بيتك مدام معندكش مشكله لا قدر الله لان فى حاله المشاكل لازم تروح مركز رئيسى

بس فى حاله لو عملت الصيانه فى مركز صيانه عادى لازم لازم لازم تختم الضمان عندهم


و بخصوص الفوج لايت مافيش فيه مشاكل ركبهم فى اى حته بره انا عملت كده و محدش قالى حاجه

الفوجات الصينى ب 150 جنيه و الاصلى فى شارع دمشق ب 250

الزرار من 40 الى 50 جنيه

ده طبعا غير مصنعيه التركيب اللى بتكون حوالى 50 جنيه

[Brave Heart]

المشاركة الأصلية كتبت بواسطة AboNoRa مبروك يا بريف على العربية الف مبروك وربنا يهبك خيرها ويقيك من شرها ان شاء الله بخصوص صيانة الالف الاولى يفضل طبعاً تعملها فى المراكز الرئيسية مش مركز معتمد علشان تتسجل فى سجلات التوكيل مباشرة وعلشان لو فيه اى حاجة كبيره تابعة للضمان (لاقدر الله يتصرفو هما افضل) وانا افضل تروح ابورواش وبعد كده تابع فى اى مركز معتمد قريب منك اما بالنسبة للفوج لايت فحضرتك تسألهم هناك برضو بس معتقدش فيه اى مشكلة بس افضل تسألهم بنفسك لان كل توكيل وليه اخترعاتة

الله يبارك فيك يا ابو نورا وشاكر جدا على اهتمامك وسرعه ردك

والحمد لله العربيه مفيش فيها اى مشاكل ظاهره

[Brave Heart]

المشاركة الأصلية كتبت بواسطة AHMEDCAR اولا الف الف مبروك ياباشا و بخصوص الصيانه ماتفرقش روح اى مركز خدمه قريب من بيتك مدام معندكش مشكله لا قدر الله لان فى حاله المشاكل لازم تروح مركز رئيسى بس فى حاله لو عملت الصيانه فى مركز صيانه عادى لازم لازم لازم تختم الضمان عندهم و بخصوص الفوج لايت مافيش فيه مشاكل ركبهم فى اى حته بره انا عملت كده و محدش قالى حاجه الفوجات الصينى ب 150 جنيه و الاصلى فى شارع دمشق ب 250 الزرار من 40 الى 50 جنيه ده طبعا غير مصنعيه التركيب اللى بتكون حوالى 50 جنيه

الله يبارك فيك يا احمد كار

بس انا اصلا مش معايا الضمان لما اشتريت العربيه صاحب المعرض قالى هتستلمه مع اول صيانه بصوره الرخصه

معلش كنت عاوز اعرف سعر الفوجات فى التوكيل كام وهل تركيبها فى التوكيل انطف من بره