موسوعة اسئلة سيارة الشعب 128(لو عندك سؤال او مشكلة ادخل حطها وهنجوبك فى اسرع وقت)

[ahmed_592005]

تم الكشف عند الكهربائي يا بشمهندس سيد
واكتشفنا ان العيب من البطاريه وتم تغيير البطاريه

ولكن المشكله ان في نقره والماتور شغال تفتكر ده ممكن يكون من ايه

[sayed2077]

المشاركة الأصلية كتبت بواسطة ahmed_592005 تم الكشف عند الكهربائي يا بشمهندس سيد واكتشفنا ان العيب من البطاريه وتم تغيير البطاريه ولكن المشكله ان في نقره والماتور شغال تفتكر ده ممكن يكون من ايه

لو النقرة ديه تبقى مثالا دايس بنزين وتلاقى هز عبارة عن نقر كده ورا بعد ده فى الاغلب بوجيهات غيرها وهتبقى تمام التمام

ومبروك على حل المشكلة

[farouk89]

استاذ سيد ايه هيا احتمالات موضوع تسريب الزيت من قدام عند الكارتيره تحت الماكنه ومدي خطورته

[sayed2077]

المشاركة الأصلية كتبت بواسطة farouk89 استاذ سيد ايه هيا احتمالات موضوع تسريب الزيت من قدام عند الكارتيره تحت الماكنه ومدي خطورته

بص يا استاذ فارق
الزيت ممكن يتسرب من كرتيرة الزيت اللى تحت لاكثر من سبب
منهم
1:روحت غيرت جوان الكرتيرة مثالا والراجل مربطهاش كويس او الجوان مش حلو
2:خدتلك خبطه فى الكرتيرة
3:مسمار فك فى الكرتيرة حتة جوان حصلها حاجه نتيجة عدم التركيب السليم كده يعنى

بالنسبه لخطورته اللى هيحصل كالاتى

1:هتلاقى العربيه بتاكل زيت جامد وكل شوية هتفضل تشترى زيت الكلام ده لو التسريب بسيط
2:لو الكرتيرة فضيت كمية زيت محترمه وحضرتك مشيت بالعربيه ومخدتش بالك من لمبة الزيت يبقى الموتور هيضيع منك فى خلال 5 دقائق او اقل
3:بتاذى البيئة بالزيت اللى بيفضل يترمى فى الشارع ولا قدر الله لو بقعة زيت كبيرة وعربية او متوسيكل عدى عليها يبقى بنسبه كبيرة هيعمل حدثه جامده وممكن يضيع فيها ارواح

وعموما جوان كرتيرة الزيت مش غالى للدرجة اللى هى يعنى اعتقد ب 20 جنية او اقل

ولازم اللى يركبه يكون ميكانيكى عنده ضمير علشان بعد فترة ميفضلش ينقط منك جامد

وعموما طول ما الكرتيرة مش بتنقط زيت يبقى حضرتك سيبها زى ما هى ومتلعبش فيها انما لو بتسرب وحتى لو تسريب بسيط يبقى لازم تعملها فى اقرب وقت

[farouk89]

المشاركة الأصلية كتبت بواسطة sayed2077 بص يا استاذ فارق الزيت ممكن يتسرب من كرتيرة الزيت اللى تحت لاكثر من سبب منهم 1:روحت غيرت جوان الكرتيرة مثالا والراجل مربطهاش كويس او الجوان مش حلو 2:خدتلك خبطه فى الكرتيرة 3:مسمار فك فى الكرتيرة حتة جوان حصلها حاجه نتيجة عدم التركيب السليم كده يعنى بالنسبه لخطورته اللى هيحصل كالاتى 1:هتلاقى العربيه بتاكل زيت جامد وكل شوية هتفضل تشترى زيت الكلام ده لو التسريب بسيط 2:لو الكرتيرة فضيت كمية زيت محترمه وحضرتك مشيت بالعربيه ومخدتش بالك من لمبة الزيت يبقى الموتور هيضيع منك فى خلال 5 دقائق او اقل 3:بتاذى البيئة بالزيت اللى بيفضل يترمى فى الشارع ولا قدر الله لو بقعة زيت كبيرة وعربية او متوسيكل عدى عليها يبقى بنسبه كبيرة هيعمل حدثه جامده وممكن يضيع فيها ارواح وعموما جوان كرتيرة الزيت مش غالى للدرجة اللى هى يعنى اعتقد ب 20 جنية او اقل ولازم اللى يركبه يكون ميكانيكى عنده ضمير علشان بعد فترة ميفضلش ينقط منك جامد وعموما طول ما الكرتيرة مش بتنقط زيت يبقى حضرتك سيبها زى ما هى ومتلعبش فيها انما لو بتسرب وحتى لو تسريب بسيط يبقى لازم تعملها فى اقرب وقت

متشكر لردك يا كبير ومبروك علي عضوية الاشراف تستحقها بجدارة انا هغسل العربيه الاول عشان متغرقه من تحت المشكله ان في تسريب وكل يوم ببص علي الزيت مبينقص لكن فيه تسريب فغسلها وهوديها للميكانيكي يشوف بقي انهي سبب من دول وربنا يسترها ان شاء الله