ومازال خالد اباظه يطبل ويرقص فى اخبار السيارات

[jojojojojo]

المشاركة الأصلية كتبت بواسطة ash_rsi يوم السبت قريت مقال لخالد اباظه فى اخبار السيارات بعد فتره كبيره قاطعت فيها اخباره ومقالاته لانه مطبلاتى لا اكثر ولا اقل ولا انسى مقاله الشكر والتمجيد للسياره سكوربيو "ماهيندرا" الهندية وطبعا كله حسب الاعلانات والاتفاقات المهم المقال عن رفع الدعم عن البنزين المتوقع من الحكومه ودعوته بان الكل لازم يوافق ويدعم الحكومه فى هذا المجال وانه شايف انه حرام ان سياره مرسيدس او بى ام تاخد دعم وكمان هو غير موافق على اى سياره كورى يابانى هندى روسى تمنها من 100 الى 200 الف تاخد دعم وان الباشا شايف ان لحل ذلك يااما تركن عربيتك وتستخدم المواصلات يااما تدفع وتستهلك براحتك طالما هتدفع الباشا المطبلاتى نسى اشياء كتيره منها ان اغلب العربيات الكورى واليابانى كلها جايه بالقسط مش فنجره بمعنى انه بالعافيه الناس جايباها تانى شئ ان كتير من الناس مازالت تمتلك سيارات موديلات قديمه ذات سعات كبيره ( لرخص البنزين ايامها ) الناس دى لاقادره تبيع ولا قادره تشترى سياره بالقسط انه عشان اوفر لازم اركن عربيتى واركب مواصلات هى فين المواصلات اللى ممكن تتركب ونحس فيها اننا لسه بنى ادمين واازاى اى عقل يقول اسيب عربيتى واركب اتوبيس يتمسح فيه كرامتى وانسانيتى للاسف الشديد مازال كتير من الناس بتعتقد ان ركوب السياره شئ ترفيهى وان اللى يملك سياره ده راجل مقتدر حتى لو كانت العربيه موديل 50 وللاسف الشديد مازالت الحكومه لا يوجد عندها اى حل لاى مشكله كل اللى تعمله هو اللف من ورا لتفادى المشكله زى المطبات على الطرق السريعه بدل من بناء كبارى وانفاق ولو الحكومه جاده فعلا كانت خفضت الجمارك على السيارات ال 1000 وال 1300 سى سى بدرجه كبيره كانت هتغرى ناس كتيره جدا للنزول اللى المستوى ده من الاستهلاك وكانت وفرت كتير جدا من البنزين المهدر لكن زى العاده حطت مطب وسابتنا نخبط فى بعض والباقى يطبل وخلاص دوشتكم معلش اصلى دمى محروق

فعلا خالد اباظه ده طول عمره بيطبل وقرار يشيلوا الدعم عن البنزين بجد حراام ده حصلت في نيجيريا وعملوا مظاهره علي الرئيس هناك واضطر يرجع الدعم ومعظم الدول العربيه عامله دعم علي البنزين وخاصه دول الخيلج رغم ان دخل الناس هناك اعلي من مصر اربع خمس مرات وبيركبوا عربيات فارهه وغاليه جدا والبنزين هناك ارخص من مصر ومدعم فانا مش عارف ليه الدوله عايزه تزود العبء علل الشعب وعلي فكره لما البنزين يغلي هيسبب في زياده بنديره التاكسي والمواصلات العامه بانواعها ويزيد الضغط كمان علي المواطن اللي معندوش عربيه فياريت بقي الحكومه ديه تفوق وتبطل بقي الحاجات اللي معظمها بتبقي ضد مصلحه المواطن واللي بتزيد معاناته اليوميه وياريت مجلس الشعب ده اللي انتخبناه يعمل حاجه ويفوق بقه من نومه ده