ومازال خالد اباظه يطبل ويرقص فى اخبار السيارات

[حاتم عبدالرؤوف]

الاستاذ خالد اباظه له وجهة نظر مؤكدا لابد ان يرد ونناقشه لان من المفروض ان نسمع للطرف التانى ولو الحكومه هتكون جاده سوف يكون هناك اليه عمل لهذا الاقتراح فى تنفيذه سوف يرضى كل الاطراف اعتقد ان الوضع لم يعد مثل مافات وان الحكومه اللى فاضلها ايام سوف تتأنى فى اتخاذ قرار مثل هذا وانا مؤيد لكل الاطراف ولكن لابد ان نسمع بعض ونفهم بعض وندير الحوار بعد ذلك بمنتهى الشفافيه لان المصلحه واحده وانا طبعا مع كل الاراء ولا أؤيد الارتفاع فى سعر البنزين لان الدخل الان لم يعد كما كان ولكن فى ناس عايشه على على الريع اللى موجود من تطبيل قديم

[ashraflotfy1]

القاعدة العامة لو الحكومة عاوزة تبيع البنزين بالسعر العالمى يبقى ناخد مرتبات بالسعر العالمى مثلا لو سعر اللتر 8 الى 10 جنيه زى ما بيقولوا يبقى آخد مرتب بالسعر العالمى اللى هو 20 الى 25 ألف جنيه مصرى و ساعتها الغى الدعم اللى موجود حاليا على العيش أبو شلن اللى مش موجود أصلا و البنزين اللى قرفونا بيه و غيره ده لو لسه فيه دعم من أساسه:heh ehe:

[hamaad]

يا باشا فيه مليون طريقة يلموا بيه فلوس بدون ما يجوا جنب البنزين كل منطقة فى مصر كل 4 كيلو مربع يضيع ما لا يقل عن 480 الف جنيه سنويا على البنزين المهدر فى كل منطقة

[omskmaher]

والله انا كمان دمى محروق من خالد اباظه .... انا كنت بطلت اقرأ مقالاته مش عارف انا ليه قرأت له الاسبوع اللى فات

[أحمد عثمان محمد]

المشاركة الأصلية كتبت بواسطة ash_rsi يوم السبت قريت مقال لخالد اباظه فى اخبار السيارات بعد فتره كبيره قاطعت فيها اخباره ومقالاته لانه مطبلاتى لا اكثر ولا اقل ولا انسى مقاله الشكر والتمجيد للسياره سكوربيو "ماهيندرا" الهندية وطبعا كله حسب الاعلانات والاتفاقات المهم المقال عن رفع الدعم عن البنزين المتوقع من الحكومه ودعوته بان الكل لازم يوافق ويدعم الحكومه فى هذا المجال وانه شايف انه حرام ان سياره مرسيدس او بى ام تاخد دعم وكمان هو غير موافق على اى سياره كورى يابانى هندى روسى تمنها من 100 الى 200 الف تاخد دعم وان الباشا شايف ان لحل ذلك يااما تركن عربيتك وتستخدم المواصلات يااما تدفع وتستهلك براحتك طالما هتدفع الباشا المطبلاتى نسى اشياء كتيره منها ان اغلب العربيات الكورى واليابانى كلها جايه بالقسط مش فنجره بمعنى انه بالعافيه الناس جايباها تانى شئ ان كتير من الناس مازالت تمتلك سيارات موديلات قديمه ذات سعات كبيره ( لرخص البنزين ايامها ) الناس دى لاقادره تبيع ولا قادره تشترى سياره بالقسط انه عشان اوفر لازم اركن عربيتى واركب مواصلات هى فين المواصلات اللى ممكن تتركب ونحس فيها اننا لسه بنى ادمين واازاى اى عقل يقول اسيب عربيتى واركب اتوبيس يتمسح فيه كرامتى وانسانيتى للاسف الشديد مازال كتير من الناس بتعتقد ان ركوب السياره شئ ترفيهى وان اللى يملك سياره ده راجل مقتدر حتى لو كانت العربيه موديل 50 وللاسف الشديد مازالت الحكومه لا يوجد عندها اى حل لاى مشكله كل اللى تعمله هو اللف من ورا لتفادى المشكله زى المطبات على الطرق السريعه بدل من بناء كبارى وانفاق ولو الحكومه جاده فعلا كانت خفضت الجمارك على السيارات ال 1000 وال 1300 سى سى بدرجه كبيره كانت هتغرى ناس كتيره جدا للنزول اللى المستوى ده من الاستهلاك وكانت وفرت كتير جدا من البنزين المهدر لكن زى العاده حطت مطب وسابتنا نخبط فى بعض والباقى يطبل وخلاص دوشتكم معلش اصلى دمى محروق

لازم تحطوا فى بالكم أن ده رجل أعمال بمعنى أن الكلام عنده بفلوس حتى ولو كان طبل على الفاضى
و لو ما مجدش فى الحكومة العبقرية صاحبة الأفكار النيرة مش بعيد يفصلو له قانون حلو لرجال الأعمال الحلوين اللى زيه عشان يقشطوهم
تحياتى للجميع
F LASHCar