للرد على استفسارات الاعضاء والدعم الفنى لمالكى الفيرنا

[Tota El Masry]

جزاكم الله خيراً يا جماعة كلكم
أنا مبسوطة بوجودي بين أسرة مصر موتورز و حاسة أنكم زي أخواتي و محتاجة نصيحة لله تعالى بعد ما استخرت ربنا
أنا ناوية بإذن الله أجيب فيرنا أوتوماتيك لكن كلام الناس مخوفني منها بس كلامكم شجعني جداً بس أحب أعرفكم ظروفي و تقولولي الفيرنا كده تمام و لا أعلي الفئة حبتين و آخد مانيوال و لا الأوتوماتيك و لا أجيب I10 أو I30 الجديدة؟؟؟
1- بسافر 140كم 5 أيام أسبوعياً
2- طريقي أغلبه طرق سريعة و أخاف تعطل مني مش أعرف أحركها(الأوتوماتيك بالتحديد)
3- ظروفي الصحية الحمد لله مش تمام خالص(بتعالج من أرورام متعددة من خمس سنين و الحمد لله فاضلي عملية و رحلتي تنتهي و أبقى طبيعية) و بتعب من أقل مجهود بدني و عندي ضعف في رجلي الشمال حبتين لكن الحمد لله كله خير
4- بحتاج في بعض الوقت آخد أخواتي معايا يعني محتاجة سيارة تنفع تبقى عائلية و لو يوم أسبوعياً
5- هذه أول سيارة و أنا أبيض يا ورد سيارات بس قلبي الحمد لله حديد مش بخاف قوي من القيادة
6- محتاجة سيارة لما آجي أبيعها بعد 5سنوات ما أخسرش فيها و سهلة الصيانة و قطع غيارها متوفرة و بعقولة و البنزين عادي نار عربيتي الخاصة أرحم من الإيجار و تاكسي العاصمة أكيد
أرجوكوا تساعدوني آخد قرار لأني متحملة مسؤلية السيارة و قرارها و أخواتي سايبنلي الحرية في القرار و ده مسؤلية خطيرة جداً و أنتوا سيد العرفين
و أنا مش مقتنعة بأني أشتري مستعمل أتعلم فيه و أبقى أشتري جديد لأن نظريات الإقتصاد عكس كده " أنا لست غنياً كي أشتري شيئاً رخيصاً" و كل يوم يعطل غير احتمال إن المستعمل يكون معيوب

آآآآآآآآآآآآآآآآآآآآسفة جدااااااااااااااااااااااا ااااً على التطويل
: 01F577~130:

[M.TONSY]

المشاركة الأصلية كتبت بواسطة abosamra مساء الخير خبطت فى الرصيف بالعجلة الأمامية يمين و الجنط اتعوج ، رحت استعدلته عند بتاع الكاوتش بس حاسس انالعربية مس زى الآول وباسمع صوت صفارة من ناحية العجلة زى صوصوة خصوصا فى السرعات القليلة ايه الحل الترصيص و لا اغير الجنط و ينفع اغير جنط واحد؟

طيب متركب الاستبن بدل الجنط اللى اتعوج وخلى المعووج استبن

[M.TONSY]

المشاركة الأصلية كتبت بواسطة Tota El Masry جزاكم الله خيراً يا جماعة كلكم أنا مبسوطة بوجودي بين أسرة مصر موتورز و حاسة أنكم زي أخواتي و محتاجة نصيحة لله تعالى بعد ما استخرت ربنا أنا ناوية بإذن الله أجيب فيرنا أوتوماتيك لكن كلام الناس مخوفني منها بس كلامكم شجعني جداً بس أحب أعرفكم ظروفي و تقولولي الفيرنا كده تمام و لا أعلي الفئة حبتين و آخد مانيوال و لا الأوتوماتيك و لا أجيب I10 أو I30 الجديدة؟؟؟ 1- بسافر 140كم 5 أيام أسبوعياً 2- طريقي أغلبه طرق سريعة و أخاف تعطل مني مش أعرف أحركها(الأوتوماتيك بالتحديد) 3- ظروفي الصحية الحمد لله مش تمام خالص(بتعالج من أرورام متعددة من خمس سنين و الحمد لله فاضلي عملية و رحلتي تنتهي و أبقى طبيعية) و بتعب من أقل مجهود بدني و عندي ضعف في رجلي الشمال حبتين لكن الحمد لله كله خير 4- بحتاج في بعض الوقت آخد أخواتي معايا يعني محتاجة سيارة تنفع تبقى عائلية و لو يوم أسبوعياً 5- هذه أول سيارة و أنا أبيض يا ورد سيارات بس قلبي الحمد لله حديد مش بخاف قوي من القيادة 6- محتاجة سيارة لما آجي أبيعها بعد 5سنوات ما أخسرش فيها و سهلة الصيانة و قطع غيارها متوفرة و بعقولة و البنزين عادي نار عربيتي الخاصة أرحم من الإيجار و تاكسي العاصمة أكيد أرجوكوا تساعدوني آخد قرار لأني متحملة مسؤلية السيارة و قرارها و أخواتي سايبنلي الحرية في القرار و ده مسؤلية خطيرة جداً و أنتوا سيد العرفين و أنا مش مقتنعة بأني أشتري مستعمل أتعلم فيه و أبقى أشتري جديد لأن نظريات الإقتصاد عكس كده " أنا لست غنياً كي أشتري شيئاً رخيصاً" و كل يوم يعطل غير احتمال إن المستعمل يكون معيوب آآآآآآآآآآآآآآآآآآآآسفة جدااااااااااااااااااااااا ااااً على التطويل : 01F577~130:

اهلا بيكى يا توتا وسط اخوانك الفيرناوية ونورتى المنتدى
بالنسبة للظروف اللى انت شرحتيها وربنا يا رب يشفيكى ويعافيكى انت وكل مرضانا وينعم عليكى بالصحة التامة
فانا ارشح لك الفيرنا الاوتوماتيك عربية ممتازة فى فئتها وتعتبر احسن عربية اوتوماتيك فى فئتها السعرية واعطالها نادرة طالما انك هتابعى صيانتها باستمرار فى التوكيل او اى مركز صيانة محترم
وانا ندمت انى جبتها مانيوال بصراحة الاوتوماتيك متعة وراحة ما بعدها راحة
انما لو ظروفك المادية متيسرة شوية هاتى الينترا استيب ترونيك حدوتة تانية خالص واوبش اعلى وكله فى الاخر راجع لظروفك انما الفيرنا عملية وقطع غيارها رخيصة واعادة البيع فيها جيدة ولها سوق عريض وبالتوفيق ان شاء الله

[ahmedkadoom]

المشاركة الأصلية كتبت بواسطة tonsy1979 هناك زيت اسمه فيسكو 3000 بيقعد 10000ك وممتاز جدا بيعتمد على خاصية درع الحماية للمحرك ويعمل على تنظيف المحرك وحمايته من التآكل الزيت صناعة انجليزية ومعبأ فى الامارات وتمنه 120ج ويباع فى محطات كارجاس

شكرا تونسي باشا للاهتمام
مشكلة زيت فيسكو معايا ان غالبا مش هلاقيه عندي في كفرالشيخ
ايه رأيك في زيت LIQUI MOLY
Top Tec 4100 5W40 ؟
ودا متوفر

كمان ايه رأيك في شيل لو مش لاقي فيسكو؟
واي نوع في شيل؟
اسف لكتر السؤال
وجزيتم

[M.TONSY]

المشاركة الأصلية كتبت بواسطة ahmedkadoom شكرا تونسي باشا للاهتمام مشكلة زيت فيسكو معايا ان غالبا مش هلاقيه عندي في كفرالشيخ ايه رأيك في زيت LIQUI MOLY Top Tec 4100 5W40 ؟ ودا متوفر كمان ايه رأيك في شيل لو مش لاقي فيسكو؟ واي نوع في شيل؟ اسف لكتر السؤال وجزيتم

لو هتحط شيل ومشاويرك مش كتير هتحط هيلكس الاصفر وده بيقعد 5000ك والجركن ب120ج
اما لو مشاويرك كتيرة هتحط هيلكس الترا بيقعد 10000ك تخليقى والجركن ب250ج