سؤال غريب شوية !!!!!

[Payoo]

أولا الأرقام الموجوده في الـRPM مضروبه في 1000
يعني رقم واحد(1) معناه إن عدد لفات الموتور عند الرقم (1) وصلت لـ 1000 لفة في الدقيقة
ورقم (2) معناها 2000 لفه و هكذا

أما إن بعض العدادات بها 7000 لفه و 8000 لفه فهذا معناه أن أقصى عدد لفات يستطيع الموتور الموجود بالسيارة الوصول إليه هو 8000 أو 7000 وحتى في حالة وصوله لهم فهو في مرحلة الخطر التي من الممكن أن تعرض الموتور للتلف تماما

[khaled_1993m]

شكرا يا جماعة على الردود بجد استفدت كتير جدا بس برده محادش قال لي ده بيبقى على اساسا إيه : 010104~171::0 10104~171:

[borio1704]

السر في الوزن

يعني كل ما كانت الأجزاء المتحركة في الموتور خفيفة.. كل ما كانت القدرة على تحريكها أسهل، وبالتالي يمكن الوصول إلى سرعات أعلى

والفرق هنا باين بوضوح في الفرق بين المواتير الجبارة بتاعة عربيات النقل مثلا ومواتير العربيات الصغيرة.. في العربيات الكبيرة أقصى سرعة للموتور بتبقى في حدود 3000 إلى 4000 RPM لإن البساتم والبيلات كبيرة وتقيلة، في حين إن العربيات الصغيرة حاليا السرعة القصوى للموتور بتبقى في حدود 6000 إلى 8000 RPM
(عربيات الفورمولا 1 بتوصل لحد 18 ألف RPM لإن البساتم والبيل من الكاربون فايبر)

على فكرة.. السرعة القصوى هنا المقصود بيها المنطقة قبل الرد زون

بالنسبة للرد زون.. فالمنطقة دي هي الجزء اللي الموتور يقدر يوصل فيها للسرعة دي بس احتمال إن الموتور يحصله حاجة بيرتفع جدا... والحاجة اللي غالبا بتحصل هنا هي كسر في البيل، وده بيخلي البستم حر الحركة فيبقى عامل زي طلقة المدفع وبيحصل انفجار للموتور

الرد زون مش محظورة نهائيا، إنما ممكن تدخل فيها لثواني بس (ثانية أو ثانيتين) وبعد كده لازم تنزل في المنطقة الأمان فورا.

بس علشان تحافظ على طول عمر موتورك.. يفضل ما توصلش الموتور لأكتر من تلتين أو تلات ارباع المنطقة الأمان، والمنطقة الباقية لحد أول الرد زون توصلها ساعة اللزوم بس (يعني لما تبقى عايز تاخد غرزة أو بتسقط نقلة).

أرجو إني أكون فدتك


...

[احمد على 1999]

ايه الجمال ده يا borio1704 باشا

[borio1704]

المشاركة الأصلية كتبت بواسطة احمد على 1999 ايه الجمال ده يا borio1704 باشا

من بعض ما عندكم يا أحمد باشا