مساعدة عاجلة في شراء فيرنا

[dr_eslam_66]

توكلي على الله, ماتخافيش من حكاية الأوتو في عربية منتشرة ووكيلها راسخ في السوق, الأوتو دلوقتي مايعتبرشي حاجة جديدة وبالنسبة لموضوع تعطل وماتعرفيش تحركيها دي مش هتحصل إنشاء الله إنتي جايباها زيرو وخلي بالك بس من مواعيد الصيانة الدورية.
لو إنتي بتفكري في أوتو أنا ممكن أرشحلك الصني أوتو وسعرها حنين برضوا.
ومع ذلك الفيرنا مش وحشة وهيا بس مسالة أذواق شوفي الي تستريحيله شكليا.
شافاكي الله وعافاكي.

[الكشفى]

اهلاً بيكى فى منتدانا وربنا يتم عليكى الشفاء وتوكلى على الله علشان زى ما ذكر الاعضاء العربية جميلة وقطع غيارها منتشرة ولها سوق وكفاية انها كانت مع كورسير وما ادراكى مين كورسير دة

[Tota El Masry]

المشاركة الأصلية كتبت بواسطة khaabas توكلى على الله الفيرنا عربية عملية جدا وبتاعة بهدله قطع غيارها متوفره عند البقالين وفى نفس الوقت حتلاقى منها الاصلى والتقليد ودى ميزة يعنى لو الميزانية على القد اجيب التقليد لحد لما ربنا يكرم واجيب الاصلى مثال تيل الفرامل ممكن تجيبه ب 50 جنية لحد الاصلى 165 الاسطوانة والدبرياج كنت سئلت عليهم لقيت ممكن اجيبهم 280 جنبة والاصلى بتاعهم 450 جنية يعنى من الاخر حاجات فى اللذيذ نيجى بقه للصيانة اى ميكانيكى ملوش لزمة بيشتغل فيها وسعر اعادة البيع ممتاز وكنت افضلك مانيوال لكن لظروفك الصحية وربنا يشفيكى خليكى فعلا اتوماتيك اجدع واى استفسار او خدمة لا تتردى فى طلبها

جزاكم الله كل خير ألف شكر

[Tota El Masry]

المشاركة الأصلية كتبت بواسطة tonsy1979 اهلا بيكى يا توتا وسط اخوانك ونورتى المنتدى بالنسبة للظروف اللى انت شرحتيها وربنا يا رب يشفيكى ويعافيكى انت وكل مرضانا وينعم عليكى بالصحة التامة فانا ارشح لك الفيرنا الاوتوماتيك عربية ممتازة فى فئتها وتعتبر احسن عربية اوتوماتيك فى فئتها السعرية واعطالها نادرة طالما انك هتابعى صيانتها باستمرار فى التوكيل او اى مركز صيانة محترم وانا ندمت انى جبتها مانيوال بصراحة الاوتوماتيك متعة وراحة ما بعدها راحة انما لو ظروفك المادية متيسرة شوية هاتى الينترا استيب ترونيك حدوتة تانية خالص واوبش اعلى وكله فى الاخر راجع لظروفك انما الفيرنا عملية وقطع غيارها رخيصة واعادة البيع فيها جيدة ولها سوق عريض وبالتوفيق ان شاء الله

ربنا يخليك يا أستاذ تونسي و تفيدنا دائماً بمعلوماتك الهائلة و ربنا يجعله في ميزان حسناتك تونسي بك

[Tota El Masry]

المشاركة الأصلية كتبت بواسطة dr_eslam_66 توكلي على الله, ماتخافيش من حكاية الأوتو في عربية منتشرة ووكيلها راسخ في السوق, الأوتو دلوقتي مايعتبرشي حاجة جديدة وبالنسبة لموضوع تعطل وماتعرفيش تحركيها دي مش هتحصل إنشاء الله إنتي جايباها زيرو وخلي بالك بس من مواعيد الصيانة الدورية. لو إنتي بتفكري في أوتو أنا ممكن أرشحلك الصني أوتو وسعرها حنين برضوا. ومع ذلك الفيرنا مش وحشة وهيا بس مسالة أذواق شوفي الي تستريحيله شكليا. شافاكي الله وعافاكي.

ربنا يكرمك و جزاكم الله كل خير دكتور إسلام ممكن حضرتك تعرفلي سعر النيسان و مين الوكيل لو مش حتعب حضرتك معايا