عايز شرح وافى لعمل حساست الركن

[mostafa_alaa16]

أريد أن أعرف عمل حساست الركن للكيا السيراتو ptmnlo123per144 وهل تساوى الطلوع من فئه ex الى فئة sx

بص يا باشا
فايده السينسور بارك
لما تيجي تركن بتجيب الفتيس للوضع R بتشتغل وتحددلك المسافة بينك وبين الجسم اللي وراك وده بتظهر على شاشه الكمبيوتر بصورة وصوت كل لما تقرب بيرتفع صوت التنبيه
هما عبارة عن اربع سينسور وبيظهروا على شكل العربيه فى الكمبيوتر علشان تعرف اى واحد اقرب الى الاجسام وراك
ممككن تركبه عند بتوع الاكسوريز بس حتركب جهاز صغير تشوف عليه الاشارات بتاعتهم ولا يمكن توصيله على كمبيوتر العربيه زى الاصلى.
اما بالنسبه الى EX & SX
يزجد فروق اخرى فى الكماليات بخلاف السينسورز
مثل الجنوط و abs و الكروم والتكييف

[ehab62]

انا راى تجيب الموديل الاعلى عشان ال abs صدقنى هايفرق معاك جداا فى تفادى المتخلفين اللى بيطلعو قدام العربية وانت على سرعات عاليه لانها بتخلى العربيه مش بتتزحلق لو دوست فرامل جامدة وممكن تناور بيها عن تجربة انا معايا نيو سيراتو خليجى كل الكماليات وكمان الركنة من غير السنسور صعبة فى الكيا لانك مش هاتشوف حاجة من المرايا الخلفية

[ehab62]

السينسور بيشتغل اول ما تجيب مارشيدير وتلاقى صوت صفارة لمده ثانية اول ما تقف بالفتيس على Rوبعد كده اول ما العربية ما تقرب من عائق خلف السيارة او اركان السيارة الخلفية بحوالى 2.5 متر بتلاقى صوت صفارة متقطع وبيزيد كل ما تقرب من العائق لغاية ما تلاقى صوت الصفارة بيكون متواصل وده معناه ان بينك وبين العائق من 45:50 سم وطبعا فى التابلوه الامامى تحت عداد السرعة مع الصفارة بيتكون شكل سيارة مع اربع شرط تمثل الاربع حساسات الخلفية وكل شرطة تتكون من ثلاث اجزاء والاجزاء دى يقل عددها كل ما تقرب من العائق الخلفى حتى تصبح شرطة واحده وصوت الصفارة متواصل وده اكتر شرح ممكن اوصلك بيه عمل السينسور بارك من غير صور وميزته انه لا يعمل الا فى حاله وضع الغيار على R وكمان ميزته انه بيديلك مساحة كافية للركنه من غير ما تريح على السيارة اللى وراك عشان الاكضدام الخلفى ما يتخربش خصوصا انه فايبر