قبل شراء اى سياره نيو اكسنت ارجو الدخول

[mahmooud135]

انا مش مع حضرتك فى الموضوع دة لان العربية كفاية انها كورى يعنى مدخلش فيها عم غبور تانى حاجة انا ابن عمى فاتح مكتب تاجير سيارات عنده فيرنا والالنترا ونيواكسنت وتويوتا واكثر عربية بيشكر فيها هى الاكسنت جيبها من 2008 لغايت دلوقتى مجبلهاش قطعة غيار غير تيل وسير الكاتينة ومش منتظم فى الصيانة فرامل عاملة دلوقتى 180 الف كيلو يعنى عربية معمرة واكثر عربية بيشتكى منها هى الفيرنا كل شوية فاتحة بئقها

[Ahmed ELderiny]

السلام عليكم ورحمة الله وبركاتة
انا بختلف مع حضرتك فى الكلام والرأى ده علشان انا معايا هيونداى نيو اكسنت مانيوال 2010 من حوالى 4 شهور والعربية الحمد لله جيدة جدا من حيث موتور قوى واستهلاك بنزين جيد وصالون داخلى جميل ذو خامات جيدة جدا واتعاملت مع مركز الصيانة وكانوا ناس محترمة جدا وبيهتموا بكل كلامى عند استلامهم العربية لتنفيذ الصيانة ,هوه ممكن يكون الزحمة الشديدة على التوكيل هى اللى بتجعل الواحد يتعب ويتنرفز من التوكيل ولكن الزحمة دى ناتجة من نجاح والشعبية الكبيرة لهيونداى فى مصر ,ده غير ان لى اقارب واصدقاء وزملائى فى العمل معاهم موديلات مختلفة من الهيونداى وبالطبع تعاملوا مع التوكيل واسعار قطع الغيار ولم اسمع من واحد منهم اى شكوى كما حضرتك كتبت.

[SuccessCre8or]

كلام و هجوم عايمين جداً ... كعادة اي موضوع شتيمة في عربيات هيونداي

[hollymanroom]

من افضل التوكيلات غبور والنيو اكسنت عربيه ممتازه جدا ليا زمايلي بيتعاملوا مع غبور ومحدش اشتكى منه خالص بترجاكوا يا شباب اي موضوع يكون صريح وواقعي

[ahmed1981]

النيو أكسنت كويسة جداً على سعرها
خصوصا لأو هنقارنها بالأفيو التعبانة

غبور توكيل سيء وعليه زحام شديد
وهذه أسوء نقطة في سجل السيارة في مصر توكيل غبور الزفت

لكن غير كده لو حدودك المالية في هذا المدى فأفضل سيارة هي النيو أكسنت