توكيل مصريه يقاضي شركه ميتسوبيشي اليابانيه

[ayman abdelrazek]

المشاركة الأصلية كتبت بواسطة AboNoRa هو الموضوع لسه فيه كلام ولسه مش عارفين هل الوكالة انتهت بانتهاء مدة العقد ولا بالفسخ من الطرف الاجنبى لان لو مدة العقد خلصت طبيعى يبقى الرواس اخد الصابونه ولو ملوش ضهر مش هياخد اى حاجة لا من بره ولا من جوه لكن لو ليه يبقى هياخد خلو رجل من الوكيل الجديد الوكيل الجديد مين ؟ استبعد عائلة سويرس لانهم طبيعى يطمحوا فى توكيل اكبر من متسوبيشى وموضوع دخولهم لمعمعه السيارات ده كان السنين اللى فاتت دلوقتى سنوات قحط وجفاف اكيد الموضوع مبقاش مغرى اوى متسوبيشى ايجبت ممكن خاصة لو عايزين ينشطو سوق العربيات التجارية كمان لكن انا برشح وافضل ان حد من الاخوه الخليجيين يجى ياخودها ويبقى زيتنا فى دقيقنا بلا خليجى بلاتوكيل بلا وجع دماغ ptmnlo123per1147 والله ينور يا شباب على التغطيه الصحفيه الجامدة ديه

حدد يابونورا اجابتك علشان دى مسابقه رسميه يعنى ماتقولش ممكن ميتسوبيشى ايجيبت وانا برشح مستثمر خليجى...........!

وبعدين فى نقطه مهمه جدا ان حتى لو هتبقى ميتسوبيشى ايجيبت يبقى لازم يكون هناك شريك مصرى او مجموعه مصريه تدير وتبيع بأسمها طبقا لشروط وزارة التجاره.

مش كده ولا ايه..........؟!

[miam0502788391]

انا أعتقد وكيل مصرى جديد هياخد التوكيل من المصرية بس يا ترى موضوع وليد توفيق و محمد نصير فى الكيا هيتكرر تانى وتقعد الماركة حالها موقوف لما المحكمة تحكم ولا ايه الله اعلم

[horas3000]

طب ما تيجيوا يا رجاله نلم من بعض و ناخد احنا التوكيل
علي الاقل نملي المنتدي تقارير عن ميتسوبيشي

[sam ram]

طيب مفيش اختيارات تانيه

المفروض ان عقد وكاله الرواس ينتهي السنه الجايه و بقاله 27 سنه والفتره دي فتره عسيره بعد الازمه العالميه لكن ميتسوبيشي بعتت للرواس برفض التجديد له من قبل الهنا بسنه .. يعني مرتبه امورها وواخده القرار من بدري
بس معتقدش انها بتفكر تستثمر في مصر بنقسها فاستبعد موضوع ميس ايجيبت ده خالص الا لو كانت حتدخل في شراكه مع مستثمر تقيييل من العيار الثقيل يشيل الليله و يفرش الارض ورد وفل
المبيعات الفظيعه للبومه مش مقياس على نجاح الوكيل لأن ممكن تكون نسبه كبيره منها خليجي ده غير انه موديل منتهي بقاله سنتين ومكانه الشارك اللي مبيعاتها ضعيفه جدا مقارنه بالبومه
فممكن يكون فعلا اداء الوكيل مش اد كده خصوصا انه اعلن عن توقفه عن بيع البوما من فتره .. يبقى حيشتغل على ايه !!
ميتسوبيشي تواجدها في مصر من خلال لانسر و بس وبالتالي ملهاش حصان رابح علشان يشجع توكيل مصري انه يجري وراها خصوصا ان الشارك غير مشجعه بالمره والكولت ماتت اثناء الولاده و الجالانت والاوت لاندر اسامي وهميه ورسوم متحركه نشوفها على النت و بس وسلم لي على الباجيرو

مش فاضل غير ديليسيبس لعب في دماغ مسيو بيشي الرابع عشر و اقنعه انه حيخلي الشعب المصري كله يركب شارك او حيعمل خط تجميع للبومه و تبقى السياره الاولى في مصر وتضرب الكوري و الصيني
بسم الله الرحمن الرحيم
سام رام - مدرسه التخمينات النموذجيه
الاجابه ( ثالثا )

[Nissan]

بكل أسف الموضوع حقيقى و لن يتم التجديد لشركة مصرية
العقد سينتهى فى يوليو المقبل و أسباب إنتهاء العقد واضحة زى الشمس و منها عدم الإهتمام بالمبيعات فى الفترة الأخيرة و لم يكن هناك خطة لتوقع عدد السيارات التى ستباع فى المستقبل القريب
أيضا من الأسباب المهمة جدا من وجهه نظرى ان الرواس نسى انه وكيل ميتسوبيشى و تذكر فقط انه وكيل لانسر فاهمل مبيعات الباجيرو إهمال كبير جدا على الرغم من انها سيارة فى غاية الروعة و الجمال و الإعتمادية و تفوق العديد من فئتها
و حدث ولا حرج عن سيارات ال L200 و ال L300 فكم عدد النص نقل و الميكروباصات المباعة ؟ اعتقد انها نسبة قليلة جدا جدا
كما انه رفض تجميع السيارات التجارية مثل الروزا و أقتنص هذه الفرصة الثمينة غبور
الخلاف بين الشركاء ادى الى إنهاء التوكيل فكان من المقرر ان يتم بناء مركز خدمة فوق الخيال فى العبور لكن خلافات الشركاء حالت دون ذلك
أشعر بحزن بالغ و أسى شديد لضياع التوكيل ليس لأنى اعمل به فقط و إنما لعدد السنوات التى قضتها ميتسوبيشى بين احضان شركة مصرية و النجاحات المدوية و القفزات الرهيبة و الغير مسبوقة فى مبيعات الكريستالة و البومة
و لم يتم الإعلان الرسمى عن الوكيل الجديد
لن ننسى ان بنوك و مصانع و شركات عالمية بحجم جنرال موتورز تنهار فى ظل سوق لا يرحم