|
#1
13-04-2011, 08:49 PM
|
||||
|
||||
الحقوني يا جماعة العربية مش عايزة تدور
معايا لانوس 2 موديل 2004 لما بفتح الكونتاك مبسمعشي صوت الماتور اللي في أول الدوارة وبحاول ادورها مبتدورش, ولما بفصل الكونتاك بسمع صوت من الانجكشن زي ما يكون صوت ماتور بيدور ويبطل ارجو الافادة يا جماعة انا قلقان جدا
|
|
#2
13-04-2011, 09:19 PM
|
||||
|
||||
|
رد: الحقوني يا جماعة العربية مش عايزة تدور
وضح الموضوع صح
لأن كلامك جزء منه بيشير إلى عدم عمل طلمبة البنزين
أكشف على فيوز طلمبة البنزين وشوفه سليم ولا لا ولو طلع سليم ثبت كتاوت الطلمبه كويس فى مكانه بعلبة الفيوزات وممكن تحاول تبدله بكتاوت شبيه به آخر لتجربة الدواره
كله هيتعدل بإذن الله وركز معانا علشان القلق ممكن يشوش الأمور
__________________
 قال رسول الله  إن الله ليملى للظالم ............حتى إذا أخذه .....لم يفلته صدق رسول الله ___________ م/سمير
|
|
#3
13-04-2011, 10:08 PM
|
||||
|
||||
|
رد: الحقوني يا جماعة العربية مش عايزة تدور
متشكر جدا يا بشمهندس سمير وبارك الله فيك وربنا يطمنك الحمد لله العربية دارت بس فيه حاجة محيراني, العربية بتعمل معايا كدة بعد ما بغسلها في المغسلة فهل ده ممكن يكون عامل مؤثر؟ ثانيا انا غيرت ماتور (القلب) بتاع الطرمبة قبل كدة وجبت نوع كوري ب 230 جنيه هو شغال كويس بس ساعات العربية مبتدورشي إلا لما أحرك الاكسراتير بتاع البنزين شوية وبعد كدة تدور, ثالثا هل ممكن تكون الرشاشات فيها مشكلة؟ لأني لما حاولت أدورها الرشاشات عملت صوت غريب زي صوت ماتور المساحات كدة ولو فيه مشكلة في الرشاشات يبقى ايه الحل وازاي ممكن أحلها؟ اسف اني طولت عليك وبكرر شكري واعتزازي لأنك بجد بجد من الناس المحترمة جدا وشكرا
|
|
#4
13-04-2011, 10:18 PM
|
||||
|
||||
رد: الحقوني يا جماعة العربية مش عايزة تدور
فوارد تكون مية غسيل بتوصل لأى فيشه من الفيش الكهربيه الموجوده بالسياره ومن هنا بيختل الآداء معاك أحيانا وكنصيحه فى الوقت الراهن حاول تحد أو تمنع عملية غسيل السياره بصفه دوريه وممكن تبقى تعمل نظافه على أد ماتقدر بنفسك بدون مايتم تغريق السياره بطوفان من المياه ( مجرد غسيل ونظافه على خفيف ) _____________ وخالص شكرى لك على زوقك وكلماتك الرقيقه
__________________
قال رسول الله إن الله ليملى للظالم ............حتى إذا أخذه .....لم يفلته صدق رسول الله ___________ م/سمير
|
|
#5
14-04-2011, 11:51 PM
|
||||
|
||||
|
رد: الحقوني يا جماعة العربية مش عايزة تدور
السيد المحترم م/ سمير
ظهرت عندي مشكلة جديدة وهي إني لما بدور وبمشي العربية بتبطل لوحدها ولازم أدوس بنزين باستمرار عشان تفضل دايرة وأول لما بقف العربية تبطل ولازم أدورها تاني, يا ترى أيه سبب المشكلة دي, وحضرتك بتقترح عليا أيه؟ وللاحتياط أنا جبت منظف للرشاشات بس ياريت حضرتك تتكرم وتوضحلي إزاي أقدر أنظف الرشاشات بنفسي, ولو هي مشكلة حقيقية تنصحني أروح لميكانيكي ولا ممكن أحلها بنفسي, وشكرا.................... .........
__________________
SADAT, THE GREAT MAN OF HIS TIME
|
 |
|
|
و أصبحت 
لما بفتح الكونتاك مبسمعشي صوت الماتور اللي في أول الدوارة وبحاول ادورها مبتدورش,
