طنابير اللانوس....

[toti1975]

الاخوة الاعزاء....
انا عربيتى لانوس1 م 99.... ازاى ممكن اعرف ان الطنابير كويسة و لا لا و امتى لازم تتغير ؟ و تتغير بالاصلى و لا الالمانى؟ و لو وحشة بتاثر ازاى فى مشى العربية ؟؟
و شكرا لتعاونكم....

[sayed2077]

بالنسبه للطنابير الامامى بتحتاج تتغير لما بتكون سايق على سرعات عالية مثلا 80 او 100 مثلا وتيجى تدوس فرامل تلاقى رجه جامده فى الدركسيون وفى العربيه

وده علشان بتبقى الطنابير سخنة وبعدين تدخل فى مايه فتيجى الماية على الطنابير او تغصل العربيه والعربيه لسه سخنه والطنابير طبعا بتكون سخنه فده اللى بيعمل فيها كده

اما الطنابير الخلفية فبتكون عاوزه تتغير لما يكون فيها ريجه يعنى بيكون فيها حتت مشرشرة كده لما بتيجى دوس فرامل الحتت المشرشرة ديه بتقطع فى التيل وساعتها ممكن مترميش الطنابير ولا حاجه بس ممكن تروح تجلخها فى المخرطه بتخليها من جوه تكون ناعمة جدا وملساء وبيبقى ليك كام مره تعمل كده لغاية حد معين وبعدها مينفعش تجليخ تانى ولازم تجيب طنابير جديده وعموما اللانوس لو عاوز تجيب طنابير ما قدامكش غير حلين
يأما تجيب طنابير من خارج التوكيل بس متكونش جى ام او بمعنى اخر تكون جنرال موتورز

عاوز تجيب طنابير للانوس بمعنى اخر اوعى تشتريها جديده اصلية ممكن تشتريها جديده صينى او المانى او كورى او استريراد فقط بس متشتريهاش جديده لان للاسف طنابير التوكيل او الجى ام عموما مضروبة وبتبوظ على طول وما دام هتبوظ على طول كده كده يبقى هات مضروب من بره ووفر فلوسك ده فى احسن الاحوال

وممكن تركب طنابير اللانوس 1600 بس ديه بتيجى استيراد بس بشرط ان الكاوتش يكون 14 والجنوط برده طبعا مقاس 14وديه هتخلى الفرامل عندك حجر

تحياتى لحضرتك

[toti1975]

المشاركة الأصلية كتبت بواسطة sayed2077 بالنسبه للطنابير الامامى بتحتاج تتغير لما بتكون سايق على سرعات عالية مثلا 80 او 100 مثلا وتيجى تدوس فرامل تلاقى رجه جامده فى الدركسيون وفى العربيه وده علشان بتبقى الطنابير سخنة وبعدين تدخل فى مايه فتيجى الماية على الطنابير او تغصل العربيه والعربيه لسه سخنه والطنابير طبعا بتكون سخنه فده اللى بيعمل فيها كده اما الطنابير الخلفية فبتكون عاوزه تتغير لما يكون فيها ريجه يعنى بيكون فيها حتت مشرشرة كده لما بتيجى دوس فرامل الحتت المشرشرة ديه بتقطع فى التيل وساعتها ممكن مترميش الطنابير ولا حاجه بس ممكن تروح تجلخها فى المخرطه بتخليها من جوه تكون ناعمة جدا وملساء وبيبقى ليك كام مره تعمل كده لغاية حد معين وبعدها مينفعش تجليخ تانى ولازم تجيب طنابير جديده وعموما اللانوس لو عاوز تجيب طنابير ما قدامكش غير حلين يأما تجيب طنابير من خارج التوكيل بس متكونش جى ام او بمعنى اخر تكون جنرال موتورز عاوز تجيب طنابير للانوس بمعنى اخر اوعى تشتريها جديده اصلية ممكن تشتريها جديده صينى او المانى او كورى او استريراد فقط بس متشتريهاش جديده لان للاسف طنابير التوكيل او الجى ام عموما مضروبة وبتبوظ على طول وما دام هتبوظ على طول كده كده يبقى هات مضروب من بره ووفر فلوسك ده فى احسن الاحوال وممكن تركب طنابير اللانوس 1600 بس ديه بتيجى استيراد بس بشرط ان الكاوتش يكون 14 والجنوط برده طبعا مقاس 14وديه هتخلى الفرامل عندك حجر تحياتى لحضرتك

شكرا يا ا/سيد.. انا عندى بحس بصوت جاى من قدام زى حكه كده اووره و انا ماشى بتبان اكتر على التانى او لم اهدى شويه بالفرامل.. الميكانيكى الصراحه بص على الطنابير الامامية و قالى فيها ريجه و لازم تتغير ..هل هو ده السبب فعلاً؟؟و لو صح التغيير و التجليخ احسن؟؟.. و شكراً

[sayed2077]

بص حضرتك بالنسبه لصوت الحكة طول ما انت ماشى بسرعه فده البلى الامامى للاسف كده خلاص عمره الافتراضى خلص واعتقد بيظهر صوت عندك (كان فرده الكاوتش بترف ) ولازم تغيرة فى اقرب وقت ويفضل لو ليه بلى SKF المانى حتى لو غالى بس كويس جدااا وتشترية من الموزع بتاعه فى التوفيقية على ما اعتقد

اما الطنابير الامامية فليس لها علاقة بصوت الحكة ده وكل مشكلتها فقط انك لما بتدوس فرامل بتلاقى اهتزاز جامد

وافضل علاج لها تغير الطنابير خالص
وليس تجليخها عند الخراط لان للاسف اغلب الخراطين مش بيعرفوا يطلعوها سليمة 100% لان للاسف مكن الخراطه عندهم ضايع اغلبهم يعنى
فالافضل تشترى اتنين جدا وصينى كمان لان كدا الطنابير بتاعت اللانوس عموما ضايعه كده كده فهات صينى علشان لما يبوظوا تانى تبقى تجيب تانى ويكون سعرهم رخيص

وعموما غير البلى الامامى قبل الطنابير علشان البلى لو فرط هتبقى مشكله كبيرة

تحياتى لحضرتك

[toti1975]

المشاركة الأصلية كتبت بواسطة sayed2077 بص حضرتك بالنسبه لصوت الحكة طول ما انت ماشى بسرعه فده البلى الامامى للاسف كده خلاص عمره الافتراضى خلص واعتقد بيظهر صوت عندك (كان فرده الكاوتش بترف ) ولازم تغيرة فى اقرب وقت ويفضل لو ليه بلى SKF المانى حتى لو غالى بس كويس جدااا وتشترية من الموزع بتاعه فى التوفيقية على ما اعتقد اما الطنابير الامامية فليس لها علاقة بصوت الحكة ده وكل مشكلتها فقط انك لما بتدوس فرامل بتلاقى اهتزاز جامد وافضل علاج لها تغير الطنابير خالص وليس تجليخها عند الخراط لان للاسف اغلب الخراطين مش بيعرفوا يطلعوها سليمة 100% لان للاسف مكن الخراطه عندهم ضايع اغلبهم يعنى فالافضل تشترى اتنين جدا وصينى كمان لان كدا الطنابير بتاعت اللانوس عموما ضايعه كده كده فهات صينى علشان لما يبوظوا تانى تبقى تجيب تانى ويكون سعرهم رخيص وعموما غير البلى الامامى قبل الطنابير علشان البلى لو فرط هتبقى مشكله كبيرة تحياتى لحضرتك

بعد التحيه،،،
انا حبيت انقل لكم تجربتى..مع الصوت اللى كنت باسمعه وكنت فاكر انه الطانبير وحشه و كنت هغيرها...روحت للميكانيكى و خليته يركب و يجرب و يسمع الصوت اللى مجنينى ده حوالى 4 مرات و غيرت كاوتش و حطيت الاستبن..و اخيراً اكتشف ان العيب كان فى الكاوتش الامامى و الخلفى الشمال كان فيه قلبه و ناشف شويه و كان فيل بلى عجل خلفى يمين بيعمل صوت شويه.. فقالى روح لبتاع الكاوتش و شاف العجل قالى فعلا الكلام صح الاحسن تغير ال 4 عجلات و تريح نفسك بس الظروف مش سامحه حاليا فقمت غيرت عجلتين بس اللى بايظين خالص و الباقى كويس و غيرت الرومان بلى و الحمد لله الصوت راح و ربنا يكفينا و يكفيكوا شر الاعطال الوحشه ...