شيفروليه لانوس 2012 .. رايي الشخصي عنها

[sherifabden]

المشاركة الأصلية كتبت بواسطة Hisham.Elgazzar شكرا معلومات مفيدة جدا

العفو ياباشا نورت الموضوع

[sherifabden]

المشاركة الأصلية كتبت بواسطة 3bdo شكرا على التقرير بس فيه عيب كمان وهو الصاج بتاعها لو دوست عليه هتلاقيه دخل لجوه يعنى صاج تعبان بس العربية دى انا بحبها جدا وخصوصا لما تكون دايو وبحب شكلها جدا مش عارف ليه

العفو ياباشا نورت الموضوع

[مايكل ذكرى]

تسلم ايدك يا باشا على المجهود الرائع

[sherifabden]

المشاركة الأصلية كتبت بواسطة مايكل ذكرى تسلم ايدك يا باشا على المجهود الرائع

الله يخليك يا باشا نورت المنتدى

[محمدصلاح القاضى]

المشاركة الأصلية كتبت بواسطة sherifabden بسم الله الرحمن الرحيم من كام يوم شفت شيفروليه لانوس 2012 في معرض وقعدت فيها وان شاء الله هكتب ملاحظاتي للعربية وهقسم الموضوع لاجزاء وهي :ــ ــ السيارة من الخارج(المنظر العام للسيارة ـ قوة الهيكل ـ حجم السيارة) ــ السيارة من الداخل(الوسع ـ الحقيبة ـ التابلوه ـ العدادت ـ وضعية القيادة) ــ التقفيل والخامات ــ المميزات والعيوب ــ معلومات اخرى عن اللانوس (المحرك ـ الكماليات الاساسية ـ الكماليات الاضافية ـ السعر) نبدا على بركة الله اولا : السيارة من الخارج ــ المنظر العام للسيارة السيارة من الخارج شكلها متغيرش من زمان وشكلها مش عاجبني (مسالة اذواق) في حاجات تاني مش عاجباني خالص وهيا الفوجات الصغيرة جدا (ملهاش اي لازمة) والجنط الصغير بخصوص ارتفاع اللانوس عن الارض فهيا اوطى من اللوجان واعلى من الفيرنا يعني مش هتقدر تقول عليها عالية او واطية الحاجة الحلوة الوحيدة اللي عجبتني في شكل العربية الزجاج المعتم الخلفي وبصراحة حلو جدا ودي اكتر حاجة عجباني في شكل اللانوس ــ قوة الهيكل صاجها مقبول ومش وحش ابدا وعليها اكصدامات ناشفة نشوفية عفشة السيراتو ام جنط 17 ــ حجم السيارة اللانوس حجمها صغير نسبيا من الخارج طول 4237مم - عرض 1678مم - ارتفاع 1432 مم وطبعا الحجم دا يعتبر متوسط ومش كبير ـــــــــــــــــــــــــ ـــــــــــــــــــــــــ ـــــــــــــــــــــــــ ـ ثانيا : السيارة من الداخل 1/ الوسع بجد احلى حاجة في اللانوس وهيا الوسع العربية في الوسع الداخلي ممتازة جدا وتشيل 5 مرتاحين جدا وانا اعتبر الحكاية دي اكبر ميزة في اللانوس 2/ الحقيبة يعني يوم ما يوسعوا الصالون بتاع العربية يضيقوا الشنطة الشنطة ضيقة ومش حلوة بس هيا عملية لو معاك حاجات مش كتيرة 3/التابلوه التابلوه تصميمه متميز وشكله مقبول جدا ومش وحش بس البلاستيك بتاع الطابلوه مش عجبني 4/العدادت بخصوص العدادات انا ملاحظ حاجة غريبة وهيا ان في بعض الارقام في العدادت اضائتها قوية وبعض الارقام الاخرى اضائتهم ضعيفة بالبلدي كده العدادت اضائتها مش متساوية في اماكن اضاءة قوية واماكن تانية اضائة ضعيفة 5/ وضعية القيادة وضعية حلوة وعجباني جدا وكمان وضعية الدركسيون والدواسات والكرسي ممتازة وحلوة والدواسات قريبة من رجلك والدواسات مش خفيفة ومش تقيلة والفتيس مكانه حلو جدا وخفيف في ايدك وحلو في نقل الغيار وكمان لاحظت حاجة غريبة قوي الطارة معوجة شمال زي مايكون حد ضربها في النص الشمال معرفش الحكاية دي ايه بالضبط ؟؟؟؟؟؟ بس الطارة خفيفة وحلوة وتلف في ايدك بسهولة شديدة من غير اي مجهود بسيط رابعا : التقفيل والخامات اسوا ما في اللانوس (شيفروليه مش دايو) تقفيلها وخاماتها زي الزفت ومش عاجباني خالص وهقول ايه الخامات اللي مش عاجباني 1/ مقابض الابواب الداخلية : ودي من بلاستيك خفيف جدا ويتكسر بسهولة جدا وطبعا لو فتحت الباب جامد ممكن تتكسر منك حاجة مش ظريفة خالص 2/ ازرار التابلوه : مش حلوة خالص خاماتها سيئة وبلاستيك وتتكسر منك (ازرار التكيف والازاز والكاسيت) ـــــــــــــــــــــــــ ـــــــــــــــــــــــــ ـــــــــــــــــــــــــ ـ رابعا المميزات والعيوب مميزات الشيفروليه لانوس 1/ وسع داخلي رهيب 2/ موفرة جدا في البنزين 3/ قطع غيارها رخيصة جدا واعادة بيعها ممتازة 4/ صوت هادي للماتور 4/ باور خفيف وناعم 5/ وجود زجاج فيميه معتم خلفي 6/ عزل كويس جدا ومش وحش عيوب الشيفروليه لانوس 1/ تقفيل سئ وخامات اسوأ 2/ الطارة اللي معوجة ناحية الشمال 3/ شنطة ضيقة 4/ واطية وممكن تحك منك في المطبات 5/ اضاءة العدادت تحس ان في اماكن قوية في الاضاءة واماكن ضعيفة في الاضاءة يعني الاضاءة مش متساوية 6/ الجنوط الصغيرة ودي تقلل الثبات 7/ الفوجات الصغيرة ـــــــــــــــــــــــــ ـــــــــــــــــــــــــ ـــــــــــــــــــــــــ ـ خامسا : معلومات اخرى عن اللانوس المحرك محرك 1498 سي سي حقن الكتروني للوقود يتكون من 4 اسطوانات في خط واحد و8 صباب وكامة علوية مفردة يولد قوة حصانية تقدر بـ86 حصان عند 5800 دورة / دقيقة وعزم قدره 133 نيوتن عند 3400 دورة / دقيقة ويستهلك وقود بمعدل 6.4 لتر / 100 كم ويستطيع دفع السيارة عن طريق العجلات الامامية من سرعة 0 كم /س الى سرعة 100 كم/ س في زمن قدره 12 ثانية تقريبا وتبلغ سرعتها القصوى 180 كم/س كماليات اللانوس الاساسية باور / 4 سماعات / تكييف / راديو بمشغل اسطوانات مدمجة / زجاج مظلل / جنط 13 عادي / قضبان للابواب لامتصاص الصدمات / شبكة امامية من الكروم / مقاعد متحركة وقابلة للطي / اكصدامات بلون السيارة / فتح التانك من الداخل / مراية السائق الجانبية يدوية كماليات اللانوس الاضافية عداد لفات المحرك (RPM) / سنتر لوك / زجاج كهربائي / مراية كهربائية اتجاه الراكب الامامي / ساعة رقمية / اريال كهربائي / مصباح ستوب خلفي / فوانيس شبورة / تعديل الدركسيون لاكثر من وضع السعر سعر اللانوس L 68000 جنيه سعر اللانوس LS 71000 جنيه والاسعار دي في المعرض مش التوكيل فممكن الاسعار تختلف ـــــــــــــــــــــــــ ـــــــــــــــــــــــــ ـــــــــــــــــــــــــ ـ وفي النهاية اتمنى اني اكون افدت حضراتكم بس للاسف مصورتش العربية برضه ومنتظر منكم اجمل الردود

عرض رائع
لكـــــــــــــــــــــــ ـــــــــــــــــــــــــ ـــــــــــــــــــــن
جربت تسوقها :craz yW14: :craz yW14: :craz yW14: :craz yW14: