سال وهتلاقى المتخصص الى هيجاوبك عن سوالك فى بيجــو

[MessiLoVeR]

السلام عليكم .. انا عربيتى ظبطتها كسمكرة ووديتها للميكانيكى قالى هى تمام بس محتاجة ظبط تاكيهات وهو ميكانيكى التوكيل .. المهم قولتله ظبطها بيفتح لقى اللى ظبطلى التاكيهات زمان مخلي القياسات 35 و 30 و 25 وحاجات كده ولقى العامود متجرح جاممممممممد المهم غيرة وظبطة وظبط كل التاكيهات على 45 وقالى دى ظبط الفابريكة الغريبة بقى ان من ساعتها العربية بتسخن بسرعة غرييييييييييييييييبة حتى بليل وميكونش زحمة الاقيها سخنت .. حاسس انة من التاكيهات فهل هو ظبطها صح ولا لا ؟

[petro294]

انت نسيتنى يا بشمهندس ولا ايه ؟؟

المشاركة الأصلية كتبت بواسطة petro294 مساء الفل عليكم كنت عاوز اسأل حضرتك يا بشمهندس على ال٤٠٨ قدامى واحده مستعمله موديل ٢٠١٢ عامله ٢٨ الف هى اوتوماتك أول فئه..مافيهاش غير سينسور بارك وجنط ١٦ كنت عاوز حضرتك تجاوبنى على النقط دى: ١- هل فيه عيوب معروفه فى الموديل ده ؟ ٢- هى فابريكه ماعدا اكصدام أمامى مرشوش...تقريباً يكون ثمنها كام..بالتقريب كده..البائع طالب ١٢٨ الف ٣- لو عاوز ارفعها فى التوكيل..من فضلك تقوللى مكان توكيل كويس وتقريبا بيكلف كام ٤- هل فيه فروق كبيره بينها وبين ال ٢٠١٣ شكرا جزيلا لمجهودك الرائع...جزاك اله خير

[thelostlove45]

عايز أعرف سعر ماكينة الباور لبيجو 307 موديل 2005 , جديدة أو إستيراد وهل الأفضل أشتريها جديدة ولا إستيراد ولكم جزيل الشكر )

[hisam2010]

المشاركة الأصلية كتبت بواسطة phan السلام عليكم ورحمة الله وبركاته لو سمحت يابشمهندس انا عندى بيجوا 405 واود استبدالها بسيارة 301 او 206 او307 هاتش باك الفئة الاقل من فضلك اود مقارنة بين الثلاثة من حيث المواصفات و المميزات والعيوب وتوفر قطع الغيار ومعدل استهلاك البنزين واسف للاطالة وشاكر جدا لاهتمامك بالرد على تساؤلاتنا

وعليكم السلام ورحمة الله وبركاتة...
أنا أعتذر عن تأخرى فى الرد......

301

ملخص المقارنة بين الفئات الثلاثة أنصحك على الفور بشراء ال 301 لعدة اسباب منها
1- رخص ثمنها ( من المتوقع السعر هيكون من 120 الى 145 للفئة الاعلى).
2- تلافى عيوب ال 307 التى كانت مرهقة للعميل جدا فى التكاليف.
3- استهلاك بنزين جيد جدا مع العلم انها نفس محرك ال 307 مع اجراء بعض التعديلات علية ليصبح بقوة 115 بدلا من 110 حصان.
4- حجم واتساع السيارة من الداخل كبير الى حد ما وبالأخص الشنطة ( تخبى فيها الفيل).
اما ال 206 فسيارة جيدة بالطبع ولا خلاف على ذلك واستهلاك بنزين ممتاز وحجم سيارة داخلى وخارجى رائع ولكن من الصعب انك تلاقى عربية كويسة وبالأخص موديلات 2000 و 2001.
الا اذا كنت هتشترى 206 + وبردو لازم تكشف عليها قبل ما تشترى.
أعتذر مره اخرى لو مكنتش قدمت المقارنة على الوجة الأمثل وذلك لقلة خبرتى بتنسيق المواضيع على المنتدى.

[hisam2010]

المشاركة الأصلية كتبت بواسطة thelostlove45 عايز أعرف سعر ماكينة الباور لبيجو 307 موديل 2005 , جديدة أو إستيراد وهل الأفضل أشتريها جديدة ولا إستيراد ولكم جزيل الشكر )

جديدة بحوالى 4000 جنيه
استيراد بحوالى 1200 جنيه
الافضل لو لقتها استيراد على التجربة