#1
|
|||
|
|||
مأساتي مع فرع النزهة و تحية إجلال و تقدير لأستاذ عماد حبيب
ترددت كثيراً في كتابة هذا الموضوع و لكن بعد ما حدث اليوم قررت الكتابة حتى أعطي كل زي حق حقه
أولاً و قبل أي شيء أريد أن اشكر أستاذ عماد حبيب على تحمله ليه و لمكالمتي و امتصاصه لإنفعالي اليوم الموضوع اني كنت حاجز العربية (BYD F3 Automatic) في معرض الأهرام بتاريخ 14-01-2011 و كان الاستلام المفروض بعد 15-03-2011 ، المهم أنا ابتديت أسأل من بعد 15 مارس و الموضوع مكنش فيه رد واضح و صريح هيكون امتى أنا قلت ممكن يكون عشان الأحداث اللي حصلت في البلد التسليم هيتإخر شوية لكن اللي حصل حسسني إن الموضوع ابتدى يتحول لإستخفاف و عدم إحترام و شبه إستغلال لعدم علم العميل ببعض الإجراءات المتبعة عند شراء سيارة بالتقسيط و التأمين عليها أنا هحاول الخص الموضوع في نقاط عشان أكون مختصر و يارب أعرف أقول كل اللي عندي و أقدر أوصلكو اللي عايز أقوله : 1- الإستلام كان المفروض بناء على تأكيد أستاذ مدحت و أستاذ خالد من فرع النزهة يتم الإسبوع دة و لم يحدث 2-يوم السبت إلي فات كلمت الأستاذ مدحت و قللي كلمني على الاتنين و أقولك على معاد الإستلام و للأسف من يوم الاتنين لحد النهردة (الخميس ) مكنش بيرد على مكالمتي و رد عليا بس لما كلمته من موبايل غير موبايلي(أنا مش عايز أكون سيء ال ظن بس هو دة اللي حصل فعلاً) 3- أنا جايب العربية بالتقسيط الإسلامي مع بنك أبو ظبي و دة معناه إن العربية لازم تكون واقفة في المعرض عشان باقي اجراءت البنك تتم عشان البنك بيعاين العربية و يشتريها و بعد كدا يبعهالي 4-الغريب إن أستاذ خالد كان بيقولي أنا مش هقدر أطلع العربية من المصنع غير لما البنك يخلص اجراءته و دة بيخلينا نطرح سؤالين : السؤال الأول : هو ليه المعرض يتدخل في طريقة الدفع، هو مش ليه إن الفلوس تجيله سواء أنا هدفع كاش أو هقسط مع بنك؟؟ السؤال التاني : إن للأسف الأستاذ خالد حاجة من الاتنين يا إما مايعرفش نظام التقسيط الإسلامي و دة في حد ذاته كارثة لأنه المفروض مدير معرض و أكيد جاله ناس قبل كدا بنفس الحالة بتاعتي أو هو بيماطل و بيتحجج بالبنك لأن العربية مجتلوش أصلاً وهو فعلاً دة اللي حصل لما هداني تفكيري اني اختبره إختبار بسيط و أقوله أنا هدفع كاش و مش هقسط تبع بنك و ياريت تقولي هستلم العربية امتى ، لقيته بيقولي بمنتهى البرود و الإستخفاف إن مفيش عربيات هتتسلم قبل شم النسيم يعني الإستلام هيكون على التلات أو الأربع اللي جاي ٥-لما كنت عند أستاذ خالد و بالمصادفة بساله على التأمين، لقيته بيقولي حاجة غريبة جداً و هي اني لازم أأمن تبعهم (هما بيأمنوه مع مصر للتأمين ) و دة أنا إستغربتله جداً لأن قرار التأمين في الأول و في الأخر بيرجع للممول و هو البنك في حالتي يعني هو ملوش إنه يجبرني على شركة تأمين معينة و دة معناه إن لو فيه حد مش فاهم هيوافق على الموضوع مضطر و أكيد النسبة بتاعة التأمين هتكون عالية عشان أنا لما قلتله أنا هامن تبع قناة السويس بنسبة 3.5 سكت و قلي ok ذي ماتحب 6-أنا النهردة كنت ثائر جداً لأقصى درجة و الأستاذ عماد حابب مشكوراً كان سبب في إن المشكلة تتحل إلى حد كبير و اديني مستني العربية تيجي يوم التلات المعرض عشان أخلص اجراءت البنك و استلم على خير إستنتاجي من اللي حصل معايا هو الأتي : 1-فيه ناس محترمة جداً جداً إلى أقصى درجة ذي أستاذ عماد حبيب و غيرهم من اللي اتعملت معاهم النهاردة و فعلاً لو باقي العاملين بالتوكيل مشيوه على نهجهم التوكيل دة هيبقى من أحسن التوكيلات في مصر 2- الإستخفاف بالعميل و عدم إحترام المواعيد و إن العميل يحس إنه بيتعامل مع ناس لا تلتزم بكلمتها و إنه النهاردة ممكن يقوله كلام و بكرة يقوله كلام تاني دة يدل على إن الناس ده بتفتقد أبسط معايير المصداقية و الشافية و الإحترافية في التعامل و أنا فعلاً ندمان اني طلبت إستلام العربية من فرع النزهة وقت الحجز و لولا وجود شخص ذي أستاذ عماد حبيب و إن الموضوع أصبح بالنسبالي موضوع عند أنا كنت لغيت الحجز و فكرت في عربية تانية أنا أسف اني طولت عليكو بس أنا حبيت ذي ماقلت في الأول اني أعطي كل زي حق حقه و اني أنفس عن نفسي شوية معاكو لعل و عسى أشوف في ردودكم حاجة تواسينى او تقولي أنا غلط في إيه و لو كنت أسأت التصرف كان المفروض اتصرف ازاي |
#2
|
||||
|
||||
رد: مأساتي مع فرع النزهة و تحية إجلال و تقدير لأستاذ عماد حبيب
معلش فات الكتير وما بقى الا القليل
وماتعرفش الخير فين ربنا يوفقك ويفظهالك والف مبروك مره تانيه |
#3
|
|||
|
|||
رد: مأساتي مع فرع النزهة و تحية إجلال و تقدير لأستاذ عماد حبيب
متشكر جداً لسرعة رد حضرتك و أحب أوضح بعد النقاط :
1- موضوع إسلامي دة أنا استخرت ربنا فيه و إستريحتله مع العلم اني عندي تحفظ في بعض حاجات عليه 2- أنا بتعامل مع فرع النزهة اللي تبع التوكيل ، يعني العربية أنا شاريها من التوكيل 3- أنا كل اللي طلعلي موافقة بنك، و مش عارف أعمل التأمين ولا أخلص اجراءت البنك عشان ذي ماقلت العربية لسة مش واقفة في المعرض 4- البنك لم يشترط شركة تأمين معينة ، هو ليه وثقة تأمين تطلع على العربية بس أنا كنت بضرب مثل أن حتى لو فيه إشتراط على شركة التأمين المفروض يكون من عند البنك مش من المكان اللي بيبع العربية |
#4
|
|||
|
|||
رد: مأساتي مع فرع النزهة و تحية إجلال و تقدير لأستاذ عماد حبيب
إستكمالاً للمأسة اللي فعلاً مش لاقي كلمة أكتر من كدا عشان تعبر عن اللي بيحصل معايا
أنا كنت إتوعدت إن يوم الحد العربية تكن موجودة في المعرض عشان يوم التلات الاجراءت تخلص كلمت مدير فرع النزهة و بساله على العربية لقيته بيقولي موجودة و ممكن تيجي تتفرج عليها سألته بتقفله الساعة كام قللي احنا النهاردة هنخلص على 5 روحت المعارض على طول و فعلاً لقيت عربية BYD F3 automatic فيراني ذي اللي أنا طلبها بالظبط ، بسأل الولد اللي وقف في المعرض إن المفروض العربية ده بتاعتي و عايز أشوفها لقيته بيقولي لأ ديه محجوزة لواحد و قلي إسمه ، قلتله فين مدير المعرض قلي جوا ، دخلتله قلي عربيتك في المخزن و هتيجي يوم التلات على الساعة 3 أو 4 ، طبعاً أنا سبحان مين خلاني أسكت و مفتحش بقي و اشتمه ولا أقول كلام يعاقب عليه القانون خصوصاً اني جاي من القاهرة الجديدة يعني مشوار مش قليل المهم بعد مداولات اتفقنا إن العربية هتكون موجودة يوم التلات على الساعة 3 أو 4 و الاجراءت تخلص على يوم الأربع كلمته النهردة الساعة 4 و بساله العربية جت ، لاقته بيقولي بمنتهى البرود هتيجي بليل ( طبعاً أنا بعد اللي حصل لو حلفلي انها واقفة قدامه مش هصدقه )، قلتله أنا عايز أشوفها قبل البنك ميجي قللي تعالى 11.30 بليل المهم كلمت ناس في التوكيل و يمين شمال قللي العربية هتكون موجودة كمان ساعتين اللي هو الساعة 6 أو 7 ، و اديني نازل رايح دلوقتي و لما أرجع حبقى أحكلكو إيه اللي حصل و ربنا يصبرني على اللي أنا فيه بجد |
#5
|
|||
|
|||
رد: مأساتي مع فرع النزهة و تحية إجلال و تقدير لأستاذ عماد حبيب
هتروح برده مش هتلاقيها احسلك كبر دماغك واشترى حرقه دمك واعصابك لحسن دول ناس على حسب كلامك ابرد من الثلج ريح دماغك وهات اى عربيه تانيه وممكن تكون اسبيرنزا او غيرها العربيات كتيييييييييييييييييير( ريح دماغك واشترى نفسك وريح اعصابك على الاخر ) عشان خاطر اولادك ولو معندكش يبقى عشان خاطر نفسك وربنا يديك اولاد احسن من العربيه ههههههههههههههههه
|
|
|