نويت إن شاء الله أشترى عربيه لادا 2107 موديل 2013 زيرو جميع الكماليات

[AbOnOrA]

ربنا يوفقك ويهبك خيرها ويكفيك شرها

انا من الناس اللى كانت مقتنعة بالادا جداً زمان بس مش زيرو
اشتريها مستعملة اوفر بكتير وهتلاقى حالات نظيفة وكسر زيرو
اما لو تقسيط كمان فحرام اوى لانك هتلقاى تمنها عدى جامد اوى
لكن عموماً الادا زى عدة الشغل حاجة بتجيبها وتنساها

[محمد حنفى]

المشاركة الأصلية كتبت بواسطة AbOnOrA ربنا يوفقك ويهبك خيرها ويكفيك شرها انا من الناس اللى كانت مقتنعة بالادا جداً زمان بس مش زيرو اشتريها مستعملة اوفر بكتير وهتلاقى حالات نظيفة وكسر زيرو اما لو تقسيط كمان فحرام اوى لانك هتلقاى تمنها عدى جامد اوى لكن عموماً الادا زى عدة الشغل حاجة بتجيبها وتنساها

شكراً ليك
بس انا معيش المبلغ اللى اجيب بيه عربيه مستعمله كسر زيرو
علشان كده حجيبها بالقسط
احسن من مفيش وبرده احسن من 127 اللى كانت معايا
وبرده انا ساكن فى دار السلام ومش حقولك على المطبات اللى موجوده
علشان كده فكرت فى اللادا وبعدت عن الفيرنا مع ان الفرق 10 الاف جنيه فقط

[Emgrand]

العربيه ضيقه ولو طويل شويه هتتعب جواها وصوت ماتورها عالى جدا بميزه من على بعد
ومتتغرش بكلمه باور وتكييف
اللادا بتبيع تاكسى وجيش بس مشفتش منها ملاكى زيرو الا نادرا

[nawwara]

ربنا يباركلك فيها ان شاء الله
ويعطيك خيرها ويكفيك شرها
اول ما تشتريها ان شاء الله ارقيها
وقول دعاء شراء الشئ الجديد (اللهم انى اسألك خيرها وخير ما جبلتها على , واعوذ بك من شرها وشر ما جبلتها على)

[AbOnOrA]

اكيد فى فرق بين ال 127 والادا
بس مش كبير قوى مقارنة بفرق السعر
وخاصة لو حسبت انك ممكن تجيب الادا بحالة حلوة بحاجة وعشرين تلاتين ولما تبيعها متخسرش كتير
لكن القسط هيرهقك سنيييييين قدام وعلى ما تخلص القسط تفتح بقها
ولو حسبتها هتلاقيك واقفة عليك قسط مش اقل من 60 - 70 الف جنية
كتيييييير اوى بصراحة