وش سلندر لادا مساعدة

[youssef_elgbaly]

السلام عليكم
محتاج مساعدة فى مقاس مسامير وش سلندر لادا 2105 هى مقاسها كام يعنى ممكن اقرط على الوش بصليبة العجل مثلا ولا ماينفعش؟

تانى حاجة معلش تعبكم معايا لو حليت غطا التاكيهات وجيت شيلت الكامة لازم افك شداد الكاتينة الاول ولو شلتها كده تخلف تقسيمة ولا مالهاش علاقة؟

ولو حبيت اركب اويسيل صباب بنفسى (كاوتش صباب) ممكن اركبه بمجرد حل كامة التاكيهات من غير حل الوش بالخارج واشيل الشواكيش وفى تيلتين صغيرين على كل تاكيه والسوستة والطبق واركب الكاوتش وارجع اركب السوستة والشاكوش والكامة تانى عليهم واقفل على كده الكامة ولا الكامة ليها ظبطة ممكن تخلف ولا اعلم بطباشير قبل ماشيلها

بليز المساعدة وجزاكم الله كل خير انا بحب اعمل الحاجة بنفسى واتعلم مش مسئلة فلوس والله

[youssef_elgbaly]

ولا رد هههههههههههههههه

[mr_astra]

المشاركة الأصلية كتبت بواسطة youssef_elgbaly السلام عليكم محتاج مساعدة فى مقاس مسامير وش سلندر لادا 2105 هى مقاسها كام يعنى ممكن اقرط على الوش بصليبة العجل مثلا ولا ماينفعش؟ افتكر ان المقاس هو 17 وبتحتاج لقمة ويد طويلة ومفتاح العجل اعتقد هايبقى مبوش مش زى اللقمة وبعدين حضرتك لازم تفك الكامة عشان فى مسامير تحتها تانى حاجة معلش تعبكم معايا لو حليت غطا التاكيهات وجيت شيلت الكامة لازم افك شداد الكاتينة الاول ولو شلتها كده تخلف تقسيمة ولا مالهاش علاقة؟ شلت الشداد او ما شلتهوش لازم نتبع الصح تعالى بس الاول نجاوب على السؤال وهو مش لازم تفك البلف للاخر كفاية تهوية فقط اول حاجة تحرر البستم رقم واحد (من ناحية المروحة ) وتخلية فى النقطة الميتة العليا ودى تعملها بمفك او لو تاخد بالك فى 3 علامات فى وش التقسيمة بيقابلهم زنبة على طنبورة السير خليهم ادام بعض وبكدة يبقى انت محرر البستم رقم واحد هاتبص بعنيك على ترس الكاتينة اللى على الكامة هتلاقى علية زنبة فى الترس نفسة بيقابلها زنبة مدببة فى غطا التاكيهات لازم يكون ادام بعض وساعتها هتلاقى قفل الجنزير اللى بيتفك فوق خالص عند زنبة غطا التاكيهات شيل القفل واربط الجنزير بحبل او سلك فى اى جزء ثابت فى الموتور عشان ما يقعش جوة الموتور وابدا بفك الشواكيش بالعامود هيبان ادامك مسامير وش السلندر حرق عليهم بالتتابع المنطقى المعروف ولو حبيت اركب اويسيل صباب بنفسى (كاوتش صباب) ممكن اركبه بمجرد حل كامة التاكيهات من غير حل الوش بالخارج واشيل الشواكيش وفى تيلتين صغيرين على كل تاكيه والسوستة والطبق واركب الكاوتش وارجع اركب السوستة والشاكوش والكامة تانى عليهم واقفل على كده الكامة ولا الكامة ليها ظبطة ممكن تخلف ولا اعلم بطباشير قبل ماشيلها بليز المساعدة وجزاكم الله كل خير انا بحب اعمل الحاجة بنفسى واتعلم مش مسئلة فلوس والله

للاسف مش هاتعرف تغير كاوتش الصباب من غير ما تفك الوش
انا عارف ان حضرتك ممكن يكون عندك دخنة من الشكمان وتعريق زيت على البوجيهات بس معلش لازم الوش يتفك
عارف لية
لان ممكن يكون فى دليل او اكتر هو اللى بيسرب الزيت مش كاوتش الصباب
اتمنى انى اكون افدتك واسف على التاخير فى الرد

[youssef_elgbaly]

المشاركة الأصلية كتبت بواسطة mr_astra للاسف مش هاتعرف تغير كاوتش الصباب من غير ما تفك الوش انا عارف ان حضرتك ممكن يكون عندك دخنة من الشكمان وتعريق زيت على البوجيهات بس معلش لازم الوش يتفك عارف لية لان ممكن يكون فى دليل او اكتر هو اللى بيسرب الزيت مش كاوتش الصباب اتمنى انى اكون افدتك واسف على التاخير فى الرد

تمام يابشمهندس الله يخليك
طيب بالنسبة لوش التقسيمة العلامات بتبقى على غطاء وش التقسيمة من برة يعنى اغسلع كويس ولا العلامات بتبقى من داخل وش التقسيمة مالهوش علاقة بالغطا
مثلا يوجد بوش التقسيمة 3 تروس
ترس الكامة العلوى camshaft gear
ترس الكامة السفلى اللى فى النص واعتقد ده بيتوصل عليه ترس الاسبراتير وطرمبة الزيت

واخر حاجة ترس عمود الكرنك
بالنسبة لعمود الكرنك انا ادى العربية الرابع وازق لعاية لما البستم رقم واحد او اربعة يبقى فوق خالص تمام كده اتظبط ومالهوش علاقة بالزمبة صح
بالنسبة لترس الكامة اللى فى النص ليه زنبة ولا ده بره موضوع التقسيمة يعنى توصيله مع سير الكاتينة علشان ياخد حركة للاسبراتير وطلمبة الزيت بس

اخر حاجة من فوق ترس الكامة وده ليه زمبة انا حطيت صورة حلوة لو كده صح يبقى تمام يابشمهندس معلش تعبك معايا



طبعا بنظبط رقم 2 مع 3 على الصورة وبنقفل غطا وش التقسيمة بجوان وجملكة وكده خلاص مافيش تقسيمة تانى وادور العربية تدور باذن الله مش هى ديه تقسيمة الكهرباء ولا بعد كل ده واقفل اعمل تقسيمة االكهرباء تانى بالمفك وبعد كده اظبط الاسبراتير على بوجيه رقم واحد من الغطا بتاعه واخر واقدم كهربا والعربية دايرة لغاية لما تستقر
هو ترس الكامة فقط اللى يوجد بيه زنبة؟

[mr_astra]

المشاركة الأصلية كتبت بواسطة youssef_elgbaly تمام يابشمهندس الله يخليك طيب بالنسبة لوش التقسيمة العلامات بتبقى على غطاء وش التقسيمة من برة يعنى اغسلع كويس ولا العلامات بتبقى من داخل وش التقسيمة مالهوش علاقة بالغطا الـ 3 علامات على وش التقسيمة من برة على الوش المعدن وبيقابلهم شرطة او زنبة على طنبورة الكرنك وتخليهم ادام بعض بالظبط يبقى كدة البستم رقم واحد فى النقطة الميتة العليا وفى شوط الضغط مثلا يوجد بوش التقسيمة 3 تروس ترس الكامة العلوى camshaft gear ترس الكامة السفلى اللى فى النص لا هنا انا مختلف معاك ....مفيش ترس للكامة سفلى اللى افتكرة ان فى ترس للكامة العلوة وترس عامود الكرنك وفى ترس تالت على اديك اليمين ودة ملهوش اى ظبط واعتقد ده بيتوصل عليه ترس الاسبراتير وطرمبة الزيت واخر حاجة ترس عمود الكرنك بالنسبة لعمود الكرنك انا ادى العربية الرابع وازق لعاية لما البستم رقم واحد او اربعة يبقى فوق خالص تمام كده اتظبط ومالهوش علاقة بالزمبة صح مهو حضرتك البستم رقم واحد بيطلع لفوق خالص مرتين مرة عشان يكنس العادم ومرة وهو بيضغط الشحنة طب هاتفرق بنهم ازاى ؟؟؟؟ عشان كدة بؤلك اشتغل عل العلامة احسن او تدى سنة مرش وانت قافل بصباعك مكان بوجية رقم واحد ولما تحس بكبس واقع على صباعك تحط مفك رفيع وتدى العربية الرابع لغاية لما البستم يبقى فى اعلى نقطة لية وساعتها لو بصيت على زنبة الكرنك هتلاقيها امام 3 شرط على وش التقسيمة بالنسبة لترس الكامة اللى فى النص ليه زنبة ولا ده بره موضوع التقسيمة يعنى توصيله مع سير الكاتينة علشان ياخد حركة للاسبراتير وطلمبة الزيت بس اخر حاجة من فوق ترس الكامة وده ليه زمبة انا حطيت صورة حلوة لو كده صح يبقى تمام يابشمهندس معلش تعبك معايا فعلا الصورة صحيحة تمام لكن الزنبة عندك فى الـ لادا مش بالشكل دة ....او الزنبة هتلاقيها نحية التاكيات ولها سن مدبب لاسفل طبعا بنظبط رقم 2 مع 3 على الصورة وبنقفل غطا وش التقسيمة بجوان وجملكة وكده خلاص مافيش تقسيمة تانى وادور العربية تدور باذن الله مش هى ديه تقسيمة الكهرباء ولا بعد كل ده واقفل اعمل تقسيمة االكهرباء تانى بالمفك وبعد كده اظبط الاسبراتير على بوجيه رقم واحد من الغطا بتاعه واخر واقدم كهربا والعربية دايرة لغاية لما تستقر هو ترس الكامة فقط اللى يوجد بيه زنبة؟

بالنسبة لتقسيمة الكهرباء
استغل الوضع دة ان البستم فى النقطة الميتة العليا والكامات بتعتة مقفولة بمدلول زنبة ترس الكامة متطابقة من زنبة فى غطاء التاكيهات
وسقط الاسبراتير بتاعك والشاكوش بيشاور على بوجية رقم واحد فى وش الاسبراتير
ومش عاوز افكرك ان لادا تقسيمتها مختلفة عن باقى العربيات
المشهور فى العربيات
1
3
4
2
الادا مختلفة
1
4
3
2