#1
|
|||
|
|||
ارجوا الافاده منكم بالله عليكم
السلام عليكم ورحمه الله وبركاته
ارجوا رأيكم فى موضوعى دا لانى ان شاء الله متأكد انكم اكتر ناس هاتفيدونى دلوقتى انا بشترى عربيه فى حدود 35000 ودى اول عربيه اشتريها وكنت بدور على حاجه تكون عائله وكويسه لانى بسافر كتير اوى المهم انا كنت عايز اجيب اكسنت بس دورت كتير كل لما الاقى واحده اكسنت بتيقى فى حدود 37000 وطالع عينيها وشكلها اصلا يخوف .. المهم فى الاخر شوفت عربيه اكسل ودى مع واحد قريبى وبصراحه عربيه انا شايف انها كويسه بس برده الرأى ليكم لان انتم اكثر درايه منى المهم العربيه دى موديل 94 خليجى 1500 سى سى راشه حزام نظافه ودواخل فابريكه هى اصلا كانت معاقين ولسه فاكه الحظر من 6 شهور وقريبى دا اشتراها من المعاق دا بعد فك الحظر من عليها وبيقولى انها كان فيها دخنه بسيطه وهو قام معمرها على طول اول ماشتراها 4 زجاج كهرباء وسنتر لوك التكيف موش شغال فرش جديد جلد وتحته الفرش الاصلى بتاع بلدها فيها طقم جنوط جديد سبور وبصراحه انا ركبتها مالهاش اى صوت خالص هاديه اوى فيها رخصه سنتين و اربع شهور المهم انه قالى سعرها 35000 وهو كده عامل الواجب معايا يعنى ارجوا منكم الافاده وايه رأيكم اجيبها ولا ايه وهل سعرها كده كويس انا اللى مقلقنى انى سمعت عيوب ليها كتير من الناس ان الاكسل عامه بتعووووم على الطريق موش ثابته وغير كده على طول بتفرط لورمان بلى والكبالن وكده يعنى كمان بيقولوا على موضوع انها بتشرخ من الرفرف الشمال تقريبا على طول عامه انا عايز اعرف انتوا ايه رأيكم لانى والله محتار اوى واسف انى طولت عليكم شكرا |
#2
|
||||
|
||||
رد: ارجوا الافاده منكم بالله عليكم
مش عامل معاك واجب ولا حاجة هو توبها كدة ويمكن اقل كمان الف جنية
__________________
يااااااااااااا رب إرحمنا بقدرتك علينا |
#3
|
||||
|
||||
رد: ارجوا الافاده منكم بالله عليكم
السلام عليكم
العربيات ديه كويسه بس ماتحاولش تصلح التكيف لأن تكيفها بيبوظ دايما وبيسخن العربيه اما بالنسبه للعومان فالجنط هيخليها اكثر ثبات وفعلا الأكسيل لو المساعدين باظو بيعمل شرخ في الكرتيره او البطيخه وعموما العربيه على قد فلوسها وفي قطع غيار اللانسر بيركب عليها اما بالنسبه لثمنها الآن مش عارف بس سيارات المعاقين بتكون انظف وارخص من العاديه والله المستعان
__________________
صل اللهم على خير الأولين والآخرين وعلى آله الطيبين الطاهرين واصحابه الغر الميامين ومن تبع هديه إلى يوم الدين سبحان الله وبحمده سبحان الله العظيم ربي اغفر لي وتب علي إنك انت التواب الغفور لا إله إلا أنت سبحانك إني كنت من الظالمين
|
#4
|
||||
|
||||
رد: ارجوا الافاده منكم بالله عليكم
السعر عالي 32 أو 33 بالكتير. ال اكسيل من العربيات الممتازة. كان عندي واحدة 1300 موديل 97 و ما كانش فيها أي مشاكل من ديه خالص. و بعتها من حوالي 4 أو 5 سنين لقريبي و لسه معاه زي الفل. الصيانات المعتاده. لو حالتها كويسة اتوكل علي الله لكن السعر كتير. أنزلو السوق افصلوها و اشتري باللي تجيبو. و طبعا صلاة الاستخارة قبل ما تنزلو أصلا.
|
#5
|
||||
|
||||
رد: ارجوا الافاده منكم بالله عليكم
السلام عليكم
بس هو بيقول 1500 مش 1300 والله المستعان
__________________
صل اللهم على خير الأولين والآخرين وعلى آله الطيبين الطاهرين واصحابه الغر الميامين ومن تبع هديه إلى يوم الدين سبحان الله وبحمده سبحان الله العظيم ربي اغفر لي وتب علي إنك انت التواب الغفور لا إله إلا أنت سبحانك إني كنت من الظالمين
|
|
|