رد: انا يئست من الازهر و .................!
أستاذ ممفور طبيعى إنك تلاقى الرأى و الرأى الأخر و طبيعى إنك تتلقى الإثنين بصدر رحب
رغم إنى أخذ عليك إندفاعك قليلاً وحماسك الزائد و لكن واضح إن ده جزء من شخصيتك
عموماً زى ما قال الأخ الفاضل (فنون جميلة607) إن الشيخ/ نصر فريد واصل لما قال الحق (حرم لبس البنطلون للنساء و السجائر) مشوه من منصبه ... يعنى اللعبة كبيرة و داخل فيها السياسة وده على فكره مش عندنا بس ... ده فى معظم الدول الإسلامية
أنا شخصياً أرفض المتاجرة بالدين و تسييس الدين ... يعنى لو قانون الدولة و نظامها فاسد يبقى نسيب دينا سليم من غير ما نفسده ... مش علشان توجهات سياسية معينة تصدر فتاوى تحرك الناس نحو تلك التوجهات ... لعبة رخيصة و مبتذله ... صح؟!..
بس ناخد فى الإعتبار إن الأزهر طول عمره عليه ضغوط سياسية ما ينفعش تتشال ... يعنى المفتى و شيخ الأزهر بين نارين: إما الرضوخ لما هم يرفضونه و إما الأقالة و تعيين من يرضخ
يا جماعة كبار الصحابة خشوا من الإمامة و فتنتها ... فما بالنا بشيوخ هذا الزمان
أنا شخصياً كان نفسى أبقى زى اللى بيسمهوهم سلفيين لإنه فى رأى هما دول المسلمين المعتدلين (أهل الوسطية)
مع إحترامى لباقى الفرق و الطرق لإن نبينا أخبرنا عنهم قبل اليوم ب 14 قرن فطبعاً لازم يكونوا موجودين ... بس موضوع صوفى و حامدى و إبراهيمى ... إلخ حاسس إنه غريب عنى و طبعاً أصحاب تلك الطرق حاسين بالشئ نفسه نحو الباقين
يعنى بصراحة مش عارف لوكنت طلعت لقيت نفسى شاذلى مثلا ... كنت عملت إيه؟!...
عموماً إستفتى قلبك و لو أفتوك مقوله قالها رسولنا الكريم (صلى الله عليه و سلم) علشان أيام مثل التى نعيشها الأن
الحمد لله على نعمة الإسلام و كفى بها نعمة
__________________
Mohamed Elhasafy Abo Farida
|
21-07-2011, 02:00 AM
حبيبت قلبى سبيدر
