هل يجدى فى موتور الفيفوريت عمل طقم شمبر فقط ؟

[ايمن عبدالحميد]

عربيتى فيفوريت 1994 لم يحل موتورها من قبل وكشفت على الكرنك لقيتة استاندر ، لكن المشكلة كانت فى وش السلندر فقمت بمسحة فى المخرطة بنسبة 5/100 مليمتر وقمت بتعويض الفارق بجوان 1,8مليمتر ليصبح المسافة بين وش السلندر والبساتم على وضع الفبريكة وهو واحد مليمتر ، والمشكلة الحالية هو وجوددخان كتير من فايظ الموتور فقط وليس من الشكمان والمكنة بتعرق مية كمان وهى بتدور ، والغريب ان مقاس الزيت مش بينقص ودة شىء غريب :
والسؤال : هل تحتاج لعمل شمبر ؟ وهل الشمبر هيكون مفيد وحدة بدون الشمايز؟ وهل يلزم تغيير طقم سبيكة مع الشمبر ارجو من الإخوة الاهتمام وخاصة حبيبى المهندس سمير وجميع من يرغب من الزملاء فى اضافة تجربتة الشخصية وعلى فكرة موتور الفيفوريت هو هو موتور الفليشيا

[samirayad]

لكن المشكلة كانت فى وش السلندر فقمت بمسحة فى المخرطة بنسبة 5/100 مليمتر وقمت بتعويض الفارق بجوان 1,8مليمتر

هو فيه سؤال حلو عاوزين نسأله لأنفسنا

هل دخان فايظ الموتور الحالى كان موجود قبل مشكلة وش السلندر ولا لأ

لو الإجابه بلا

يبقى معندكش عيب فى الشنابر

لكن العيب من وضع الوش الحالى

مين بأه إللى يقدر يحدد الكلام ده ...........؟

أنت ياسيدى الفاضل

وأعتقد من خلال تعايشى مع حالتك دى

أن معندكش مشكله فى الشنابر

[ايمن عبدالحميد]

لكن العيب من وضع الوش الحالى شكرا على اهتمام حضرتك ، وبالفعل الدخان كان اقل من كدة قبل الشغل فى الوش ، لكن ما هو العيب ؟ وهل تفضل حضرتك انى اشترى وش جديد واريح دماغى (على فكرة فى جديد زيرو تركى واصلى وصينى والاسعار 650 للتركى فاضى و900 مقفل - اما الاصلى فيتعدى ال0 200ج وفى الحالة دى يبقى مكنة استيراد افضل) فى انتظار اقتراحات حضرتك

[samirayad]

وبالفعل الدخان كان اقل من كدة قبل الشغل فى الوش ، لكن ما هو العيب ؟

وش إستيراد محترم

ويتفور ويتروق صح ويتعمله روديه

ويتغيرله كاوتش صبابات

مع جوان وش بسمك طبيعى

ونظف مجارى التبريد بالبلوك

وجمع وجرب وإدعيلى

[تامر1970]

المشاركة الأصلية كتبت بواسطة samirayad وش إستيراد محترم ويتفور ويتروق صح ويتعمله روديه ويتغيرله كاوتش صبابات مع جوان وش بسمك طبيعى ونظف مجارى التبريد بالبلوك وجمع وجرب وإدعيلى

استاذ يا باشمهندس سمير وكلنا بنتعلم منك حتى لو الموضوع ما يخصناش
ربنا يبارك فيك