ارشيف الاستراحة 2011

[سيف الدين سعيد]

المشاركة الأصلية كتبت بواسطة lol64 ايه يامحمد مالهم المتجوزين وماله الجواز ؟؟؟؟

يا علاء باشا . المتجوزين دول ناس ماعندهمش أى عقل . اللى عنده عقل يعمل زى جحا ما قال :

[سيف الدين سعيد]

المشاركة الأصلية كتبت بواسطة nktis نوح طمان صيدلي وعندي صيدليتي والحمدلله اعزب بس خاطب وهتجوز في الصيف محافظه البحيره .. مركز بدر واللي ميعرفش المنطقه ديت .. اللي عمل جنوب التحرير رحمه الله عليه جمال عبدالناصر..بس اصلا انا من دسوق بس اكل العيش كان لازم اطلع الصحراء عشان الدنيا مقفوله صيدليات في المناطق المزدحمه

حاتتجوز امتى يا دكتور عشان نفسى آكل تورته . ماتنساش تعزمنا .
حانيجى نعمل لك زفه ولا فى الأحلام .

[سيف الدين سعيد]

المشاركة الأصلية كتبت بواسطة sad-bird أبنيييييييييييييييييييييي يييييي منور يا بسوم

باسم يبقى ابنك ازاى وانت عندك 31 سنه وهو 22 .
يعنى سيادتك اتجوزت وانت عندك 8 سنين وخلفت وانت عندك 9 ؟؟؟؟؟؟؟؟؟

[hyundai2005]

حبيبي سيف باشا تسلم عالفكره اعرفكم بنفسي:

- احمد حمدي الشهير ب (hyundai2005)
- 26 سنه
- محاسب ومراجع قانوني وخبير ضرائب
- طبعا معايا حاليا انجلون 2010 وحش الشاشه انتاج انجليزي صيني مشترك.
- من البحيره
السياره ذات قدرات خارقه غير محدوده يعني بتمشي فالميه وعالحيط زي اللوجان كده
عيوبها قله انتشارها في الوقت الراهن
ماترد عليا يا عم سيف ولا انا مشبهش

[hananelhosiny]

أولآ : أشكر الأساتذه الكرام / sad-bird و حازم فخرى ( لمحاولة ايجاد حل لمشكلة صديقتى )
ثانيآ : أعتذر لتأخرى فى شكركم لعدم دخولى الموقع منذ فترة ولسه شايفه المداخلات دلوقتى


طلبت منى صديقتى أن أسألكم المساعده فيما يلى :

هى حصلت على حكم نهائى بمصاريف المدارس قيمته 6250 ج وترغب فى تنفيذ الحكم و فى تفويض محامى لعمل اللازم بشرط أن أتعابه تكون نسبة من المبلغ الذى ستحصل عليه .

السؤال : هل بالمنتدى من يمكنه عمل ذلك أو على علم بمن لديه حل لهذه المشكلة ؟

جعلكم الله عونآ للجميع