ال Elantra خسارة فيها الفلوس

[sherifabden]

المشاركة الأصلية كتبت بواسطة imagine احترم رأيك جدا و رغم انك مختلفتش معايا فيه بل اكدته انا واحد من الناس استحاله ادفع فلوس فى عربيه كورى زيرو لان بنفس التمن هركب يابانى شتان الفارق .. عن نفسى استغرب جدا من اللى يركب كيا و بتمنها يركب لانسر او يركب هيونداى و بتمنها يركب نيسان صنى الكورى عشان الواحد يفكر يدفع فيه فلوس لازم يكون اقل سعرا من اليابانى ب 30 الف جنيه هو اخره كده كلمنى عن الصاج و الشاسيه و العفشه و التفسيخ مع مجرد الاستخدام العادى و اى عربيه هتمشى حتى لو موديل 1940 لو حطيت فيها موتور و اربع عجلات فيه مثل انجليزى شهير بيقول iam not rich to buy a used car الجابانيز بيطبقوا المثل ده كويس لكن ادفع فى عربيه كورى زيرو عشان بصباع ايدى اللى ماسكه التاره اشغل الاغانى فده قياس غريب لا يستوى لما بنفس التمن هركب يابانى يريحنى و اكون مطمن معاه جدا و مش عايز اساسا اسمع اغانى و لا عايز حد يقول شكل العربيه حلو لانها اداه شخصيه بتفيدنى فى اداء غرض معين لا اكثر ولا اقل

لولا اختلاف الاذواق لبارت الاسعار
لان في ناس كتيرة ــ منهم انا ــ وغالبيتهم من الشباب بيعشقوا الكماليات ودا للاسف مش موجود في العربيات الياباني
وفي ناس زي حضرتك متهمهاش الكماليات
وكل واحد وذوقه

[holly_man19]

الصوره فوتوشوب واضحه ركزو في كبود العربيه الصوره الاساسيه لعربيه الكبود بتاعها مفتوح عادى
ولوحه زى دى في الاكصدام هيفكه ويكسره من الجناب لكن الاكصدام مربوط في كويس جدا مصمم الصورد دى لوى الاكصدام والكبود وبعدين من صوره اخري حط الموتوسيك وبعدين طلعت الصوره الى انتو شايفينها دى
تقبل تحياتى

[svneleven]

المشاركة الأصلية كتبت بواسطة imagine هيا طبعا الصوره متركبه لكن ده لا يمنع ان سياسة الكورى تقوم على ابهار عين الزبون بالاضافات على حساب المتانه و الاعتماديه مما يجعل قطاع كبير يفضلها عن السيارات اليابانى لمجرد ان الدريكسيون مالتى ميديا او ان الشكل يتفوق لكن الجابانيز بحكم عقلتهم العمليه و الاقتصاديه فهم يفكرون دائما فى الاعتماديه و المتانه و بالسعر الذى يرضى الزبون بعدم دفع كثير من المال على حساب اضافات لا يفكر فيها الانسان العملى الذى يقدر الوقت و عدم قضائه فى تصليح اساسيات السياره

هو ليه في ناس متحاملة علي الكوري لمجرد أنه امتلك عربية ياباني؟ و نفس المبدأ ناس تاني يتحامل علي الياباني عشان عنده ألماني. الفرق في السعر واضح و لصالح الكوري لكن ثبت المواصفات. يعني أنا اشتريت الانترا ب 140 ألف و كانت الكوروللا نفس الامكانيات ب 167 ألف. 27 ألف جنيه فرق. طبعا ال كوروللا أكثر اعتماديه و متانة و لكن ثمنها أكثر من الانترا ب 20 % و ده مش قليل خالص. حاجة تاني مع اني متفق مع سيادتك ان الصورة متفبركة لكن أي عربية لو حصلت معاها الحادثة ديه مش هتفتح ايرباج لأنها تفتح لما ال سينسور اللي في الكصدام يتخبط و طبعا مش معقول الموتوسيكل نشن علي السينسور. زي واحد صاحبي قالي ان عربيتو مش محترمة لأن واحد خبطة من الجنب و حركه حوالي 10 متر و الايرباج ما فتحش. طب يا ابني اليرباج الحساس بتاعة في الاكصدام و عربيتك ما لهاش ايرباج جانبي. الموضوه أن فيه ناس بتلوم لمجرد اللوم أو للتعصب أو لأنهم مش فاهمين.

[AbOnOrA]

طيب وايه رايكم فى الصورة ديه وحش اهيه واقع عليها كونتينر والكونتينر هو اللى اطبق

يا جماعة مش اى صورة تتصدق وكل حادثة ليها ظروفها سواء كانت سرعة العربية او طبيعة الجسم المقابل وسرعتة او ثباتة والمكان اللى جت فيه الخبطة وزاية الاصطدام والا مكانوش عملو معامل مخصصة لاختبارات التصادم بره فمينفعش اى حد يشوف صورة ويفتى بناء عليها ان العربيه ديه بلاستيك ومش نافعة والكلام ده كلة فى حين ان اكبر شركات السيارات الالمانى قبل اليابانى والكورى معايير الامان بالنسبالهم بتتركز فى مايسمى قفص الركاب passenger cage او المساحة بتاعة الصالون فقط لكن مقدمة العربية بالعكس بتتصمم بشكل يخليها تنهار وتتطبق جامد علشان تمتص الصدمة لاكبر مدى ومتوصلهاش لقفص حماية الركاب ده .. لكن الفكرة اللى عند اغلب المصريين ان العربيه المتينة هى اللى تخش فى الحيطة وترد تانى ده كلام اساطير وبما انى خبير حوادث قديم اقدر اقولكو ان اى عربيه تتعرض لاصدام وش فوق سرعة 60 وشها هيتدمر اياً كان نوعها او بلدها علشان كدة لما بعلم حد بقوله ازى يتجنب دايماً الاصطدام المباشرة ويحاول دائماً ياخد الخبطة بجمب العربيه قدر الامكان

معلش بقى الكلام يطول فى موضوع الحوادث ده بس يكون افضل نتكلم بنظام وبفهم اكتر من اللى حاصل ده لان الموضوع بقى سلطة خالص وهجوم غير مبرر على الكورى ومقارنة باليابانى واى كلام فى الحمادة وخلاص

اقعدو بالعافية

[Hisham.Elgazzar]

اقعدو بالعافية

الله يعافيك ويعافينا يا أستاذ وائل