عاوز رأيكم (رينو لوجان ولا شيفروليه لانوس)

[zkralla]

المشاركة الأصلية كتبت بواسطة mohamed6069 مع احترامي لمن يتكلم عن طريقة عبور المطبات الصناعية يا سيدي هذا ليس موضعه بالمرة انما الموضوع متعلق بمقارنة بين سيارتين. -ولو تطرقت للمقارنة سوف تطيح لوجان باللانوس خصوصا بعدما اصبحت لانوس شيفورليه واتحدي اي شخص ينزل ويتفرج علي تقفيل العربيتين ويقولي ان اللانوس تكسب وينزل يبص تحت العربية ويقولي الفرق في الارتفاع لصالح مين ويركب ويسوق ويقولي الثبات والاستقرار والعفشة لصالح مين. وبخصوص الموتور فان موتور لانوس لو كان جنرال موتورز علي ما اعتقد فهذه نقطة في صالحه ولكن من وجهة نظري موتور لوجان رالرينو الفرنسي لا احد يستطيع انكار ان موتور الرينو منذ قديم الازل في مصر محرك له احترامه. -ولمن يتحدث عن اللوجان ولا يعلم اصلها فاللوجان سيارة تتبناها شركة عريقة وسيارة لها تصميم خاص ينافس بقوة في الفئة الموجه لها وليست سيارة ذات تصميم عشوائي لكنها سيارة كل شبر فيها مدروس. وشكرا

عجبنى قوى تعبير اللوجان تطيح باللانوس
اللانوس سيارة من القرن الماضى
وبعدين مطبات ايه الى مبتحكش فيها والاف ايه الى عارفين كده هو احنا فى حد مننا الالاف دول وكلوه يتكلم باسمهم ياريت كل واحد يقول رأيه بس ويقول ده رأى فردى مش يعممه على كل الناس
أنا بافضل اللوجان عن اللانوس
فيه كمان مشكلة فى شيفروليه لانوس على الرابط ده
http://www.facebook.com/group.php?gi...9999558&ref=mf

[zkralla]

المشاركة الأصلية كتبت بواسطة elmanahry الكلام ده يتكتب ويقراه الاف من الناس يركبون اللانوس ومجربينها د ه كلام لا يمت للواقع بصلة اللانوس هدية الالمان لكوريا وهدية ابو الفتوح لمصر واذا كنت تحك فى المطبات باللانوس ده لانك بتعدى المطب بسرعة اما كلام صاحبك الطويل عن اللانوس فاعتقد انه يقصر رقبته اولا عمر اللانوس فى مصر كام وعمر اللوجان كام من اجل ان يعرف صاحبك عمر قطع الغيار اللهم اذا كان يبيع قطع غيار مضروبة رايت فى مركز صيانة الدايو فى العباسية سيارات دايو لانوس عاملة 300 الف كيلو والمواتير بنفس شدتها ولم يقل لى اى من معارفى وهم كثر ويملكون اللانوس عن اى شئ ضدها او ضد قطع غيارها

التعليق على العربيات كان فى المشاركة السابقة اما التعليق على كلام الطويل والرقبة القصيرة وقطع الغيار المضروبه وقذف الناس بالباطل والتلميح بخراب الذمم فلا تعليق عليها

[maxim82]

من غير كلام كتير اللوجان صناعة مغربية
الانوس تكسب
تكفى انها من سنة 1999 لغاية دلوقتى شغالة و بعدين كلة بيشكر فيها
شيفولية الانوس حكاية بجد

[zkralla]

ده كلام عجيب جدا
لو اللوجان مغربى يبقى اللانوس مصرى والتيوتا جنوب افريقى
وبعدين حضرتك خليك بقى فى 128 عشان مش من سنة 1999 ديه من 1976
اللوجاااااااااااان افضل

[ramy hassan]

أدخلوا موقع euroncap.com لاختبارات التصادم الاوروبى (تقييم أوروبى مش اراء فردية و بس)
و شوف اللوجان تحت أسم الداتشيا ف اختبارات التصادم عاملة اية
و شوف اللانوس تحت أسم دايو عاملة اية
وانتم هاتعرفوا الفرق

ف رأى اللوجان أفضل (أمان للسائق و للاطفال وللمشاة كمان)