#1
|
||||||||
بيجو 407 الاسد يطلق عرينه(تجربه حازم خضر)
المكان: ابو ظبي اوائل عام 2006 و كانت نازله بقالها سنه و كانت مع واحد قريبي هناك كان يدوب لسه شاريها(حوالي 110 الف جنيه مصري!!!!)
و كان بيفاضل بينها و بين الكامري مع ان الياباني واخد سمعه جامده في الخليج بس هو فضل البيجو عنها. طبعا العربيه ال 407 خليفه ال 406 في نفس الفئه يعني بتنافس في الفئه المتوسطه و اقرب منافس ليها الاوبل فيكترا و السكودا اوكتافيا و الباسات و طبعا بعيده عن المرسيدس سي كلاس و البي ام الفئه التالته . من الخارج: العربيه من قدام شكلها وهم طبعا و ماحدش ينكر كده نهائي و بيجو خدت الشكل دا و عممته علي كل العربيات الجديده بتاعها(207 و 307 المعدله اللي موجوده في مصر) بس الضهر ماجاش زي ما انا متخيل يعني الوش احلي من الضهر بكتيير . من الداخل: ركبت العربيه و بصيت عليها كويس .التابلوه رائع و كل حاجه في متناول ايدك و خامات التابلوه نضيفه جدا اينعم مش بمستوي مرسيدس بس الصراحه يستاهل كل مليم يندفع فيها و الكونسول باللون الفضي ليحاكي الموضه السائده في التصميمات حاليا و كل المفاتيح التعامل معاها سهل جدا و فيها سي دي اوديو فقط و صوته بالمناسبه رائع مش محتاج تركب سماعات تانيه غير اللي فيها لو انت عاوز تسمع صوت نضيف بس و مش عاوز دوشه و كان فيه زرار للتحكم بالتماسكESP و فعلا لما كنت مش بشغله كنت بحس بفرق جامد في الملفات العدادات كانت الاضاءه بتاعها بلون احمر و عباره عن دواير و كان كل دايره عليها طوق نيكل و ابره العدادات كانت لما النور يقيد كان لونها بيبقي ازرق و بيعكس علي الدواير النيكل كان بيديها منظر حلو الصراحه في الاول معجبنيش تناسق الوانه بس بعد كده لقيته حلو جدا.الكراسي مريحه جدا و شكلها يوحي انها بيجو مش من اي شركه تانيه حتي فرش الابواب و مكان الاكره برضه بيجو مش عارف ليه افتكرت ال 504 ساعتها مع الفارق الشاسع طبعا بينهم و بين بعض :lol: . المحرك و الاداء: شغلت العربيه و سمعت صوت الموتور عادي مش ملفت اوي زي الهوندا بس عموما العربيه دي عربيه سياحيه مش عربيه رياضيه و علي فكره الموتور كان 2000 سي سي 140 حصان . طبعا راكب جوه و قافل الزجاج و مشغل التكييف (ضروري هناك تشغل تكييف ما تعرفش تمشي من غيره معظم اوقات السنه) مش سامع اي حاجه من بره اطلاقا العزل بتاعها نضيف اوي . زوايا العربيه هيا اللي كانت مشكله علشان ارتفاعها عموما و ارتفاع الشنطه بطريقه ملحوظه بس لما تتعود عليها ما يبقاش في مشكله . سحب العربيه معقول مش حلو قوي يعني مش زي الهوندا سيفيك ال 2007 مثلا(سوقتها هناك وكانت 1800 سي سي) و كانت اوتوماتيك و فيها ستيبترونيك بس مالوش لازمه علشان لما كنت بقرص علي العربيه اوي كان ينقل لوحده. السحب عموما كويس و انا وصلت لسرعه قصوي بيها 215 و كانت في منتهي الثبات و ممكن تزود عن كده لكن كان الار بي ام حيخش في الاحمر.وصلت من صفر ل 100 كيلو في حوالي 11 ثانيه و ثباتها مالوش حل الصراحه و علي فكره العربيه دي اجهزه التعليق بتاعها او اليايات و المساعدين الاماميه متركبه بزاويه ميلان زي سيارات الفورميلا واحد علشان الطريقه دي بتزود ثبات العربيه و فعلا كانت ثابته جدا جدا حتي بعد 180 كانت ثباتها معقول و فراملها كمان كانت فعاله اوي بس بتحس ب ال ABS لما بيشتغل و دا ضايقني شويه اني سمعت صوته كنت متصور انه من الجيل الاحدث بس عموما مش عيب قاتل يعني.الدركسيون بتاعها دقيق جدا بس مش بينقل ليك احساس الطريق . و طبعا ما تحسش بيها في المطبات و دي لعبه بيجو من زمان من ايام ال 504 !! فعلا ما تحسش بمطب ولا بحاجه العربيه سلسه جدا و تكييفها رائع و دي اول مره اركب فرنساوي و يعجبني تكييفه يمكن علشان لسه جديده الله اعلم بس عموما التكييف حلو جدا و عربيه ممتازه و علي فكره دي من اول العربيات اللي تكون متماشيه مع قوانين السلامه اللي حيتعمل فيها باوربا علشان المحافظه علي سلامه المشاه و دا اللي بيفسر ان الكبوت بتاعها قصير و تصميمها غريب كده(الياريس برضه متصممه علي نفس الاسلوب علشان القوانين دي) تقييمي الشخصي: سياره ممتازه بالنسبه لفئاتها و كنت اتوقع لها المزيد من النجاح لولا الجمارك ايه رايكم بقي في العربيه؟طبعا اللي نازله مصر ديزل بس لو نفس القوه حتبقي بنفس نتايج التجربه .... بعض الصور:
صالون السياره الرحب جدا مع لمسات الاناقه الفرنسيه المعهوده
الواجهه الخلفيه لل 407 و يزينها اسد بيجو بحجم كبير
الواجهه الاماميه الانيقه و تصميم مميز لخطوط المقدمه و الفوانيس و مصابيح الضباب
__________________
حـازم خـضـر
|
#2
|
||||
|
||||
رد: بيجو 407 الاسد يطلق عرينه(تجربه حازم خضر)
طب انت تحطها فى فى انهى مرتبة بالمقارنة بالاوكتافيا - الباسات - الفيكترا - الكامرى !!؟ptmnlo123per157
|
#3
|
||||
|
||||
رد: بيجو 407 الاسد يطلق عرينه(تجربه حازم خضر)
دايما و هافضل اقول سحبه فوانيس بيجو
هيا الاستاندرد و الباقي يحاول يقلدها ما شاء الله تقرير جامد |
#4
|
|
رد: بيجو 407 الاسد يطلق عرينه(تجربه حازم خضر)
بس انا لو بقارن و ميزانيتي مفتوحه يبقي بالترتيب باسات بيجو 407 اوكتافيا فيكترا الكامري لا ترقي لمستوي العربيات دي نهائي رغم ان شكلها بيعجبني اكتر بالضبط يا احمد باشا من اول ال 504 و ال 505 و فوانيس البيجو الاماميه بيحتذي بيها
__________________
حـازم خـضـر
|
#5
|
||||
|
||||
رد: بيجو 407 الاسد يطلق عرينه(تجربه حازم خضر)
احب اضيف حاجه كده لذيذه
مصر نزل فيها ال 407 البنزين ال 2000 سي سي ب 217 الف و علي فكره برده الموتور الديزل الموجود فيها كويس جدا و ده احدث تكنولجيا في عالم محركات الديزل و دي سعرها 185 الف و قريب هتنزل الفئه الرياضيه منها قريب و اي خدمه
__________________
my peugeot 306 gti6
|
الكلمات الدليلية |
بيجو, peugeot, peugeot 407 |
|
|