تأملات في موقعة السحل والتعري

[طارق عبد السلام]

طبيب يا استاذ وائل
لو قلبنا الوضوع واتمسك عسكرى او ظابط ساعه الهجوم
الوضع هيكون ايه
اظن نفس الطريقه
ودى انا شفتها بردوا على الفضائيات فى احداث ماسبيروا ؟؟؟ هجوم بالمئات على عسكرى كان مش عايز يبعد عن المدرعه يعنى عن خدمته

[lost2008]

من الاخر الطرف القوى عاوز يثبت ان المقتول من الثوار كلب و راح و قاتلة بطل يؤدى واجبه .

[AbOnOrA]

رداً على استاذ طارق :

طيب وليه الهم ده كله ما حد يقعد معاهم ويحل مشاكلهم
يا اما تقبض عليهم وتحاكمهم
ليه عايزينها تبقى دراما وليه عايزينها تبقى كر وفر
ليه عايزينها تبقى فوازير رمضان ومؤيد ومعارض وتستمر الفتن اللى بداءت من استفتاء نعم ولا ومش هتخلص

انا لا عايز افترض ملائكية دول ولا دول انا عايز حلول حاسمة وبرضو عقلى مش مقتنع انه ده تصرف عفوى الثوار ممكن يصدر منهم تصرفات عفوية لكن العسكر لاء صدقنى

[طارق عبد السلام]

المشاركة الأصلية كتبت بواسطة AboNoRa رداً على استاذ طارق : طيب وليه الهم ده كله ما حد يقعد معاهم ويحل مشاكلهم يا اما تقبض عليهم وتحاكمهم ليه عايزينها تبقى دراما وليه عايزينها تبقى كر وفر ليه عايزينها تبقى فوازير رمضان ومؤيد ومعارض وتستمر الفتن اللى بداءت من استفتاء نعم ولا ومش هتخلص انا لا عايز افترض ملائكية دول ولا دول انا عايز حلول حاسمة وبرضو عقلى مش مقتنع انه ده تصرف عفوى الثوار ممكن يصدر منهم تصرفات عفوية لكن العسكر لاء صدقنى

على فكره ابو نورا
انا بتكلم عن بشر وآدميين من الطرفين ولا اقصد من كلامى اهانه لاى طرف
بس تسلسل الاحداث الاخيره ماكانتش مبرره يعنى السبب كان تافه من شخص غير مسئول والاحداث ولعت وراح فيها ناس كتير ولسه الدوامه مش هتخلص
ولو هنتكلم عن الآدميه هى للطرفين الثوار والعسكر زى ما الثائر ده ممكن يكون من اسرتى او مصرى اى كان بردوا العسكرى ممكن يكون من اسرتى او مصرى يعنى الاتنين مننا ونلف وندور فى نفس الحوار البيضه ولا الفرخه
وانا عارف ان نفس السيناريو ده حصل ايام ثوره 25 كان الكل بيخون وتلسين على الثوار لحد ما المخلوع مشى وبقى الكل يقول ويتكلم ويشهد للثوار نفس السيناريو اليوم شغال بس انا مش شايف اليومين دول غير الهدف وهو هدم المؤسسه العسكريه مش المجلس لا الاهانه للجيش وده لا يصح يعنى لو التصادم اشتعل اكتر من كده وقوبل التهور بالتهور الاكبر سننقاد لمذابح والخساره لنا كلنا القصود موضوع تسليم السلطه قرب اوى اوى ولو ما حصلش ساعتها 25 يناير قريبه مش بعيده وهتبقى اقوى لاكن المناوشات واللى بيحصل ده استنزاف للكل نسيب العمليه تمشى شويه واللى باقى شهور نستحمل زى ما استحملنا سنه وبعد كده لو حصل العكس البلد كلها هتقف وهيتعمل الالازم واكتر

[lost2008]

كل ده بيفكرنى بالمناقشات الى كانت دايرة بين الناس قبل يوم 11 فبراير, البعض كان عاوز المخلوع الحرامى يكمل فترة الرياسة بعد الوعد الفشنك اياه.