اخوكم عزالدين محول من قسم الفيرنا

[بحر الحياه]

صباح الفل ع الرجاله اللى هنا كلهم

توكلت على الله وبيبعت فيرنتى واشتريت سيراتو 2009 الشكل الجديد
ويشرفنى انى اتحول ليكم من قسم الهيونداى واصبح واحد منكم
اخدت القرار ده عشان الفيرنا كانت مانوال وكنت عايز حاجه اوتوماتيك فوجدت زميل لى فى العمل عايزيبيع السيراتو بتاعته وانا عارف انه استخدامه ليها كويس وكانت معاه من وهى زيرو فعارف تاريخها كويس
هى موديل 2009 شكل جديد عامله 50000 كيلو حاله فبريكا من جوه ومن بره رشت حزام بس وطبعا انا عارف انها لا عملت حادثه ولا اتقلبت الحمد لله خلصتها منه على 80 الف
عايز رائيكم فيها
وعايز اقولكم على ملحوظاتى عليها وتقولولى ايه رائيكم
اولا : هى بترزع شويه من ورا فهل هى كده ولا محتاجه صيانه ( اخر صيانه اتعملت صيانة الاربعين شهر 7 /2012 )
ثانيا : الكلاكس تقيل شويه يعنىلازم اضغط عليه بقوه شويه عشان يكلكس هل ده طبيعى ولا عشان الفيرنا كانت بمجرد ما المس الكلاكس بيقول .
ثالثا : فى تزييق صوته جاى من مكان الفتيس هل ده عادى ولا ايه
رابعا : زرار زجاج الباب اليمين قدام شغال بيطلع بس مش بينزل هل بيغيروه فى الصيانه ولا ايه
خامسا : انا رايح صيانة الخمسين ان شاء الله يوم التلات اللى جاى تنصحونى بايه فى الصيانه دى

وشكرا ليكم جدا جدا وارجوا ان تتقبلونى عضوا جديدا معكم

[mr_astra]

مينفعش تحول ..............لازم تعد خمس سنين الاول

[بحر الحياه]

المشاركة الأصلية كتبت بواسطة mr_astra مينفعش تحول ..............لازم تعد خمس سنين الاول

ههههههههههههههههههههههههه ههههههههه

ربنا يكرمك ان شاء الله

[eng/walaaeldeen]

السلام عليكم
الف مبروك وربنا يطعمك خيرها ويكفيك شرها
بالنسبه للرزع الى في الخلف خليهم يكشفو عل المساعدين ممكن عايزين يتربط عليهم شويه او جلد العفشه الخلفي
وبالنسبه للكلاكس المعروف ان مكان كلاكس الفيرنا خفيف اما السيراتو فبصراحه مش عارف
والتزييق هل الصوت صادر من الفرش
اما بخصوص الزرار ممكن يركبو غيره او لو في كهربائي شاطر هيفكه وينظف الريش من الداخل ويرجع يشتغل تاني
والله المستعان

[sherifabden]

الف مبروك على العربية ربنا يخليهالك
وموضوع الكلاكس دا عادي لان كلاكس السيراتو تقيل شوية