اشترى سيراتو ولا النترا ؟؟؟

[sherifabden]

العربيتين ليهم نفس الماتور والفتيس 6 غيارات في العربيتين يعني الاداء واحد واستهلاك البنزين واحد
الالنترا تصميمها الخارجي والداخلي اجمل
لكن السيراتو تصميمها الخارجي جميل برضه وبسيط مش معقد زي الالنترا لكن التصميم الداخلي زبالة
السيراتو ليها افضلية في الاوبشن (كراسي كهربا ، كاميرا , DVD ، بارك سنسور امامي) والاوبشن دي مش موجودة غير في الهاي لاين لكن بما انها ex يبقا الاوبشن واحد في العربيتين
ومن وجهة نظري ان افضل حاجة انك تشوف العربيتين على الواقع وتقارن بينهم وتشوف اللي يناسبك
بس نصيحة مني هات الخليجي سواء سيراتو او النترا لان مستحيل اكسب توكيل الكيا او الهيونداي مليم بسبب الزيادات الرهيبة في الاسعار ازاي الالنترا هاي لاين 2012 تبقا ب158 الف جنيه وبعد كام شهر سعرها يوصل ل183 الف ؟؟!!!
وطبعا نفس الحكاية في السيراتو لانها نزلت غالية اصلا والتوكيل غلاها بعد ما نزلت بشهر واحد 10 الاف جنيه
ومبروك مقدما

[مينتشو]

المشاركة الأصلية كتبت بواسطة ahmed198619 انا عايز اعرف راى الناس هنا انا ان شاء الله نويت اجيب عربية والصراحة محتار بين الكيا سيراتو الشكل الجديد فئة EX FO و السعر 166000 النترا 2013 161500 انا اهم الحاجات اللى ركزت عليها ف العربيتين هما ABS و الايرباج و جنوط الاسبور ويريت بردو توضيح بخصوص اعادة البيع وقطع الغيار صيانة الوكيل فى العربيتين رايكم اتوكل على الله ف اية بقى بغض النظر عن الاسعار لان الاسعار لسة هتولع تانى شهر 6 واللى الدولار فيه هيبقى ب 10 جنية بحكم شغلى علشان بس محدش يقول ياما وحرام ع الكورى وكدة

بسم الله الرحمن الرحيم الاجابة تويوتا كرولا
ولو مصمم على العربيتين دول النترا احلى بكتير من السيراتو وشكرا

[hesham mansour]

لو ضروري معاك العربيتين دول هات النترا
و لو أنا مكانك هجيب كورولا

[نوبيرا99]

يا جماعه الالنترا و السيراتو الجديدة نفس الموتور و التعليق الاختلاف فى المقصورة الداخلية و الشكل الخارجى و انزل و اتفرج معارض عندها العربيتين واقفين جنب بعض و افتح و قارن.
اللى ممكن تلاقى فيه فرق و هيكون لصالح السيراتو "أعتقد" هو الكماليات لأنها كراسى كهرباء و ذاكرة لوضعية الكرسى و أنوار ترحيب بس ممكن تكون فى الهاى لاين.
الفرق فى التوكيلين برده مش هتلاقى فرق جامد بين التوكيلات فى مصر عموما و ده رأى الشخصى خصوصا ان انا لم اتعامل مع كيا.
أخيرا رأى الشخصى انا بفضل الالنترا شكلها أحلى من بره و المقصورة بتاعتها قمة فى الجمال و التنظيم .
عيوب الالنترا" من وجهة نظرى " زوايا الرؤية و أنت سايق فيها مشكلة .الزجاج الخلفى صغير جدا فى مراية الصالون و القوايم الأمامية و انت بتلف بتحجب الرؤية برضه.
أرجو أكون ساعدتك...........و إن شاء الله ربنا يوفقك للخير

[reda310]

بغض النظر عن الاسعار والمتاح قدامك انصحك تخليك فى اليابانى او الاوروبى
انا كنت زيك عايز اغير وكنت محتار بينهم بس سيارات ورق وسبات فى الضياع
والله بيرقصوا غلى الطريق - يا راجل لما كان النقل بيعدى من جنبى والله العربية كانت بتترج من الهوا
الساجا الماليزى الصغيرة 1300 اللى معايا والله سباتها برقية الاتنين
انشالله اما اغيرهفكر فى اليابانى او الاوروبى
انما الكورى والصينى يبقى انت بتنزل مش بتطلع شكل على الفاضى