سيارة النترا مخبوطة و مطحونة...ممكن مشورة ضروري

[medo akef]

المشاركة الأصلية كتبت بواسطة Devill Blood أنا من المنصورة وأقولك أنهم كلهم بلا إستئناء أوعى حد يروح يعمل حاجة عندهم حسب الله ونعم الوكيل روحت لخمسة عفشجية بوظوا الدنيا وأغبياء جدا وشغل السمكرة ذبالة والبوية لا إله ألا الله بس يا أخى متخلنيش أتكلم لأنى هاطق والله أتخنقت فى بلد أسمها السنبلاوين فيها صنايعية عشرة على عشرة وأجرتهم بسيطة جدا جدا جدا لكن العيب أن مش كل قطع الغيار متوفرة ده إذا كان مفيش فاهضطر تجيب من المنصورة

حضرتك جبت الكلام ده منين انا مش عارف السمبلوين الي هي علي ما اظن مركز جمب المنصوره بيفهمو احسن من المنصورويين نفسهم!!! غريبه اوي دي ولله لو انت كنت رحت عند ناس مش حلوه فدا مش زمب باقي الصنيعيه! حضرتك تعلا و انا اوديك عند ناس سمكريه بيقفلو مرسيدسات و بي امات اكنها خرجه من المصنع متقدرشي تطلع منها شعره بلاش الكلام ده بس عشان الناس متدحكشي عليك سمعه المنصوره في السيارات معروفه مش مستنيه رئي حد فيها

[abo salem8882]

السام عليكم
فعلا فعلا انا اسف على حرقة الدم دي بس ,, طبعا ده قضاء ربنا ..
"اللهم اني لا اسألك رد القضاء و لكن اسألك اللطف فيه"
انا رأيي الشخصي انك ترجعها و تبيعها حوادث هنا او هناك , و ترحم نفسك من حرقة الدم و الوقت و الفرق صدقني بسيط ...
و ربنا يعوض علينا كلنا

[mercedes]

السلام عليكم و رحمة الله و بركاته

أنا كنت عارف صنايعى فى المنصورة , اسمه هانى و أخوه اسمه هشام , هما الاتنين فاتحين ورشة فى سندوب , بس ما شاء الله عليهم , عيال حريفة مالهومش حل .

أنا كنت بعمل عندهم شغل مرة و أثناء كده جاتلهم عربية HONDA CRX الكابورليه ’ اللى باب الشنطة بتاعها بيعلى لفوق عشان يلبس السقف و العربية تبقى مكشوفة , العربية دى كانت مدعوكة و مهروسه من الخلف, و صاحبها أيامها تقريبا ماكنشى لاقيلها قطمة ورانية , قام رايح لهانى السمكرى ده و هانى روقله عليها و خلاها فلة و باب الشنطة رجع يشتغل تانى زى الأول.

المشكلة أنى مش معايا رقم تليفونه, بس لو حضرتك روحت هناك , اسأل على هانى و هشام السمكرية اللى على طريق سندوب, ورا المشحمة , أمام المدرسة الاعدادى .

وربنا ييسر ليكم الخير ان شاء الله

مرسيدس

[Devill Blood]

المشاركة الأصلية كتبت بواسطة medo akef حضرتك جبت الكلام ده منين انا مش عارف السمبلوين الي هي علي ما اظن مركز جمب المنصوره بيفهمو احسن من المنصورويين نفسهم!!! غريبه اوي دي ولله لو انت كنت رحت عند ناس مش حلوه فدا مش زمب باقي الصنيعيه! حضرتك تعلا و انا اوديك عند ناس سمكريه بيقفلو مرسيدسات و بي امات اكنها خرجه من المصنع متقدرشي تطلع منها شعره بلاش الكلام ده بس عشان الناس متدحكشي عليك سمعه المنصوره في السيارات معروفه مش مستنيه رئي حد فيها

بقولك أى أنا من المنصورة مش من السنبلاوين أساسا وبقولك كل الصنايعية اللى فى المنصورة ربنا ينتقم منهم حسب الله ونعم الوكيل حسب الله ونعم الوكيل كلهم نصابين وحرمية وولاد ستين فى سبعين وتعالى شوف اللى بيحصل تحب أقولك أسامى كل اللى فى المنصورة من أول حرفى فى الحسنية لغاية شارع بورسعيد كلهم حرامية ربنا ينتقم منهم والسنبلاوين اللى حضرتك مش عارفها دى متسواش بصلة عندى لكنهم هناك مستعدين يبنوا لك العربية من الأول ودليل على ذلك أسئل أى حد هايقولك أن التكوتك بتتصنع هناك إيوه بتتصنع مش بتجمع ,من أول مسمار يعنى الماتور والعفشة وكله وأنا بقيت بروح أعمل شغلى هناك,
أنا مش بكدب تعالى معايا عند أى صنايعى وشوف العجب تروح عندهم عملين ذى الحمير يعدوا يدقدوا ويخلوك قاعد بال8 ساعات مفيش جدا أبدا فى الشغل ويفتحوا ويغيروا وبعدين يفتحوا لك بلاعة تانية,وكفاية لو قلت لواحد عايز أغير حاجة فى العربية ياخبر اسود يبقى يومك مش هايعدى "لا يا أستاذ كده حلو أوى واللى أنت عايزه ده ملوش لازمة"وأنت مالك ياحشرى وفى الأخير تكتشف إنك المفروض كنت تعمل ده,حسب الله ونعم الوكيل أنا تعبت تعبت يا أخى

[mercedes]

السلام عليكم و رحمة الله و بركاته

أى مكان فيه صنايعية شاطرين و صنايعية حميييييييييييييييير و يمكن الحمير بتفهم أحسن منهم , أنا مرة كان حصلى موقف , أنى فى عربيتنا البيجو ال 505 الموديل 1980 , لقيت أن الاشارات مش شغالة و كلكم طبعا عارفين أن العربية دى مأرية , يعنى كتاب مفتوح , مفيش لا تكنولوجيا و لا بطيخ زى الفيات ال 128 و ال 131 و المرسيدس المعدل و اللادا و العربيات دى .

بتاع الدوكو ودانى لكهربائى جبنه على أساس أن دى مشكلة تافهة يعنى, مفيش كومبيوتر فى العربية ولا حااااااااااااجة, قام سى الأستاد الكهربائى قاللى أن الدراع بتاع الاشارات اللى هو بتاع الكلاكس اللى هو بتاع النور الواطى و العادى و العالى و اللى هو أنا بقلب منه النور- شوفوا بيعمل كاااااااااااام وظيفة - بايظ, معلش يعنى الدراع ده مش ب 20 جنيه , ده ب 180 جنيه من 4 سنين , لأنى كنت شاريه جديد من عند عادل سراج اللى فى المنصورة فى الحسنية, و انا عارف برضه أن الدراع ده عمره من عمر العربية فعلا بدليل أن - ما شاء الله و لا حول و لا قوة الا بالله - الدراع التانى اللى عاليمين اللى هو بتاع المساحات و الميه بتاع القزاز , اللى نازل مع العربية من المصنع , لسه لحد النهاردة شغال مثلا بكفائة 90 بالميه عالأقل, و الكهربائى ده بسلامة أمه كان عاوزنى أغيره, قال الدراع بايظ قال , لأ و مش كده و بس, ده عشان يفك الدراع , كسر الفبرة اللى بتبقى أدام رجلى و أنا سايق, قمت كلمته بكل أرف و احتقار و قلتله ما معناه أنه مابيفهمش حاجة و بكل بساطة سألت على كهربائى تانى بيفهم و لقيت واد عفريت برضه فى سندوب , اسمه مصطفى , أدام المسجد اللى على طريق سندوب و حللى المشكلة بكل بساطة و سهولة و يسر, أهو الاتنين دول فى المنصورة بس واد فنان و عفريت أزرق و التانى حماااااااااااااار , ولا مؤاخدة , المهم أنك تلاقى الصنايعى الفنان اللى تحس و هو بيشتغل أنه فعلا بيفهم و بيحب شغلته و بيبدع فيها, مش واحد بيدق و خلاص !!!

أنا آسف جدا للاطالة و مش هعمل كده تااااااااااااااااانى .

مرسيدس