تغيير زيت الفتيس

[hal71]

هو زيت الفتيس بيتغير ؟؟؟؟؟!!! أنا بزود فقط لكن عمري ما غيرته و لا الميكانيكي قاللي أغيره و العربية عاملة 000 170 كم يا ريت حد يفيدني في الموضوع ده لأني برضه بأزود زيت الكورونا وعمري ما غيرته و شكراً

[peter magdy]

معلش يا استاذ هانى تعبك معايا
بس انا اول مرة اركب عربية و رحت مرتين التوكيل و معملش حاجة
فى حد معين اروحلة علشان موضوع رجلاش الدبرياج و هل لو عملتة مش هيخلى بلية الدبرياج شغالة على طول معلش على ما فهمت
و هل لو عملتة عند ميكانيكى برة التوكيل عيعرف مع انى غصب عنى علشان التوكيل معرفش
انا محرج منك علشان دايما تعبك معايا

[hanyyyyyy]

متقولش كده يا بيتر باشا ...

احنا هنا كلنا علشان نفيد بعض ولكن فى موضوع الرجلاش ده بتاع الدبرياش فعلا مقدرش احددلك حد هناك لأن الغيارات بتاعة العربية مش مضيقانى فى حاجة فبتالى معملتش حاجة فى العربية بخصوص الموضوع ده بس هو موضوع سهل وبسيط واى ميكانيكى عندهم هيعملوا (لأنه أ , ب ميكانيكا) ده لو كان الموضوع من رجلشة الدبرياش فعلا ولو اى ميكانيكى بره قلو بس عايز ارجلش الدبرياش لحسن شكله واطى وعندى غيارات بتعض فى النقل ولو حب يجرب يبقى خير وبركة وانت راكب معاه طبعا

[Ramy Rateb]

المشاركة الأصلية كتبت بواسطة hal71 هو زيت الفتيس بيتغير ؟؟؟؟؟!!! أنا بزود فقط لكن عمري ما غيرته و لا الميكانيكي قاللي أغيره و العربية عاملة 000 170 كم يا ريت حد يفيدني في الموضوع ده لأني برضه بأزود زيت الكورونا وعمري ما غيرته و شكراً

ازاى بتزود زيت الكرونا ؟ اللى أنا اعرفه ان العربية ديه دفع أمامى يعنى مفيهاش كرونا من الأساس !!

[hal71]

المشاركة الأصلية كتبت بواسطة Ramy Rateb ازاى بتزود زيت الكرونا ؟ اللى أنا اعرفه ان العربية ديه دفع أمامى يعنى مفيهاش كرونا من الأساس !!

العربية نصر دوجان يعني موتور 131 فيها كورونا طبعاً