ايه الفرق بين الاتوس والاى تن

[الزيرو]

شفت سعر الاتوس على النت دلوقتى لقيته 60900 يعنى 61000 يبقى فرق 3000 عن الاى تن والمنتدى فيه كل اسعار العربيات
http://moshax.com/cars/view/429/%D9%...%88%D8%B3.html
مش عارفة سعرها كده صحيح اللى يعرف الاسعار يقولى

[MR_SELVESTER]

انا رأيي الصراحة البيكانتو جميلة جدا وعملية جدا وتكييفها تلاجة حلوة علي الطريق
وصورها اهي علشان تعرفي ان شكلها جميل وشيك جدا

دي صورتها من جوا


ودا الشكل الجديد بتاعها



ودا الشكل القديم




وعلي فكرة فيها الاتوماتيك جميل اوي ومش هتحسي بتعب خالص في سواقتها

[eng/walaaeldeen]

السلام عليكم
الأتوس سياره مش عمليه واعادة بيعها مش كويس الأى تن سياره جميله واقتصاديه في البنزين لكن مش هتنفع في اي مشوار يطرئ عليكى طويل هيه تنفع داخل البلد فقط وهى تقفيل هندي اما الفرنا سياره موتورها شديد بكثير عن الأى تن لأنها 1600 سي سي اما الأتن 1100 سي سي وهي سياره يعتمد عليها اكثر من الأنواع السابقه اما البيكانتو فهيه ضيقه من الداخل وهناك انواع اخري كويسه مثل اللانوس والرينو لوجان والبروتون ساجا بس بصراحه افضل الفرنا او اللانوس لأن لهما مميزات كثيره اهمها رخص قطع الغيار واعادة البيع سريعه واللانوس اوسع من الفرنا من الداخل واكثر ثبات بس الفرنا موتورها اشد من اللانوس ( ياريت يعملوا سياره تأخذ مميزات الأثنين)وسعرهما قريب من بعضعما
واسعار الأي تن تبدأ من 66000 الي 76000
والفرنا من68000 الي 82000
واللانوس من 67000 الي 71000
واللوجان بين 62000 الي 72000
الأتوس مافيش منها جديد على ما أظن
والله المستعان

[الزيرو]

المشاركة الأصلية كتبت بواسطة MR_SELVESTER انا رأيي الصراحة البيكانتو جميلة جدا وعملية جدا وتكييفها تلاجة حلوة علي الطريق وصورها اهي علشان تعرفي ان شكلها جميل وشيك جدا دي صورتها من جوا ودا الشكل الجديد بتاعها ودا الشكل القديم وعلي فكرة فيها الاتوماتيك جميل اوي ومش هتحسي بتعب خالص في سواقتها

فعلا شكلها حلو والاى تن شفتها دلوقت شكلها حلو بردو والاتنيين احلى من الاتوس بس عايزة سعر الاتنيين البكانتو والاى تن لو تعرف يا ريت تقولى سعرهم منوال واتوماتك والكماليات اللى فى كل وحدة بالاسعار بتعاتهم يعنى هاف اوبشن بكام وفل بكام

[الزيرو]

المشاركة الأصلية كتبت بواسطة مشمش1 السلام عليكم الأتوس سياره مش عمليه واعادة بيعها مش كويس الأى تن سياره جميله واقتصاديه في البنزين لكن مش هتنفع في اي مشوار يطرئ عليكى طويل هيه تنفع داخل البلد فقط وهى تقفيل هندي اما الفرنا سياره موتورها شديد بكثير عن الأى تن لأنها 1600 سي سي اما الأتن 1100 سي سي وهي سياره يعتمد عليها اكثر من الأنواع السابقه اما البيكانتو فهيه ضيقه من الداخل وهناك انواع اخري كويسه مثل اللانوس والرينو لوجان والبروتون ساجا بس بصراحه افضل الفرنا او اللانوس لأن لهما مميزات كثيره اهمها رخص قطع الغيار واعادة البيع سريعه واللانوس اوسع من الفرنا من الداخل واكثر ثبات بس الفرنا موتورها اشد من اللانوس ( ياريت يعملوا سياره تأخذ مميزات الأثنين)وسعرهما قريب من بعضعما واسعار الأي تن تبدأ من 66000 الي 76000 والفرنا من68000 الي 82000 واللانوس من 67000 الي 71000 واللوجان بين 62000 الي 72000 الأتوس مافيش منها جديد على ما أظن والله المستعان

قريت عن الفرنا ولقيت فيها عيوب كتير منها الفرامل وعن الشفرليه لانوس لاقيت عيوب لا تعد ولاتحصى ومن قرايتى ان اللانوس لما كانت دايو كانت ممتازة ولكم من ساعة مبقت شفرليه مبقتش حلوة من ناحية اللوجان كله بيشكر فيها بس 1600 سى سى هل استهلاك البنزين زى الاى تن اللى 1100 سى سى لانى مش عايزة ميزانية كبيرة فى البنزين مش هدفع اقساط وكمان بنزين ومشاويرى جو اسيوط وقليلة كمان يعنى مشوار الشغل ربع ساعة بالعربية ولو فى البلد اشترى حاجة مش هيبقى كتير وطبعا سفر لا عمرى مهسافر بعربية لا بتاعتى ولا بتاعة غيرى