برجاء المساعدة فى اختيار سيارة فى متوسط ( 150 الف جنية)

[sam ram]

المشاركة الأصلية كتبت بواسطة medo_0066 السلام عليكم __ بص ياباشا بالنسبه لمساحه الشنطه طبعا الاوكتافيا اكبر بكتير لا كن فرق المساحه الداخليه السيفك تتفوق بفرق كبير _ انت هتعمل ايه بوسع الشنطه والعربيه القاعده فيها مش مريحه دا اولا __ ثانيا موضوع ان الصاج ضعيف دا كلام مش مظبوط انت لما تشوفها من الاجناب تحس بكدا لان الابواب انسيابيه ومن غير سوك او منحنيات_هيا احسن عربيه فى الصا ج من اليابانى والكورى _وطبعا الالمانى حاجه تانيه__ ثالثا موضوع لما تتخبط فى الاكصدا م تسمع فى الرفرف فدا منطبق على الاوكتافيا ال a5 بالضبط نفس الرفرف بالضبط اوكى ___ رابعا موضوع انها واطيه فدا عيب فى مصر وعلشان كدا نزلو موديل 2009 vti بجنوط 16 بوصه فبكدا بقت اعلى شويه __ وطبعا السيفك ثابته عن الاوكتافيا لانها اعرض منها ولو حد بيركب اوكتافيا العربيه مش عريضه وبالتالى الجلوس فيها مريح لاكن مش بالدرجه الكافيه .. عيــــــــــــوب الاوكتافيا a5 : اولا كمبوروسر التكييف كتر الاستعمال بيضعفه واسال اى حد معاه a5 ويكون بيستعمل تكييف على باستمرار _-_ ثانيا عرض الشنطه صغير ودا بيقلل من ثابتها وفى النهايه لما تشوفوا السيفك الvti على الطبيعه تقدر تحس بالفرق الساشع بين الاتنين لانها حققت المعادله الصعبه ( قمه الثبات_قمه النعومه _ قمه الجمال ). ودا صعب يتجمع فى عربيه واحده.. واسف ع الاطاله

يا باشا انا معاك انهم كبروا الصالون على حساب الشنطه لكن اسافر ازاي بعربيه نبقى قاعدين فيها واحنا واخدين الشنط على حجرنا ..... والقاعده في الاوكتافيا مريحه مش وحشه أما بالنسبه للصاح فانا قصدي ان صاج السيفيك ضعيف مقارنه بالاوكتافيا و حضرتك بنفسك قلت ان الالماني حاجه تانيه. الخبطه انا شفتها بعينيا خبطه في الاكصدام الرفرف زي ما هو بس اتحرك لوره وبره شويه يعني ركب overlap على الباب!!!
انا معجب جدا بالسيفيك و كنت حتجنن عليها اول ما نزلت بس في وجود اطفال وشيل كتير الشنطه مهمه جدا... ولو عملوا الشنطه 500 لتر مستعد ابيع هدومي و اشتريها.
هي العبره باحتياج كل واحد و ايه مناسب ليه وكل واحد بيقول رأيه بناء على متطلباته اللي بيشوفها في العربيه. انا بصراحه مشفتش ال vti بس يا ترى سعرها كام . ولك كل الشكر

[AbOnOrA]

بس لى تعليق على موضوع صاج السيفيك لانى شوفتلها حادثة 128 داخلة فى الجنب الشمال ببوزها رشق والله فى باب السواق

السواق مفيهوش خدش والعربية محصلش فيها حاجة غير الباب بتاع السواق وخبطة بسيطة فى العتب والقوايم والرفرف كانها متلمستش

ال128 شبكة واكصدام وفوانيس وكبوت والرفرف اتعصر على العجل القدمانى باختصار اتعجنت

متانة البودى مش سمك الصاج وبس الاهم صلابة القوائم وبارات الدعم اللى بتبقى جوه الباب وسلامة التصميم ككل

واخيراً انا اتفق تماما مع الراى ده واحييك عليه

هي العبره باحتياج كل واحد و ايه مناسب ليه وكل واحد بيقول رأيه بناء على متطلباته اللي بيشوفها في العربيه

[sam ram]

[quote=AboNoRa;10157]

متانة البودى مش سمك الصاج وبس الاهم صلابة القوائم وبارات الدعم اللى بتبقى جوه الباب وسلامة التصميم ككل


وجهه نظر سليمه 100% و ده خلاني افكر ان ممكن يكون رد الفعل اللي حصل نتيجه الخبطه مقصود .... بمعنى انهم قاصدين ان الرفرف يخرج بعيد علشان يحافظوا على الباب ..... والله لو كده ارفع القبعه لأن فعلا اهم حاجه سلامه اللي جوه العربيه و انه يعرف يخرج في حاله الطوارئ....
واللي خلاني افكر تاني في الكلام ده فيلم تسجيلي عن الساب .... جابوا عربيتين كل واحده ماشيه عكس التانيه بسرعة 60 كم و الاتنين خبطوا في بعض نص في نص (يعني النص الشمال بس من كل عربيه) ( السرعه النسيبه للخبطه 120كم) وبعد التجربه خدوا العربيتين في معرض و خلوا الناس كل واحد يفتح باب العربيه و يقعد جواها و يقفل الباب و بعدين يفتحه و يخرج .... طبعا الكابوت اكورديون و العربيتين وشهم بايباي بس المهم سلامه الركاب.ptmnlo123per1147
واللي ييجي في الريش بقشيش
وربنا يحفظ الجميع

المشاركة الأصلية كتبت بواسطة sam ram يا باشا انا معاك انهم كبروا الصالون على حساب الشنطه لكن اسافر ازاي بعربيه نبقى قاعدين فيها واحنا واخدين الشنط على حجرنا ..... والقاعده في الاوكتافيا مريحه مش وحشه أما بالنسبه للصاح فانا قصدي ان صاج السيفيك ضعيف مقارنه بالاوكتافيا و حضرتك بنفسك قلت ان الالماني حاجه تانيه. الخبطه انا شفتها بعينيا خبطه في الاكصدام الرفرف زي ما هو بس اتحرك لوره وبره شويه يعني ركب overlap على الباب!!! انا معجب جدا بالسيفيك و كنت حتجنن عليها اول ما نزلت بس في وجود اطفال وشيل كتير الشنطه مهمه جدا... ولو عملوا الشنطه 500 لتر مستعد ابيع هدومي و اشتريها. هي العبره باحتياج كل واحد و ايه مناسب ليه وكل واحد بيقول رأيه بناء على متطلباته اللي بيشوفها في العربيه. انا بصراحه مشفتش ال vti بس يا ترى سعرها كام . ولك كل الشكر

ptmnlo123per184
طبعا كلامك مظبوط (ان كل واحدبيشوف العربيه من وجه نظره) بس انت متاكد ان الشنطه صغيره ؟؟؟
مشكلتى انى معايا بورا , وطبعا انت عارف ان الصالون بتعها ضيق وبالذات الكنبه الخلفيه معدومه تماما , بس الشنطه بتاعتها كبيره ودا بيضيقنى لانى مش بستعملها في حاجه
وبالنسبه لسعر السيفك ال vti سمعت ان اعلى فئه فيها ( فتحه السقف وفرش جلد) 18000
و طبعا الاوكتافيا اولها اتوماتيك 17000 والاليجانس الخليجى ب195000 بالجنط ال17 والبلوتوث والزينون ,. وطبها الاليجانس A ارتوك 229900 ودا طبعا اوفر اوى
بس يريت لو تتاكدلى من شنطه السيفك, مع العلم انها عريضه عن الاوكتافيا _و الرف الخلفى (مكان السماعات ) مش صغير.
وشكرااااااا

[sam ram]

انا مقولتش صغيره لكن قلت (شنطتها 350 لتر بس ...... و ده يعتبر قليل في الفئة دي)
(اوكتافيا - جيتا - كورولا - سيفيك ) كلهم في حدود 4.5م طول
لكن السيفيك شنطتها في حجم الفئه الاصغر ( اكسنت - لانوس - افيو - ...) و طولهم في حدود 4م.

حتلاحظ ان الاوكتافيا اكبر حجم والسفيك اصغر حجم وهي كمان 340 لتر مش 350

skoda octavia 560 litre
VW jetta 450 litre
toyota corolla 400 litre
Honda civic 340 litre


hyundai accent - chevy aveo - kia rio = 340 - 350 litre

و في عربيات في الفئه الاصغر شنطتهم في حجم الفئه الاكبر زي السيينا و الهوندا سيتي

fiat siena - honda city 500 litre
toyota yaris 400 litre

و في النهايه دي ترجع لمتطلبات كل واحد في العربيه (حجم الشنطه مهم بس مش لكل الناس)
ولو انت ميهمكش حجم الشنطه توكل على الله لأن العربيه ما شاء الله تحفه سواء من بره او من جوه ... خصوصا انك راكب الماني و بتحب السيفيك يعني عارف الفرق في موضوع نعومه الياباني و خشونه الالماني ( وده برضه نسبي لحسن حد يفتكر اني بقول على الياباني انه طري او الالماني زي الروسي)ptmnlo123per1127pt mnlo123per115