أفيو ولا فرنا و لا لانوس

[mtema99]

المشاركة الأصلية كتبت بواسطة agamy_apc طبعا من حق حضرتك و كثير من الاخرين ان يلتبس عليهم الامر نظرا للاحداث الاخيرة التي تشهدها اسواق المال العالمية حاليا ، و لكن لو نظرنا الى الموضوع من اكثر من جانب نجد ان ما يحدث الآن ما هو الا هزة عنيفة سوف تتهاوى امامها معظم الشركات التي ينحصر نشاطها في مجال واحد او مجالين ولكن بالنسبة لكيان ضخم مثل جينرال موتورز فأنا اعتقد ان الموضوع يختلف طبقا للمعلومات المتوفرة عن الشركة و لكي يتم تحليل الموضوع من كافة جوانبه . - جنرال موتورز هي شركة متعددة الجنسيات، أميركية الأصل. تعتبر من أكبر منتجي السيارات في العالم. تأسست عام 1908، مقرها الرئيسي في مدينة ديترويت الأميركية وهي توظف نحو 266 ألف موظف في مصانعها المنتشرة في 35 دولة، وقد حققت عام 2005 رقما قياسيا إذ باعت 9.17 مليون سيارة تحت أسماء كاديلاك، وبيويك، وشيفرليه، وجي أم سي وهمر وهولدن وجي أم دايو وأوبل وبونتياك وساب وساترن وفاكسهول. عام 2007 جاءت الشركة بإيرادات بلغت 181 مليار دولار لكنها عانت من خسائر فادحة بلغت نحو 38.7 مليار دولار. تعد جنرال موترز واحدة من أكبر الامبراطوريات المالية في العالم، وهي تقدم إلى جانب صناعة السيارات تعمل في مجالات التأمين والتمويل التجاري والسكني، وتعد شركة أون ستار جي أم التابعة لجنرال موتورز رائدة صناعة سيارات السلامة وخدمات الأمن والمعلومات في العالم. وتملك جنرال موتورز معظم أسهم شركة دايو للسيارات والتقنية في كوريا الجنوبية، كما أن لها تعاونا تجاريا وصناعيا مع شركتي إيسوزو وسوزوكي اليابانيتين، وتتعاون في مجال تقنية صناعة السيارات مع مجموعتي ديملر كرايسلر وبي أم دبليو الألمانيتين وتويوتا اليابانية، ولها عدة مشاريع في صناعة مركبات بالتعاون مع شركات عالمية بالإضافة إلى تويوتا وسوزوكي هناك شنغهاي لصناعة المركبات الصينية، ورينو الفرنسية، وشركة أوتوفاز الروسية. اعتقد ان شركة بهذا الحجم قد تصمد امام هذا الاعصار ، و الا كان الله في عون جميع مالكي السيارات التي تنتجها الشركة هذا و الله اعلم

يذكر ان جنرال موتورز تدرس تقديم طلب رسمي بافلاسها بنص الماده 11

على ان تبيع هامر و فوكسهول و هولدن و اوبل

و من المحتمل ان تباع بويك لشركه صينيه

و هامر لشركه هنديه

و باقي الشركات في مهب الرياح

المشكله ان ساعتها عشان يوفروا بعد اغلاقهم

يبقى قطع الغيار هتتصنع فالصين

[agamy_apc]

اعتزر للاخوة المشاركين في الموضوع ... لان الغرض من الموضع من وجهة نظري هو الايضاح و ليس الخناق و من الواضح ايضا ان الجميع مقتنعين برئيهم ... عموما كل سيارة لها مميزات و لها عيوب ... و ربنا يوفق الجميع...

[sam ram]

المشاركة الأصلية كتبت بواسطة agamy_apc اعتزر للاخوة المشاركين في الموضوع ... لان الغرض من الموضع من وجهة نظري هو الايضاح و ليس الخناق و من الواضح ايضا ان الجميع مقتنعين برئيهم ... عموما كل سيارة لها مميزات و لها عيوب ... و ربنا يوفق الجميع...

حضرتك مش محتاج تعتذر عن اي حاجه .... هي يمكن المناقشات هنا سخنت شويه .... بس معتقدش ان كان فيه اي خناق ..... و اتمنى ميكونش فيه اي ضيق .... ... لان كلنا في النهايه هدفنا تبادل المعلومات و الاراء
واختلاف الرأي مش معناه ان حد صح والتاني غلط ..... بالعكس يمكن اكتر المناقشات هنا كانت بيني و بين بوب الجامد و اعتقد اني كنت موافقه على حاجات كتيره و مختلف معاه في بعض النقط ..... و متهيألي لو كان زعل من اي حاجه كان قال ... لأننا في النهايه اخوات ... احنا مش جايين هنا نتخانق!!!

وارجو من حضرتك تشوف الموضوع ده
http://www.masrmotors.com/vb/showthread.php?t=3141

على اد ما كان فيه جدال قوي جدا .... لكن ظهرت كميه معلومات استفدت منها شخصيا و كتير شاركو بالموضوع و قالوا نفس الكلام
انا حسيت ان حضرتك زعلت مني ساعه لما قلت ان فيه تشابه في المواضيع و وضحت وجهه نظري ....
احنا في مصر كل وكيل بيقول ان عربيته احسن عربيه في الكون و ده متوقع لكن للأسف بيوصل الموضوع الي مبالغات كتيره و تحميل العربيات مواصفات مش موجوده فيها ... واللي بيزود ان الصحافه ماشيه ورا الوكيل بالطبل و الزمرptmnlo123per154ptmnl o123per154انا مشفتش جرنال بيكتب مميزات وعيوب اي عربيه .... يا اما كلها مميزات ملاك طاهر .... يا اما اسواء عربيه في الكون و ده بيبقى ليه غرض تاني.
ودي ميزه المنتدى .... بنتبادل ارائنا اللي بتوضح الامور من تجاربنا الحقيقيه
بالعكس انا شايف ان تطور المناقشه وضح نقط جديده .... على الاقل عن نفسي كنت بقول ان جي ام وضعها يقلق وماكنش عندي اي اعتراض على الافيو كعربيه .... وصلنا دلوقتي ان الافيو المصري في ناس اشتكت منها و عيوب تقفيل ..... متهيألي اكيد كلنا استفدنا من المناقشه....
معلش انا طولت جامد بس اخر حاجه عايز اقولها :- أ/ عجمي ... ارجو متكونش زعلت مني ..أو بوب الجامد ... و اذا كنت زعلت اي حد .... ارجو قبول اعتذاري .... و تقبل حسن النيه مني.... ولكم الشكر

[paradise lover]

السلام عليكم ورحمة الله وبركاته
اولا جزاكم الله خيرا على الرد
بس انا الى وصلتله من المناقشات ان الناس كانت شبه اجمعت ان الافيو احسن سياره فى الثلاثه(الافيو والفيرنا والانوس)
وبعدين طلع ان الافيو فيها مشاكل وعيوب فى الصناعه زى ما الاخ yokoقال
طب دلوقتى نرجع للسؤال الاول مين فيهم أحسن
لانى محتاره زى الاخ الى بعت الموضوع بين ال3 سيارات وبقالى فتره بسأل علشان اشترى اول عربيه بتاعتى ولسه موصلتش

[sam ram]

المشاركة الأصلية كتبت بواسطة paradise lover السلام عليكم ورحمة الله وبركاته اولا جزاكم الله خيرا على الرد بس انا الى وصلتله من المناقشات ان الناس كانت شبه اجمعت ان الافيو احسن سياره فى الثلاثه(الافيو والفيرنا والانوس) وبعدين طلع ان الافيو فيها مشاكل وعيوب فى الصناعه زى ما الاخ yokoقال طب دلوقتى نرجع للسؤال الاول مين فيهم أحسن لانى محتاره زى الاخ الى بعت الموضوع بين ال3 سيارات وبقالى فتره بسأل علشان اشترى اول عربيه بتاعتى ولسه موصلتش

بصراحه ... مفيش اي حاجه مضمونه دلوفتي ..... على الاقل بالنسبه للتلات عربيات دول :-
الافيو المصري واضح ان التقفيل عليه كلام و منقدرش نأكد لأنها لسه جديده ومخدتش فرصتها كامله
الانوس .... فيه كتير بيحبوها وبيشكروا فيها .... لتوافر قطع الغيار و اسعارها و سهوله التصليح .....
انا عن نفسي مبحبهاش لضعف الثبات مع السرعه و ضعف الفرامل ptmnlo123per111.....
المشكله بالنسبه للأفيو او الانوس ان فيه مشكله عالميه اليومين دول بالنسبه لجينيرال موتورز ( الافيو شيفروليه و اللانوس الجديده شيفروليه و القديمه دايو تابعه لجينيرال موتورز)
و لو جضرتك تابعتي كل المناقشات ..... بعض الزملا شايفين ان الازمه العالميه مش حتأثر على العربيات دي في مصر.
يفضل الفيرنا و هي موديل من موديلات الاكسنت .... فيه ناس تحبها و ناس متحبهاش ..... و غبور كتوكيل بقى عليه ضغط جامد و يخنق شويه.

لو عن نفسي ولازم اختار حاجه من التلاته دول ..... تبقى الفيرنا ... وممكن افكر في الافيو الكوري بس لما اشوف تطورات الامور الاول.

ممكن اوي تفكري في حاجات تانيه .... زي الكيا ريو - نيو اكسنت - بيكانتو - ...

وفي النهايه ده رأيي الشخصي و شوفي اكتر من رأي