مشكله فى الازاز الكهرباء فى الفيرنا :)

[shando]

استفسار صغير
انا عندى فيرنا 2011 فل اوبشن
دلوقتى بقى ازاز الكهرباء بيعلق بمعنى اول مادورها الازاز بيبقى شغال كويس اما اكون فى نص الطريق مثلا يعلق و ميرضاش يطلع ولا ينزل اسيبه 5-10 دقايق يشاغل لوحده

دا عيب ايه بقى
انا ونا بعمل صيانه ال 10,000 قلتلهم و قالولى ظبطنا كل حاجه يا فندم و الكلام دا
وتانى يوم الاقى نفس المشكله !!! اكيد طبعا لما جربوها عندهم كان بالصدقه الازاز شغال فقالوا عليا انى بقلش و ماصلحوش حاجه اثبتها ازاى ليهم انه بيغلق طيب علشان يغيره حتى منا لسه فى الضمان !!

لو معرفتش اوضح قلولى واحاول اوضح

[haninatoon]

1- ممكن سلك او فيوز ملمس مع حركة السيارة او اثناء غلق الابواب بيتهز فبيشتغل اوقات واوقات لا
يعنى موضوع بسيط
2- كتاوت بردو الزجاج ممكن تكون بتهيس ممكن الملف ساعتها حتغير كتاوت

[fadymedhat]

الفيشة بتاعة المكنة الكهرباء مش راكبة كويس...فك فرش الباب و ركب الفيشة كويس و لما يعلق اخبط بايدك عند السماعة الى فى الباب هتلاقيه اشتغل......

[shando]

شكرا استاذ فادى و استاذ haninatoon


طب مافيش اقترحات اعملها مع التوكيل علشان يتصرفوا اصلهم بيقلوا صلحوا وكده ومابيعملوش حاجه

[احمد على 1999]

الحل و انت فى التوكيل جرب قدامهم كذا مرة و خبط بايدك على فرش الباب
و بعد ما يعملوها برضه متمشيش غير لما تجرب تانى

اصل فعلا مشكلة الاعطال الغير ثابتة