سرقه ال cbr 600

[دكتور رعد]

المشاركة الأصلية كتبت بواسطة zek_mmo http://www.youtube.com/watch?v=1sn_1rggGFc اتفرحو علي الفيديو هو طويل شويه بس شوفو ازاي استنو وشافو الجو تمام ولا ايه وشالوه شيل جوه العربيه الفان

والله انا لما اتفرجت على الفيديو دمى اتحرق
علشان فكرنى بالبايك بتاعى لسه مسروق من شهر
بس الحمد لله كان صينى هى كانت جديدة لسه بس الحمد لله
مجتش فى حاجة كبيرة

[SmoothRider]

المشاركة الأصلية كتبت بواسطة دكتور رعد والله انا لما اتفرجت على الفيديو دمى اتحرق علشان فكرنى بالبايك بتاعى لسه مسروق من شهر بس الحمد لله كان صينى هى كانت جديدة لسه بس الحمد لله مجتش فى حاجة كبيرة

يا خبر
تصدق زعلتني ...
معلش ربنا يعوض عليك بأحسن منه

[mialbedewy]

انا اتحكالي ان موتسيكل اتسرق في المرور الترخيصات
كان صاحبه سايبه تحت مقفول عادي
فواحد عمل فلم هندي هو وابنه قعد يضربه بالاقلام ويشتمه فالعسكري جه وقاله في ايه قاله ابن كذا ضيع المفتاح
فقاله خلاص هون عليك هتعمل ايه خده علي اي حاجة وروح عند بتاع الكونتك ولا اتصرف
الحرامي مكدبش خبر وجاب نص نقل بسرعه او اكيد كان محضرها وخده عليه
صاحبه نزل بعد شوية واكتشف الموضوع
----------------------
وكان عضو كان بيقول شده ولا اكنه خروف
احكيلكو واحده كانت سايبه خروف العيد قدام البيت مربوط من رقبته في عمود
فالحرمية حلال الله أكبر وقامو دابحينه وسايبين راسه وواخدين بقيت جسمه
مش عرف اللحمة دي حلال ولا ايه ههههههه

[SmoothRider]

المشاركة الأصلية كتبت بواسطة mialbedewy انا اتحكالي ان موتسيكل اتسرق في المرور الترخيصات كان صاحبه سايبه تحت مقفول عادي فواحد عمل فلم هندي هو وابنه قعد يضربه بالاقلام ويشتمه فالعسكري جه وقاله في ايه قاله ابن كذا ضيع المفتاح فقاله خلاص هون عليك هتعمل ايه خده علي اي حاجة وروح عند بتاع الكونتك ولا اتصرف الحرامي مكدبش خبر وجاب نص نقل بسرعه او اكيد كان محضرها وخده عليه صاحبه نزل بعد شوية واكتشف الموضوع ---------------------- وكان عضو كان بيقول شده ولا اكنه خروف احكيلكو واحده كانت سايبه خروف العيد قدام البيت مربوط من رقبته في عمود فالحرمية حلال الله أكبر وقامو دابحينه وسايبين راسه وواخدين بقيت جسمه مش عرف اللحمة دي حلال ولا ايه ههههههه

حسبنا الله ونعم الوكيل
على كدة الواحد لازم يضبط اللي سايب الموتوسيكل أدامهم...حتى في التراخيص
على الأقل يبقوا عارفين مين صاحب الحاجة

[nktis]

لا حول الله. الحراميه والنصابين بيعرفوا يتصرفوا. ولازم الواحد يتنصب عليه مره عشان ياخد باله.
حصلت معايا قبل كده مرتين او ثلاثه يبقي واحد مريض وعايز يصرف الرشته وممعوش يكمل ويقول بكره اجيبلك الفلوس وادي وش الزبون وبكره يجي وبعده وخلاص انا لبست المقلب.
كنت بقول ان مستحيل واحد يقبل علي نفسه في فلوس علاجه بس اهو حصل؟
لذلك الواحد فحر فحره في دماغه وحاطط عينه وسط راسه.
في زحمه الشغل مثلا بعد العشاء تلاقي راجل محترم ولابس تمام ومنظره بيه ويدخل في الزحمه وبسرعه شفلي فكه مثلا 100 جنيه احاسب التكتك وهاتلي علبه كذا ويمشي
النصابين صيع ربنا يحفظ الجميع لان عندنا موسم السرقات بدا من اسبوع