استفسار بخصوص اللادا 2107

[HellBlazE]

السلام عليكم و رحمة الله و بركاته
أنا لسا عضو جديد فى المنتدى و فخور أنى بقيت من أعضاء masr motors
أنا كنت بفكر أشترى اللادا 2107 زيرو مصرى الكاملة مع العلم أن أنا عمرى ما ملكت عربيتى الخاصة و مش بعرف أسوق أوى و معنديش خبرة فى أى حاجة
فعندى كم نقطة عايز استفسر عليها
1- هل العربية معمرة؟
2- أيه أخبار التكييف فيها؟
3-هل فى أى عيوب هتظهر فى العربية تخلينى أكره نفسى؟
4- هل الباور شغله كويس؟ و بيفصل فى السرعات العالية ولا لأ؟
5- هل العربية بتحك فى المطبات مع العلم أنها هتشيل أحمال تقيلة شوية (3 الى 4 أشخاص فى الخلف)
6- هل فى حاجات معينة لازم أعملها أول ما أشترى العربية؟
ان شاء الله هجيب العربية فى شهر 7 و كنت بفكر برضو فى ال اسبرانزا A113 بس ناس كتير خوفتنى منها و العربية لما روحت شوفتها هبطت مع حمل خفيف

أسف على الاطالة و شكرا

[mr_astra]

المشاركة الأصلية كتبت بواسطة HellBlazE السلام عليكم و رحمة الله و بركاته أنا لسا عضو جديد فى المنتدى و فخور أنى بقيت من أعضاء masr motors اهلا بيك فى مصر موتورز وبنستنى المزيد من مشاركاتك القيمة أنا كنت بفكر أشترى اللادا 2107 زيرو مصرى الكاملة مع العلم أن أنا عمرى ما ملكت عربيتى الخاصة و مش بعرف أسوق أوى و معنديش خبرة فى أى حاجة فعندى كم نقطة عايز استفسر عليها 1- هل العربية معمرة؟ جدااااااااااااااا واعتمادية اوى 2- أيه أخبار التكييف فيها؟ حقيقى انا ما ركبتش عربية فيها تكييف لكن على حد معرفتى ان التكييف فيها مش تمام جايز اكون صح وجايز غلطان 3-هل فى أى عيوب هتظهر فى العربية تخلينى أكره نفسى؟ لالالالا خالص والله عربية قوية جدا وحمالة قسية وفيها اعتمادية كبيرة جدا وحاجتها فعلا رخيصة 4- هل الباور شغله كويس؟ و بيفصل فى السرعات العالية ولا لأ؟ الباور شغال حلو اوى لكنة مش بيفصل فى السرعات 5- هل العربية بتحك فى المطبات مع العلم أنها هتشيل أحمال تقيلة شوية (3 الى 4 أشخاص فى الخلف) لا ملهاش فى الحك بامر الله وحتى لو هاتحمل فيها اكتر من كدة وانا شوفتها بعينى نص نقل 6- هل فى حاجات معينة لازم أعملها أول ما أشترى العربية؟ تصلى ركعتين شكر ودة المهم .........وبعد كدة الصيانات الدورية العادية من تغيير زيوت وتشحيم ان شاء الله هجيب العربية فى شهر 7 و كنت بفكر برضو فى ال اسبرانزا A113 بس ناس كتير خوفتنى منها و العربية لما روحت شوفتها هبطت مع حمل خفيف دى فئة ودى فئة وما ينفعش تعمل مقارنة بينهم أسف على الاطالة و شكرا

اهلا بيك والرد فى الاقتباس

[HellBlazE]

أنا متشكر أوى على الرد

[kimo10]

وعليكم السلام
الادا هى اكثر سيارة تنفع فى شوارع مصر وتقدر تركب فيها 4 اشخاص غير انك تملاء الشنطة بدون مشاكل{ حمالة قسيا} وده عن تجربه اما عن التكيف فكان معى سيارة 2003 فى سنة 2005 يعنى كانت سيارة مش متهانه بس كان لزم كل صيف اشحن التكيف واغير كاوتشات اللى فى خراطيم التكيف والكلام القادم من فنى التكيف ان ماتورا الادا خشن وقوى ينتج عنه اهتزازت قوية هى السبب بس للامانة كان بيشتغل الصيف كله تمام وهى سيارة ممتازة بس مشكلتها تقل الدريكيون فى الركنة اما فى الطريق كان كويس ومبروك مقدما

[HellBlazE]

المشاركة الأصلية كتبت بواسطة kimo10 وعليكم السلام الادا هى اكثر سيارة تنفع فى شوارع مصر وتقدر تركب فيها 4 اشخاص غير انك تملاء الشنطة بدون مشاكل{ حمالة قسيا} وده عن تجربه اما عن التكيف فكان معى سيارة 2003 فى سنة 2005 يعنى كانت سيارة مش متهانه بس كان لزم كل صيف اشحن التكيف واغير كاوتشات اللى فى خراطيم التكيف والكلام القادم من فنى التكيف ان ماتورا الادا خشن وقوى ينتج عنه اهتزازت قوية هى السبب بس للامانة كان بيشتغل الصيف كله تمام وهى سيارة ممتازة بس مشكلتها تقل الدريكيون فى الركنة اما فى الطريق كان كويس ومبروك مقدما

شكرا أوى على ردك أنا معلش عندى استفسار هل تقل الدريكسون بالباور أم من غير
و بالنسبة للتكيف هل بيأثر على العربية و هى ماشية؟