من أية النتشة دى؟؟؟

[ahmedkhaled754]

السلام عليكم
انا عندى لادا 2107 موديل 2006 كاربراتير و عندى مشكلة فى السحب لما أسحب بالعربية بتنتش و كمان و انا سايبها على السلانسية بتترج جامد و كأنها حتبطل لكن مش بتبطل و بترجع عادى
فـ يا ريت حد يقولى العيب من أية بالضبط و شـــكـــراً

[rabet007]

ممكن يكون الكرابتير عاوز يتنضف ولا حاجة او مسدود بسبب نوع البنزين او عدم جودته
المهم هاقولك علي مكان مصري عالمي فيه تصليح للكرابتير والانجشكن والكلام ده كله وتنظيف الرشاشات والحاجات ديه فيه امانه غير عاديه
مركز اسمه الصفا في اخر شارع جسر السويس عند سوق القنال كده وانت جاي من رمسيس هتلاقي بنزينه اسمها كالتكس تمام هتكون علي الناحية التانيه علي الطريق المعاكس لحضرتك
هتاخد اول يوترن
وتلف وتيجي من جنب البنزينه وتدخل في الشارع الي جنبها وهتفضل ماشي في الشارع ده
لحتي منتصفه تمام
هتلاقيه الكشف علي السيارة والكلام ده والتصليح لو فيه وعندهم كافه قطع الغيار
هتدخلها في 100 او 120 لو فيه مشكله كبيره
وربنا يسترها ان شاء الله بس ناس محترمه اوى الصراحه
ديه قائمة باسعارهم
1- اصلاح الكربراتير 85 : 100 جنيه

2-اصلاح وضبط اتشوك لانسر عملية اضافية على الاصلاح 65 جنيه

3- كشف (تحليل العادم 2 غاز) لتحديد الاستهلاك والبيئة 25 جنيه

4- كشف الكمبيوتر للانجيكشن لتحديد الاعطال 35 جنيه

5- كبس المحرك لمحرك 4 سلندر 30 جنيه

6- ضبط بسيط (ضبط الهواء و لفات المحرك فى السلانسيه) 30 جنيه

7- ضبط كبير (كشف بوجيهات و ضبط كهرباء و هواء) 45 جنيه

8- اختبار صلاحية عدد 4 رشاشات بدون فك وتركيب 35 جنيه

9- دورة تنظيف كاملة عدد 4 رشاشات بدون فك و تركب 100 جنيه

10- تغيير طلمبة انجيكشن 75 جنيه

11- تغيير طلمبة بنزين عادية 35 جنيه

12- تغيير طلمبة كهرباء عادية بدون اصلاح الوصلات الكهرائية 30 جنيه

13- تغيير بوجيهات فقط 10 جنيه

14- ضبط تاكيهات حسب عدد الصبابات .............(العادى) 35 جنيه

15- تنظيف مجموعة انجيكشن و كشف الانجيكشن والضبط 150 جنيه

16- فك وتركيب رشاشات (دايو-هيونداى-تويوتا-ماذدا-كيا) 30 :50 جنيه

17-اصلاح ضفيرة الانجيكشن حسب الحالة و الوقت

[rabet007]

علي فكره حضرتك انا عملت سيارتي عندهم علشان مش تفتكر انا مثلا بعمل اعلان ولاحاجة بس الناس ديه محترمه اوى وفاهمين شغلهم والحمد لله

[kimo10]

ده كله من البنزين 80 لزم تروح لحد متخصص كربرتير
او لما لمبة البنزين تنور معاك تحط 10 لتر بنزين 92
فى الاول حتسمع اصوات غريبة بس بعد شويا صغيرين العربية حتظبط
وعشان تحافظ على الكربرتير ونظافة البيكات متخليش لمبة البنزين تنور تانى

[mr_astra]

البنزين الـ 80 برىء والله
اكيد عندك مشكلة فى فلتر البنزين غيرة بواحد جديد او فلتر الهواء يستحسن كمان تغيرة بعد موجة التراب اللى كلنا مرينا بيها ولو الموضوع زاد اوى اى ميكانيكى ينضف بكات الكربراتير