#11
|
|||
|
|||
رد: العربية اتسرقت من ساعة الا 10 دقايق
إحنا نعمل اللي علينا و الباقي على ربنا :-
1- غطاء للعربية يتنفض يومياً عشان ما تبانش العربية مهجورة. 2-مفتاح كلاكس مع فتح الباب. 3- مفتاح منع دوارة. 4- جهاز إنذار وولف. 5- مسوجر بالعرض على الدريكسيون. 6- مسوجر دريكسيون مع بدال الفرامل. 7- كل شوية أبص من الشباك عشان أجيب العربية تحت البيت. 8- أجرنا شركة أمن في الشارع بتاخد 3000 جنيه في الشهر من سكان الشارع حراسة من 8 بليل لــ 8 الصبح. كل الفيلم ده كل يوم و بأقوق يارب أستر و ربنا ينتقم من كل حرامي و اللي سرقه ما يعرفش حتى يتعالج بييه |
#12
|
||||
|
||||
رد: العربية اتسرقت من ساعة الا 10 دقايق
طب تصدق وتؤمن بالله بعد ما الموقف ده حصل ولحد ما جالى نوم بعدها بساعتين تقريبا قعدت احلم بكوابيس تخص الموضوع ده ولما نزلت الصبح على الساعة 11 تصور لقيت ايه .... لقيت غطا العربية متشال من الجانب الخلفى من ناحية باب السائق قولت فى نفسى اهلاااااااااااااااااااااا اااااااااااااا , الدور عليا ولا ايييييييييييييييييييييييي ييه المشكلة ان الحرامى مش بييجى يسرق العربية فجأة وخلاص ده بيبقى مراقبها من مدة عشان يعرف ظروفها ايه وصاحبها مين وينقى الوقت المناسب لسرقتها قولت مابدهاش لازم اتصرف حكيت لوالدتى الموضوع وقلت لها على جهاز انذار رفضت لانها بقت مخنوقة من العربية ومستخسرة تحط فيها قرش تانى بعد اللى اكتشفناه فيها روحت طالعة على الميكانيكى وسألته على الجزء اللى بيتشال عشان يفصل الكهربا من العربية كلها قالى عليه وورانى اشيله ازاى فسألته : ممكن اشيله من الجنبين , على اسوء تقدير ان لو الحرامى مثلا العربية ماشتغلتش معاه وفكر انها ممكن تكون الكهربا مفصولة منها فيفتح الكبوت ويوصلها تانى المهم سألته قاللى ينفع عادى بصراحة لما روحت ماكدبتش خبر شيلت الخرطوم الطويل ده اللى بيوصل الكهربا ( مش فاكرة اسمه ) تقريبا سلك الموبينة او الفيوز , مش عارفة بالظبط شيلته من العربية خالص وطلعت به البيت عشان استريح بعد الرغى ده بقى , لى سؤال كتر شيل وحط الخرطوم ده له اى ضرر على العربية ولا عادى ؟
__________________
|
#13
|
||||
|
||||
رد: العربية اتسرقت من ساعة الا 10 دقايق
يا خبر ...
ربنا يعينك وربنا يسترها معانا كلنا انا فصلت الكهربا من العربية لانى بصراحة ماعنديش المقدرة لاى حاجة من المكتوب
__________________
|
#14
|
|||
|
|||
رد: العربية اتسرقت من ساعة الا 10 دقايق
ربنا يعوض عليه
|
#15
|
||||
|
||||
رد: العربية اتسرقت من ساعة الا 10 دقايق
يعنى ايه ضباط الدرك
تقصد العساكر اللى بيمشو بالليل ؟ طب هما فين مش شايفين حاجة يعنى
__________________
|
|
|