من أية النتشة دى؟؟؟

[Hisham.Elgazzar]

كده الإسبراتير عاوز ظبط ( أبلاتين وكوندينسر ) ولو إليكترونى تظبطه برضو
مع تغيير طقم بوجيهات
ولو بتاكل معاك زيت ركب بوجيهات سن قصير مش هتاثر معاك فى السحب لكن عمرها هيبقى أطول عشان الزيت مش هيطولها بسرعة
وربنا يوفقك

[ايمن عبدالحميد]

تشخيص الجزار تمام ويمكن تحديد العيب فى الابلاتين بأنة قافل وعاوز يتظبط ، الموضوع كهربى صرف

[ايمن عبدالحميد]

المشاركة الأصلية كتبت بواسطة mr_astra البنزين الـ 80 برىء والله اكيد عندك مشكلة فى فلتر البنزين غيرة بواحد جديد او فلتر الهواء يستحسن كمان تغيرة بعد موجة التراب اللى كلنا مرينا بيها ولو الموضوع زاد اوى اى ميكانيكى ينضف بكات الكربراتير

مساء الخير يا زعيم ، انت فوت الموتور ولا لسة بعد ما جبت تقفيل العداد هههه احترس من السرعة ارجوك

[galalaldin]

المشاركة الأصلية كتبت بواسطة ahmedkhaled754 السلام عليكم انا عندى لادا 2107 موديل 2006 كاربراتير و عندى مشكلة فى السحب لما أسحب بالعربية بتنتش و كمان و انا سايبها على السلانسية بتترج جامد و كأنها حتبطل لكن مش بتبطل و بترجع عادى فـ يا ريت حد يقولى العيب من أية بالضبط و شـــكـــراً

يظهر ان العربيه عدى وقت صيانتها الدوريه....طبيعى ان ده يحصل بعد فتره من التشغيل....فحص فلتر البنزين....فحص الاسبراتيروالصينيه...تغيي ر الابلاتين وهو المشتبه به الاول...وده طبعا لوفى العربيه اسبراتير مش مشط اليكترونى..وتغيير الكوندنسر...فحص كابلات البوجيهات والبوجيهات..ضبط الهواء للكربراتيروالزيت بالمره....والحوار ده بتمن الابلاتين والكوندنسر مش حايعدى 50 جندى....اعمله بدرى قبل ما تعملها معاك وانت مش مستعد.
تحياتى

[mekawy2000]

بنزين 80 او 90 او 92 ليس لهم علاقه فى الموضوع متنساش ان من سبب انسداد البيكات هو فلتر الهواء وبعدين بص الاول على الكندنسر لو ضعيف هتبقى السياره فى السرنسيه كويسه اول ماتدوس بنزين تقطع دى حاجه
شوف بك السرنسيه اسفل العمه ممكن يكون مسدود
طلمبه البنزين لوفيها حاجه هتقطع معاك
الاول شوف الميكانيكى بتاعك هيقول ايه بس البنزين ملوش علاقه ان كان 80 او 92 ده نسب الاكوتين وانضغاط البساتم