|
#11
27-03-2012, 04:17 PM
|
|||
|
|||
رد: توصيلة كتاوت المارش؟ توصيلة زرار تدوير العربية ؟ عايزين نتعلم
اولا أشكر الاستاذ المهندس سمير عياد لانه سهل الفكرة جدا وهو انى اعمل المفتاح على زرار المارش
وكلى امتنان واحترام لبقية الاعضاء الكرام اللى ردوا على طلبى الاستاذ yasser omar والاستاذ حازم بناء على الكلام الجميل المفيد الى قولتوه الاستاذ أبو حازم ياريت تقولنا على الطريقة السهلة اللى تعرفها علشان كلنا نستفيد فى المنتدى وربنا يبارك فيك والاستاذ ياسر عمر موضوعك رائع جدا واتمنى ادارة المنتدى تثبت موضوعك لانه مفيد بس انا لى استفسارات ياريت تفيدنى فيها أسلاك الكونتاكت عندى 4 أسلاك الضفيرة دى تبقى فين بالضبط فى العربية تحت التابلوه ولا جوه حوض العربية وايه العلاقة بين سلك المارش فى الضفيرة وسلك المارش فى الكونتاكت وهل ليهم لون واحد فى الحاليين جوه العربية وبالنسبة للفيات 128 انا ممكن ارفعلك صورة التابلوه من تحت بالاسلاك وصورة الكونتاكت كمان باسلاكه وتقولى ازاى انفذ الفكرة عملى لانى بصراحة تخيلى ضعيف فى الموضوع ده ومش عارف أركز لان فيه حاجات مش فاهمه وياريت تقولى على طريقة اعرف بيها اى سلك من السلوك هو سلك الموبينة بس تكون سهلة علشان اخوك لسه اولى ابتدائى كهرباء وعندى كذا ملحوظة وفيه سؤال خارجى هو غريب بس عايز اعرفه زمان رحت ركبت سنتر وانذار الصبى بتاع الاسطى هو الى ركبه الواد ده انا اول مرة اشوفه بس الى ودانى ليه كان واحد صاحبى قالى انه أمى يعنى جاهل لا بيعرف يقرى لا يكتب المهم كانت الشمس بتغيب قالى نورلى بالموبايل ووصل وركب من غير ولا غلطة ومن غير ما يدور كان بيحط ايده يبقى عارف ده سلك مارش ولا سلك كذا ازاى ؟ ازاى عرف سلك المارش من غير ما يغلط طلعه من تحت التابلوه وقشر جزء منه هل بيبقى حافظ لونه ؟ ولا هى مسألة التكرار تعلم الشطار ومعلش طولت عليكم 
|
|
#12
27-03-2012, 07:02 PM
|
||||
|
||||
رد: توصيلة كتاوت المارش؟ توصيلة زرار تدوير العربية ؟ عايزين نتعلم
__________________
 قال رسول الله  إن الله ليملى للظالم ............حتى إذا أخذه .....لم يفلته صدق رسول الله ___________ م/سمير
|
|
#13
27-03-2012, 09:59 PM
|
|||
|
|||
رد: توصيلة كتاوت المارش؟ توصيلة زرار تدوير العربية ؟ عايزين نتعلم
فى البداية انت لما تفك غطاء الدركسيون الفبر وتشوف الكونتاك هتلاقى فى النهاية الفيشة بتاعته راكبة على فيشة تانية وهو ده اللى احنا عاوزينه الــ 4 سلوك اللى عندك دخل كهرباء للكونتاك - خرج كهرباء للموبينة - خرج كهرباء للزيت والحرارة - خرج كهرباء للمارش طيب تعرفهم ازاى استخدم مفك تيست للعربية لو معندكش ممكن تجيب لمبة صغيرة من بتوع النور الواطى بالدويل وتعملها سلكتين بس يكون السلك طويل علشان تعرف تستخدمه نرجع تانى للفيشة اللى خارجة من الكونتاك وركبة فى الضفيرة هات التيست واربط سلكة بارضى العربية اقفل الكونتاك وشيل منه المفتاح وباستخدام السلكة التانية بتاعة التيست حاول انك تلمسها مع كل طرف لوحده من الاطراف الاربعة ولو معرفتش هات ابرة صغيرة ولف عليها سلك التيست ودخلها فى السلك فى طرف واحد هينور معاك اللمبة وهى دى دخل الكهرباء بعد كده افتح الكونتاك بس من غير ماتدور العربية واكشف تانى هتلاقى فى طرفين زيادة هينورو التيست يعنى طرف الكهرباء وطرف الزيت والحرارة وطرف الموبينة الطرف الرابع اللى مش هينور هو ده بتاع المارش ولو حبيت تتاكد وصل عليه ابرة التيست وادى سنة مارش وافصل على طول هتلاقى اللمبة نورت وطفت تانى طرف الموبينة هاقولك تعرفه ازاى دلوقتى انت عرفت طرف الكهرباء وطرف المارش باقى طرف الزيت والحرارة وطرف الموبينة فى واحد منهم لو فصلته "يعنى تشيل الجاك بتاعه من علبة التوصيل "هيطفى لمبة الزيت ده طرف الزيت والحرارة وطبعا التانى هو الموبينة طيب لو معرفتش تشيله هتلاقى فى الضفيرة مكان ما متوصلين مع الكونتاك سلكتين مربوطين على بعض وداخلين لطرف واحد هو ده الزيت والحرارة وطبعا الطرف التانى هى الموبينة انا كان نفسى والله اساعدك بالصور بس انا حاليا فى السعودية وراجع يوم 16 ان شاء الله فلما ارجع هبقى اصورلك كل اللى انت عاوزه وكمان يا باشا خليك تشغل العربية بولاعة السجاير يعنى شوية روشنة  وبرضه انا ان شاء الله متابع معاك لو متحاج اى حاجة وشوف انت هتوصل لايه وانا متابع معاك
|
|
#14
28-03-2012, 12:23 AM
|
|||
|
|||
|
رد: توصيلة كتاوت المارش؟ توصيلة زرار تدوير العربية ؟ عايزين نتعلم
بسم الله الرحمن الرحيم طريقة تشغيل المارش بطريقة امنة جدا ان شاء الله تفك غطاء الدركسيون الفبر وتشوف الكونتاك هتلاقى فى النهاية الفيشة بتاعته راكبة على فيشة تانية وهو ده اللى احنا عاوزينه
الــ 4 سلوك اللى عندك دخل كهرباء للكونتاك - خرج كهرباء للموبينة - خرج كهرباء للزيت والحرارة - خرج كهرباء للمارش طيب تعرفهم ازاى هاتفك الفيشتين من بعض لانهم دكر ونتاية بالبلدى احنا كلامنا دلوقتى عن الفيشة اللى جاية من تحت وداخلة على الكونتاك هاتجييب سلكة طولها حوالى 10 سم وتقشرها من الناحيتين بالبلدى من الطرفين بقصافة اهم حاجة ان العربية تكون فى وضع المور يعنى مش واخدة اى غيار وتحط طرف السلك اللى قشرناه على كليبسة الكهرباء الموجب اللى لونها احمر مش محتاجة فهلوة قدامها مباشرة السلك اللى جاى من الكتاوت غالبا لونه ابيض او لبنى مش شرط لان ممكن العربية يكون اتعملها ضفيرة جديدة وهاتقفل بالسلك على الطرفين هاتسمع المارش بيدور كده انت عرفت الطرفين العملية مش محتاجة حسبة برما ولا حاجة اهم حاجة تكون محضر مفتاحين كهرباء من بائع اكسسوار السيارت الاول اسمه مفتاح واحد شدة والتانى اسمه زرار مارش فكرته زى زرار الكلاكس تدوس عليه يرتد مع الضغط ويرجع تانى لوحده خلينا فى المهم السلك الكهرباء الاحمر هايجى من تحت الفيشة وهانقشره يييجى نصف سم والسلك التانى بتاع الكتاوت هانقشر زيه بالظبط ونجيب سلكين حوالى نصف متر وهنوصل الاولانى بالمفتاح واحد شدة والطرف التانى من المفتاح واحد شدة نركب سلك حوالى 15 سم كده يعنى زى كوبرى مع الطرف الاول من زرار المارش والطرف التانى من زرار المارش للسلك اللى احنا ربطناه مع سلك الكتاوت مع لف شريط لحام جيدا على جميع الاطراف اللى قشرناها نركب الفيش فى مكانها ونقفل بطن الدركسيون بالمسامير ونجرب هانفتح الكونتاك على اول سنة علشان التابلوه والعدادات تشتغل وبعدين نفتح زرار واحد شدة بايدنا وده شغلته توصيل الكهرباء وفصلها يطلع واحد يقولى ولازمته ايه ما الكونتك بيفصل ويفتح الكهرباء اقوله هى دى الحرفنة بقى علشان لو حد حب يسرق العربية ما يقدرش لان ااصبح لها تامين فى موارد توصيل الكهرباء المهم نركب الزراير فى التابلوه نعمل فتحتين فى التابلوه البلاستيك بالشنيور او باى طريقة متوفرة لك والموضوع كله لا يكلف سوى 5 جنيهات يا بلاش اى استفسار انا موجود فى الخدمة التعديل الأخير تم بواسطة ابو حازم ; 28-03-2012 الساعة 12:36 AM
|
|
#15
28-03-2012, 01:28 AM
|
||||
|
||||
رد: توصيلة كتاوت المارش؟ توصيلة زرار تدوير العربية ؟ عايزين نتعلم
شكرا يا
 أستاذ أبو حازم شكرا يا أستاذ ياسر عمر  
|
 |
|
|
ولا هى مسألة التكرار تعلم الشطار
