|
#1
13-01-2012, 03:54 PM
|
|||
|
|||
وانت بتركب ابلاتين وكوندنسر لو تاه منك اتجاه الشاكوش تعمل ايه ؟
ركبت ابلاتين وكوندنسر بنفسى
ركبت الاسبيراتير نسيت اتجاه الشاكوش ازاى اتصرف ؟ لانى اضطريت اجيب ميكانيكى غصب عنى لان العربية ما دارتش وقالى هقسم من جديد وعمل حاجة اسمها تقسيمة موتور ممكن حد يوضح لنا يعنى ايه تقسيمة الموتور من جديد وازاى بتتعمل لانه لما لاحظ انى مركز معاه اشتغل بسرعة وغلوش عليه علشان ما ألقطش الموضوع منه خبث الصنايعية فهمونى ربنا يباركلكم وثانى سؤال ازاى احدد وضع الشاكوش لو تاه منى ؟ بعد تركيب الابلاتين والكوندنسر وسمعت ان فيه ناس بتركيب اثنين كوندنسر طيب ازاى اعمل دى وايه الفايدة واشكر اعضاء المنتدى الافذاذ اللى بيرحمونا من خبث الصنايعية 
|
|
#2
13-01-2012, 04:12 PM
|
||||
|
||||
رد: وانت بتركب ابلاتين وكوندنسر لو تاه منك اتجاه الشاكوش تعمل ايه ؟
تقسيمة الموتور أى ضبط وقت إطلاق الشراره من بوجيه ما ....بحيث يتطابق وقت إطلاق الشراره مع تواجد مكبس هذه الغرفه فى آخر شوط الإنضغاط ( والمكبس على وشك الوصول للنقطه الميته العليا ) وفى هذه الحاله تكون صبابات العادم والحر لتلك الغرفه فى وضع غلق كامل أى أن التاكيهات محرره وغير محمله وبيتم هذا التقسيم مع مراعاة ترتيب الحريق المصمم عليه عمل المحرك ......................... ..... هنا بيقوم الفنى باللجوء لطرق تقليديه للتعرف على تواجد أول مكبس فى ترتيب الحريق من خلال إدخال بوز مفك فى فتحة بوجيه معين وحينما يتعرف على أول مكبس سيكون فى حالة حريق يتم ضبط وضع تركيب شاكوش الإسبراتير عند هذه اللحظه
للأستفاده من هذا الفائض وقت ضعف الجهد المتولد من البوبينا أى أن دوره ( دور مخزون إستراتيجى ) للأخذ منه وقت الحاجه وفى ذات الوقت بيحافظ على الأبلاتين من تعرضه للتحمص مع أرتفاع قيمة الجهد المولد من البوبينا مما قد يؤدى إلى تحمص طرفى الأبلاتين ووتسمى هذه الظاهره بظاهرة ( لدعان الأبلاتين وإلتصاق طرفيه ببعضها ) نخرج من هذا بأن تواجد عدد 2 كوندنسر يزود الدور المنوط بالمكثف للحفاظ أكثر وأكثر على دايرة الإشعال
__________________
 قال رسول الله  إن الله ليملى للظالم ............حتى إذا أخذه .....لم يفلته صدق رسول الله ___________ م/سمير
التعديل الأخير تم بواسطة samirayad ; 13-01-2012 الساعة 04:26 PM
|
|
#3
13-01-2012, 05:03 PM
|
|||
|
|||
|
رد: وانت بتركب ابلاتين وكوندنسر لو تاه منك اتجاه الشاكوش تعمل ايه ؟
شرف كبير لى ان حضرتك ترد عليه
انا قريت لحضرتك مواضيع متميزة جدا واشكر الظروف الى خليتنى اقرا بنفسى ردك عليه استاذنا الفاضل اسمحلى استاذنك انى اسال لانها بصراحة فرصة طيب دلوقتى انا غيرت ابلاتين وكوندنسر علشان كان فيه نتشه بسيطة وبعد كده النتشة لسه موجودة قالوا بوجيهات غيرت بوجيهات قالوا اسلاك بوجيهات غيرت اسلاك بوجيهات غيرت فلتر بنزين غيرت فلتر الهوا ولسه التتشة موجودة وهى واضحة جدا على الثانى والثالث وبتقل على الرابع وتكاد تكون مش موجودة الميكانيكى قالى تبقى موبينه هل ممكن الموبينة تعمل تقطيع علما ان العربية لما بتسخن النتشة بتقل كثير على السرعات العالية ولما العربية بتسخن بتدور من اول مرة العربية 128 1300 سى سى اسبيراتير ماريلى جديد كاربيراتير ويبر جديد بوجيهات الكترونى خلوص على 0.6 اسلاك بوجيهات انجليزى جديد ابلاتين وكوندنسر فرنساوى ابو علبه زرقة بيقولوا عليه كويس بمون بنزين عند النصف ومش بسيب التانك يفضى ابدا المشكلة رجه على السلانسيه نتشه على الثانى والثالث واحيانا على الرابع بس بتقل خالص الموتور كانه متلت على السلانسيه سحب العربية تعبان شويه ايه رايى حضرتك ؟ سؤال كمان ربنا يخليك استحملنى بالنسبة للموبينة لو حبيت اغيرها بكره علشان اشوف هى السبب ولا لا هل الموبينةالالكترونى تنفع ولا غلط على الابلاتين لان الكهربائى عطانى فتوى وكمان الميكانيكى فتى فتوى وقالوا ما تأثرشى لذلك انا بسالك لانك من اهل العلم وعايز رأيك وبخصوص المشط هل حضرتك شايف مشط الاسبيراتير الالكترونى معمر لان ناس تقول بيقطع بسرعة وناس تقول معمر ايه رأى حضرتك ربنا يباركلك
|
|
#4
13-01-2012, 06:43 PM
|
||||
|
||||
رد: وانت بتركب ابلاتين وكوندنسر لو تاه منك اتجاه الشاكوش تعمل ايه ؟
أنا بأشكرك على كلماتك الرقيقه وأستشعر من طيات كلماتك ( دماثة الخلق والثقافه الرائعه فى أسلوب العرض والحوار ) ثانيا هتابع معاك مشكلتك لحين الوصول لحل بإذن الله وهبدأ من أول نقطة لفتت نظرى وهى البوجيهات لأننى أشك فى صلاحية هذا النوع الإلكترونى لطراز سيارتك فياريت توضحلى النوع بشىء من التفصيل ومن أين وصلت إلى أن خلوص البوجيه عندك هو 0.6 مم
__________________
قال رسول الله إن الله ليملى للظالم ............حتى إذا أخذه .....لم يفلته صدق رسول الله ___________ م/سمير
|
|
#5
13-01-2012, 07:14 PM
|
||||
|
||||
|
رد: وانت بتركب ابلاتين وكوندنسر لو تاه منك اتجاه الشاكوش تعمل ايه ؟
متابع باهتمام شديد .أفادكم الله .
__________________
 Saif El Deen
|
 |
|
|
ممكن حد يوضح لنا يعنى ايه تقسيمة الموتور من جديد 
