|
|||||||
| لادا LADA لادا الروسية LADA احدى شركات اوتوفاز AvtoVAZ الروسية بدات فى السبعينيات بتجميع سيارات فيات 124 واستمرت فى تقديمها بشكل اقتصادى لعشرات السنين تمشيا مع الفكر الشيوعى الروسى الا انها الان تسعى للمنافسة والتجديد بعد شراكتها مع مجموعة رينو - نيسان |
 |
|
|
أدوات الموضوع |
|
#1
16-02-2014, 12:12 AM
|
|||
|
|||
مساعده هامة لمتخصصين الادا انا تعبتتتتتتتتتتتتت بجد ؟
مش عارف ابدا منين معلش هطول شوية بس علشان الساده الاعضاء يفهموا المشكله انا كل يوم لما بنزل ادور العربيه مبدورشي بجرب مرة واتين وتلاته وفي خامش او سادس مرة بتشتغل بس في حاجه لازم اصتبر شوية يعني ادور مرة واتين وبعدين استني بتاع 3 او 5 دقايق ولما تدور بتبقي تمام طول اليوم الا اذا طولت ركنها يعني روحت الشغل وسيبتها فترة طويلة ولعلم انا لسه مغير اسبراتير وجربت سلك البوجيهات في شرارة وانا ماشي مفيش اي عيب بيظهر خالص والبوينه لو كانت وحشه كانت سخنت وقطعت وانا ماشي بس في حاجه هنا لما بفك البوجيهات واغيرهم بتعد شويه مش قوي وبدور بلاقي البوجيه حواليه زيت مش جواه من السن لما روحت لميكانيكي قالي الزيت بعيد عن زن البوجيه والمشكله كمان المارش كذا مرة بصلح علشان طبعا الضغط في التدوير الصبح وكممااااااااااااااااااااا ااااااااااان الفرامل واطيه خالص زي الدبرياج ولما روحت لمتخصص لفرامل عالها وقالي الريكلاج بتاع النوع ده وراه بس العجل افش خالص ولما مرة وقفت مني وجيت ازئها انا واصحابي محجرة روحت حليت شويه ريكلاج الفرامل وطيت تاني انا تعععععععععععععععععععععععع بت
|
|
#4
16-02-2014, 08:37 PM
|
|||
|
|||
|
رد: مساعده هامة لمتخصصين الادا انا تعبتتتتتتتتتتتتت بجد ؟
يعنى حضرتك بتشتكى من:
تعتيل الدوارة عالبارد دواسة الفرامل واطية و الرجلاش بتاعها لما إتشد حجرت ======================= * بالنسبة لتعتيل الدوارة ليها أسباب كتيرة منها: - مفيش بنزين فى عوامة الكربراتير أو البنزين أقل من نص حجرة العوامة و بتحتاج تحضرلها (تكارك بنزين كذا مرة قبل التدوير) - الكهربه مقدمة شوية فى الإسبراتير و دى هتلاحظها لما تيجى من مشوار و أول متركن تفصل العربيه تلاقيها بتتهز شوية (بتتنفض) بعد مفصلت الكونتاك. - طرمبة البنزين ضعيفه و دى غالباً بتظهر من مستوى البنزين فى فلتر البنزين إللى قبل الطرمبه (مؤشر مبدئى بس ليها قياس ضغط) - البرد بيأخر الدوارة ( و دى بتحصل فى كل العربيات بس معرفش سبب الموضوع ده إيه) - اللادا بطبيعتها فيها التعتيل ده عند ناس كتير, يعنى ياما ناس متعايشه معاه و مفيش مشكله. ---------------------------------- بالنسبة للموضوع بتاع رجلاش الفرامل: أنا أعرف إن رجلاش الفرامل الخلفى ده بيتحكم فى عدد تكات الهاند (ذراع فرامل اليد) و أعرف إن دواسة الفرامل ليها رجلاش من جوة الكابينه (رجلاش للبدال نفسة) حضرتك تقول للميكانيكى عاوز أرفع البدال (متقولش رجلش) و المفروض يبقى الثلاث بدالات (اكسراتير - فرامل - دبرياج) على نفس المستوى, و ياريت كمان تقولة يسحب هوا من دورة الفرامل علشان لو الدورة فيها هوا البدال ينزل لتحت و الفرامل تبقى ضعيفة جداً. الرد ده على قد إللى أعرفه و منتظر ردود باقى الإخوه.
__________________
|
|
| الكلمات الدليلية |
| لادا |
|
|
