لو حد عمل بال-516 أكتر من 100 ألف كيلو يا ريت يفيدني

[osa92003]

المشاركة الأصلية كتبت بواسطة stonecoldmido5 للاسف عندي العربية دي ومغير الطنابير مرتين في 3 سنين في توكيل الصفوة في اسكندرية و اشتكيت كذا مرة بس مفيش فايدة وقالولي ان الطنابير بتسخن شوية في الموديل ده وعشان كده اما تدخل في مية عالية شوية و مع الضغط علي الفرامل فسطح الطنبورة بتتعوج و اللة الكلام ده مش من عندي و يا ريت حضرتك متتريقش انا بقول رايي و ربنا شاهد ع كلامي و ماليش اي مصلحة مع اي طرف و بتكلم عن تجربة و العربية لسة معاية موديل 2009

والله انا مش باتريق بس حضرتك بتبالغ اوى امال يعنى العربيات اللى ماشيه تاكسى تعمل ايه اى عربيه فى العالم كالما رجللك تقيله على الفرامل باستمرار لازم تاكل تيل وطنابير وبالنسبه للعفشه طيب بس انا عايز حضرتك بالامانه تركب اى عربيه نيسان صنى وتقولى هاتحس بيه او لانسر يابانى اللى عفشتها رياضيه وقولى هاتحس بيه ؟؟؟؟؟؟ والله هتلاقى نفس اللى بتقوله فى الاسبرنزا وبالعكس وهى دى مشاكل العفشه الرياضيه اللى سوست العربيه فيها ناشفه جدا بتدى ثبات عالى فى السرعه ولكن بترزع فلاى المطبات ولازم تعرف ان مافيش دوله فى العالم كله عندها المطبات اللى عندنا ........ولو عايز الحل اللى يريحك او ممكن تغير بمساعدين وسوست لانسر يابانى وتحس طبعا بتحسن شويه وده طبيعى لاان اللانسر 130 الف والاسبرنزا ب 60 الف

[stonecoldmido5]

المشاركة الأصلية كتبت بواسطة osa92003 والله انا مش باتريق بس حضرتك بتبالغ اوى امال يعنى العربيات اللى ماشيه تاكسى تعمل ايه اى عربيه فى العالم كالما رجللك تقيله على الفرامل باستمرار لازم تاكل تيل وطنابير وبالنسبه للعفشه طيب بس انا عايز حضرتك بالامانه تركب اى عربيه نيسان صنى وتقولى هاتحس بيه او لانسر يابانى اللى عفشتها رياضيه وقولى هاتحس بيه ؟؟؟؟؟؟ والله هتلاقى نفس اللى بتقوله فى الاسبرنزا وبالعكس وهى دى مشاكل العفشه الرياضيه اللى سوست العربيه فيها ناشفه جدا بتدى ثبات عالى فى السرعه ولكن بترزع فلاى المطبات ولازم تعرف ان مافيش دوله فى العالم كله عندها المطبات اللى عندنا ........ولو عايز الحل اللى يريحك او ممكن تغير بمساعدين وسوست لانسر يابانى وتحس طبعا بتحسن شويه وده طبيعى لاان اللانسر 130 الف والاسبرنزا ب 60 الف

و اللة ولا رجلي تقيلة ولا حاجة انا بقول لحضرتك كان عندي 128 و قعدت معايا 3 سنين و مغيرتش ولا تيل و لا طنابير هي عربية مش وحشة بس الخامات الموجودة فيها اسوء خامات شوفتها في عربية . وعلشان كدة بكرر انها ع راي مدير التوكيل "علي قد فلوسها" . ومعلهش حضرتك ماتبالغش وحسست اي واحد بيقرا انك راكب بورش مش 516 .
وشكرا لاهتمام حضرتك .

[fineart607]

انا ركب واحده عامله اكثر من 200 الف وما شاء الله عليها وسالت صاحبها قال لى صيانة دورية مع نفسه طبعا مش فى التوكيل بس اهتمام دائم بها

[mostafa mamdouh]

جارى عندة 516 تاكسى عامل بيها 130 الف والعربية ماشية معاة زى الفل بس هو الصراحة بيهتم بيها جدا وبيهتم بالصيانة الدورية وبيحط بنزين 90 ولا يشكو منها فى اى شى ..... وبالنسبة للعفشة هو ريح نفسة وغيرها بعفشة لانسر
اما بالنسبة الى انا معايا 516 اول2011 عامل بيها 40 الف وبدون مبالغة العربية زيرو ...الموتور نفس الجودة والاداء والعربية بشكل عام والحمد اللة ممتازة جدا
من الاخر ال 516 عربية محترمة جدا موتورها قوى "117 حصان" ... واسعة جدا ..... معمرة بشرط الاهتمام بها وبالصيانة الدورية ووضع بنزين 92 ........بالنسبة للخامات من اول 2011 وانت طالع الخامات جيدة جدا وافضل من خامات الموديلات السابقة ......... وزى ما انت شايف العربية منتشرة بشكل كبير ولا يوجد شكاوى من موديلات 2011 و 2012 سواء من التقفيل او الاداء
توكل على الله ولا تسمع لغير المجربين للسيارة

[osa92003]

المشاركة الأصلية كتبت بواسطة stonecoldmido5 و اللة ولا رجلي تقيلة ولا حاجة انا بقول لحضرتك كان عندي 128 و قعدت معايا 3 سنين و مغيرتش ولا تيل و لا طنابير هي عربية مش وحشة بس الخامات الموجودة فيها اسوء خامات شوفتها في عربية . وعلشان كدة بكرر انها ع راي مدير التوكيل "علي قد فلوسها" . ومعلهش حضرتك ماتبالغش وحسست اي واحد بيقرا انك راكب بورش مش 516 . وشكرا لاهتمام حضرتك .

ا
انا بس عايز اهدى اللينك ده للاستاذ اللى بيشتم فى الاسبرنزا وبيقولك عفشتها اى كلام ةاللينك ده لواحد فى منتدانا اشترى هيونداى فلوستر 165000 الف جنيه ايوه الفرق بينها وبين الاسبرنزا 100000 حنيه وبيعانى اشد المعاناه من العفشه ؟؟؟؟؟؟
http://www.masrmotors.com/vb/showthread.php?t=73221