عايز اشتري سيارة جديدة وقوية

[Tota El Masry]

لأ عادي جداً و لا يهمك كلنا في الأول بنطلب لبن العصفور و في الآخر بنرضى حتى لو بيمة الطرشي لأن الوقت بيكون ضيق و ياما الواحد أتبطر و فضل ينقي لحد ما العربية الحلم سعرها ولع و بابا حلف ما حيزود تعريفة
فتبرسى على التاكسي أول شهرين
ثم أوتوبيس مكيف
ثم ميكروباص

و لو الواحد جاب سيرة العربية تاني بابا ممكن يمنع عنه المصروف و ياخدها مشي
اسألني أنا
ولا يهمك حدد أنت عاوز إيه في العربية في 5 إلى 7 حاجات فقط و ربنا ييسر معاك لحد باب الجامعة بعزيزة بتاعتك و ما تنساش الصور لما تركبها و تقرير شامل

بس نصيحة فيرنا الكاملة هاي لاين - لوجان أوتوماتيك
و وفر الباقي لمستقبلك و مصاريف الكلية و المواصلات
حوش قرشين للزمن لما تتخرج تبقى حر نفسك لحد ما ربنا يثبت أقدامك في شغل يحققلك رفاهية محترمة

أختك توتة المصري
مرحباً بيك أي وقت

[osama-x]

المشاركة الأصلية كتبت بواسطة killthedark يا ريتني ما سألت حيرتوني معاكم أنا كنت مركز تفكيري على حاجات معينة فيرنا فل أوبشن ( وماله الهاف أوبشن ) بس نا سمعت أن بها عدة مشاكل والفرامل بتاعتها ضعيفة رينو لوجان ( بس سمعت أن قطع غيارها غالية ومش متوفرة دايما وفي مشاكل في الفتيس والكلكس والدركسيون تقيل ) جن تو ( بس في ناس بتقول استهلاكها عالي نسبياً وأن توكيلها عز العرب مطلع عينه ومخليها معفنة ) ساجا ( بس برضو نفس مشاكل جن تو ) برسونا ( بس برضو نفس مشاكل سابقتيها ) لانوس ( بس الفوانيس اللي في الخلف شكلها غبي ومتخلف لو حد يعرف مكان أغير فيه الفوانيس اللي في الخلف يريت يقولي ) لادا ( بس دركسيونها تقيل جداً وشكلها متخلف وبحس بالشلل من مجرد مروررها من أمامي ) ( بالإضافة إلى أن تصليحها في 6 أكتوبر زبالة لينا جار عنده لادا خبط بها موتسكل وراح صلحها وبعد فترة حصلت مشكلة أن الراديتير اتوقف وداها لواحد بتاع تصليح غيره قاله أن كل قطع السيارة تقريباً اتغريت لقطع مصرية ) بيكانتو الشكل القديم ماتريكس كورولا بس موديل الشكل القديم ( بس يا ترى ممكن ألاقي منها على الزيرو ) أوبترا ( بس طولها غريب شوية وكمان بيقولوا عفشتها زبالة ) لانسر ( بس حاسس أنه لو في حدود 110 ألف هتكون فاضية مفيهاش أي امكانيات ) رينو داستر ( بس بش عارف مميزاتها وعيوبها وسعرها ) إلنترا الشكل القديم ( اللي كان قبل 2012 على طول ) ده كل الخيارات اللي كنت بفكر فيها وعايز اسأل هو في حد في مصر ( وياريت القاهرة ) يعرف يعمل كراسي عربية بالشكل ده أنا عارف إني طولت في الموضوع وزودت طلباتي عليكو بس بصراحة عشان من عشمي فيكم وكمان لأني محتار كتير وأي حد عايز أي معلومة عن الثانوية أحسن كتب وأحسن ملخصات أو عايز يعرف أحسن مدرسين خصوصي فيي أكتوبر ده رقمي 01149800112 ولو كان مغلق اعذروني لأني مرات بقفل تليفوني وسؤال ثاني غلس بشكل فظيع حد يعرف فايدة درسة الميكاترونيكس

يا باشا انت جايب كل العيوب في العربيات شكلها كده هترسي على مواصلات

و بعدين ايه اللي دخل اللادا في المقارنة انت بتقارن في فئة سعرية فوق الالف و الادا ب 52000 ده غير الكماليات

بص يا باشا علشان تسهل عليك لو عايز عربية تمشي بيك وتقضي المصلحة وشكرا على كده يبقى خليك في الزيرو
و هيبقى عندك 3 فئات
اول فئة من 70000 - 80000 رينو لوجان بلاك لاين او اوتو - رينو سانديرو ستيب واي بس دي مانوال
تاني فئة من 80000 - 95000 بروتون بيرسونا مانوال - جين 2 مانوال - اوتو

تالت فئة من 95000 - 110000 نيسان صني - لانسر مانوال فاضية ولو زودت 3000 عندك الكاملة

من الليلة دي كلها هنطلع بواحدة من كل فئة
1 لوجان و مشكلة قطع الغيار اللي بتتكلم عليها دي للي في الاقاليم علشان قليلة شوية برة التوكيل لكن في القاهرة و الاسكندرية مفيش مشكلة خالص و قطع غيارها مش غالية قوي

2 بيرسونا مشكلتها في التوكيل اللي مضيع اسم بروتون و مخليه في الارض غير كده عربية جميلة

3 لو معرفتش تزود عندك الصني لاني مستحرم حد يدفع فوق ال100000 على عربية فاضية بس لو عرفت تتصرف في ال3 يبقى اللانسر من غير كلام

نيجي بقى للمستعمل رايي المتواضع هاتلك بي ام 316 - 318 e36 من 1994 ل 1997 لانها ركوبة تانية خاااالص غير اي عربية بس قطع غيارها غالية شوية بس مش قوي و دي مش هتعدي ال90000 و قول 5000 تخليهم للصيانات اللي بتتعمل لاي مستعمل يبقى كده 95000
بس نصيحة علشان انت لسه طالب يعني مش شغال هات موتور ميعديش ال 2000 و ميقلش عن 1800 علشان تحس انها ماشية صح

يا رب اكون سهلتها عليك شوية و رمضان كريم

[killthedark]

هي الأسعار دي فين بس أنا بعرف أن الفل أوبشن أساساً غالية

[YahiaAshraf]

المشاركة الأصلية كتبت بواسطة killthedark هي الأسعار دي فين بس أنا بعرف أن الفل أوبشن أساساً غالية

دى احدث اسعار للموديلات الللى انا ذكرتها
و تقدر بنفسك تسال اى معرض و هقولك كده

تحياتى
: CONGRA~238:

[killthedark]

ردك جميل في مضمونه بس أنا عندي صور معدلة للوجان بس بصراحة تحفة هي والفيرنا كمان
خلينا في اللوجان الدركسيون بتاعها تقيل وإيه مشكلة الفتيس والكلكس















بس إيه رأيك في التعديل
وفي كمان صور فيرنا ونوعيات تانية جميلة جداً