عايز اشتري سيارة جديدة وقوية

[Tota El Masry]

هات أكسنت أر بي الجديدة
أو ريح دماغك و هات فيرنا أوتو في حدود 82ألف و ضبط العربية فرش و سبويلر أو هاتها هاي لاين بسبويلر و فوانيس و تجليد و روق نفسك بالباقي لو طالع من ذمتهم 110ألف و بلاش تحول غاز الفيرنا سعر إعادة البيع حلو أما لو ناوي على عربية معمرة هات لوجان أوتوماتيك أو أضغط على روحك و هات ميجن سبورت الجديدة تحفة مستحيل تقاوم حتلاقي تقرير عنها على الرابط ده إعداد أ/ يحي

http://www.masrmotors.com/vb/showthread.php?t=91746

[3bdo]

حضرتك ممكن تجيب لانسر بومة
مانوال فول اوبشن1300 سى سى ب 113الف جنيه
اوتوماتيك هاف اوبشن 1300 سى سى ب 110 الف جنيه
اوتوماتيك فول اوبشن 1300 سى سى ب116 الف جنيه
مانوال هاف اوبشن 1600 سى سى ب 114 الف جنيه
او ممكن تبص على الصنى الجديدة

[ahmed_eng2001]

الانسر عربية كويسة .... و حتستحمل معاك ان شاء الله ... بس انا شايف ان سعرها غالى شوية .... حضرتك ممكن تشوف الصنى الشكل الجديد او الشكل القديم ... و ربنا يوفقك

[أبو عمرو]

نصيحة منى بلاش لانسر بومة 1300cc
وبالذات الاوتوماتيك لان التكييف بيأثر على سحب العربية وبتكون عاملة زى البطة البلدى
نسيان صنى الشكل الجديد اوتوماتيك عاملة 100 الف جنيه
عربية على الزيرو ومفيهاش مشاكل وهتريح دمااااااااااااااغك

[killthedark]

يا ريتني ما سألت حيرتوني معاكم
أنا كنت مركز تفكيري على حاجات معينة
فيرنا فل أوبشن ( وماله الهاف أوبشن ) بس نا سمعت أن بها عدة مشاكل والفرامل بتاعتها ضعيفة
رينو لوجان ( بس سمعت أن قطع غيارها غالية ومش متوفرة دايما وفي مشاكل في الفتيس والكلكس والدركسيون تقيل )
جن تو ( بس في ناس بتقول استهلاكها عالي نسبياً وأن توكيلها عز العرب مطلع عينه ومخليها معفنة )
ساجا ( بس برضو نفس مشاكل جن تو )
برسونا ( بس برضو نفس مشاكل سابقتيها )
لانوس ( بس الفوانيس اللي في الخلف شكلها غبي ومتخلف لو حد يعرف مكان أغير فيه الفوانيس اللي في الخلف يريت يقولي )
لادا ( بس دركسيونها تقيل جداً وشكلها متخلف وبحس بالشلل من مجرد مروررها من أمامي ) ( بالإضافة إلى أن تصليحها في 6 أكتوبر زبالة لينا جار عنده لادا خبط بها موتسكل وراح صلحها وبعد فترة حصلت مشكلة أن الراديتير اتوقف وداها لواحد بتاع تصليح غيره قاله أن كل قطع السيارة تقريباً اتغريت لقطع مصرية )

بيكانتو الشكل القديم
ماتريكس
كورولا بس موديل الشكل القديم ( بس يا ترى ممكن ألاقي منها على الزيرو )
أوبترا ( بس طولها غريب شوية وكمان بيقولوا عفشتها زبالة )
لانسر ( بس حاسس أنه لو في حدود 110 ألف هتكون فاضية مفيهاش أي امكانيات )
رينو داستر ( بس بش عارف مميزاتها وعيوبها وسعرها )
إلنترا الشكل القديم ( اللي كان قبل 2012 على طول )

ده كل الخيارات اللي كنت بفكر فيها
وعايز اسأل هو في حد في مصر ( وياريت القاهرة ) يعرف يعمل كراسي عربية بالشكل ده


أنا عارف إني طولت في الموضوع وزودت طلباتي عليكو بس بصراحة عشان من عشمي فيكم وكمان لأني محتار كتير
وأي حد عايز أي معلومة عن الثانوية أحسن كتب وأحسن ملخصات أو عايز يعرف أحسن مدرسين خصوصي فيي أكتوبر
ده رقمي
01149800112
ولو كان مغلق اعذروني لأني مرات بقفل تليفوني وسؤال ثاني غلس بشكل فظيع
حد يعرف فايدة درسة الميكاترونيكس