هو فى بلد بتعمل كده فى المخالفات !! حكايتى

[azzat 55]

وكم ذا بمصر من المضحكات ولكنة ضحك كالبكاء

[Emgrand]

كنت عايز اكتب رحله نقل الملكيه فى مرور فيصل الشهير ! بس اتخنقت من موضوع المخالفات

I LIL

[ibrahimsaad]

المشاركة الأصلية كتبت بواسطة mazen mazen اشتريت عربيه بتوكيل من كذا شهر جه وقت التجديد ونقل الملكيه روحت اجيب شهاده مخالفات عشان انقل الملكيه باسمى فوجئت ان عليها 1200 جنيه على المالك القديم مع انى واخد شهاده مخالفات منه وانا بشترى حتى تاريخ الشراء مكنش عليها ولا شلن اقول للموظف ازاى يقولى المخالفات بتاخد وقت عقبال ما تتسجل يعنى نظام تخلف امال كمبيوتر ايه وبتنجان ايه وايه ذنبى وانا واخد شهاده مخالفات قبل ما اشترى البلد عايزه تتنسف, بكل اسف النظام مسقطش مجرد خلع رئيس المهم قالى روح مرور الدراسه اعمل تظلم يا ترى ممكن يجيب نتيجه؟

وانا كمان اشتريت عربيه بتوكيل ولما جيت انقل روحت اجيب شهاده مخالفات لقيت عليها 2000 ج على المالك القديم ودخلت لوكيل النيابه بمرور النزهه قالى لو معاك عقد مسجل كان ممكن تتشال ولكن للاسف مش معايا ولسه هاروح دلوقت اعمل عقد مسجل لنفسى بالتوكيل

فهل ينفع بعد كده تتشال المخالفات ولا ايه الحكايه والحكايه دى تاخد كام يوم لان اجازه العيد داخله

[Emgrand]

المشاركة الأصلية كتبت بواسطة ibrahimsaad وانا كمان اشتريت عربيه بتوكيل ولما جيت انقل روحت اجيب شهاده مخالفات لقيت عليها 2000 ج على المالك القديم ودخلت لوكيل النيابه بمرور النزهه قالى لو معاك عقد مسجل كان ممكن تتشال ولكن للاسف مش معايا ولسه هاروح دلوقت اعمل عقد مسجل لنفسى بالتوكيل فهل ينفع بعد كده تتشال المخالفات ولا ايه الحكايه والحكايه دى تاخد كام يوم لان اجازه العيد داخله

العادى انت بتروح مرور الدراسه تعمل تظلم والنتيجه بتظهر خلال يومين فى النزهه
ومش عارف نظام الاجازه هيكون ايه

وبتاخد معاك صور من كل حاجه عشان ترفقها بالتظلم
صور الرخصه-التوكيل-العقد-شهاده المخالفات القديمه
وبتكتب سطرين كده عن سبب التظلم تقول فيه حكايتك

انا نزلى من 1200 الى 510 مش عارف ممكن ينزلك كام بس اكيد هتنزل
على فكره فى خطوه تانيه اسمها معارضه لو النزول معجبكش بس خفونى منها فى نيابه النزهه مش عارف ليه وباصرار غريب قالولى ممكن مينزلش حاجه فى المعارضه وساعتها لازم تدفع اللى قالت عليه المعارضه