اية رائيكم فى هيونداى اكسل والاكسنت

[kokomomo]

السلام عليكم انا كنت عاوز اخد راى حضرتكم فى موضوع انا عندى عربية 128 وبعتها وعاوز اغير مش عارف اجيب اية ومحتار بين اتنين الاكسل والاكسنت عاوز اعرف انهى واحدة افضل بالنسبة للسفر وعيوبها قليله وشكرا ليكم

[taklaloveu]

ارجو ان حضرتك تخلى بالك ان فيه اكسل 1300 cc واكسيل 1500 cc وبرضوا فيه اكسنت 1300 cc وكمان أكسنت 1500 cc
الفرق ببساطه ان الموتور ال 1500 cc بيكون عزمه أكبر طبعا وكذلك العربيه بيكون فيها باور وسنتر وزجاج كهرباء وعداد RBM وساعه رقميه ..
واكيد ارشحلك الأكسنت أفضل بكتير من الإكسل : صاج وشاسيه أمتن بكتير .. احدث فى الموديلات .. توافر قطع الغيار بغزاره .. وصدقنى أرخص من 128 " انا كانت معايا أكسنت 1500 " وكانت عربيه ممتازه ..
وربنا يوفقك .. بس نصيحتى تكشف علي اى عربيه هتشتريها كويس وخصوصا الشاسيه والموتور والكهربا..

[waelsalah]

السلام عليكم
الاهم من النوع والموديل هو االحاله ( حالة الدواخل والاساسيات )
انا معايا الاكسيل وبفضلها عن الاكسنت من حيث الوسع والفخامه
فرايي دون انحياز للاكسيل فهى افضل من الاكسنت رغم ان الاكسنت احدث منها
وفى النوعين ال 1500 سي سي افضل من 1300 سي سي عشان التكييف والسحب وكمان اعادة البيع
رايي يا اكسيل او تشوف دايو لانوس مو 98-99 بحالة كويسه

واستخير ربنا قبل اى شئ
وربنا يوفقك
وشكرا جزيلا

[محمدصلاح القاضى]

الاكسيل والاكسنت ممتازين توكل على الله واهم حاجه الحاله العامه للسياره

[ahany]

لو بتسافر كتير وبتجرى بالعربية يبقى بلاش اكسيل خالص الثبات ضعيف جدا