محبى السيارة الرائعة m11

[fineart607]

http://db.auto.sohu.com/photo/model_wg1107.html

فى اخ فاضل اعطانى الموقع ده خش واتفرج وشوف الروعة ما شاء الله
عايز رايكم وتدعوا له

المشاركة الأصلية كتبت بواسطة aftr فعلا انا كمان اول ماجبت العربيه والله ناس صحابى عندهم معرض عربيات اول ماشافو العربيه استغربو واحد قال باب الفارميو وواحد قال من ورا مديه حجات كتير gen2-ميجان-مرسيدس--قالو بس العلامه دى لواتشالت واتحطت علامه اودى او اى علامه تانيه محدش هيعرف ان العربيه صينى قولتلهم لا عجبانى العلامه دى عشان اعرف الناس احنا بس مش شطرين غير فى التريقه بس اقسم بالله واحد من اللى كانو قعدين كان معاه سيراتو قال ياعم صينى مين قولتله تشد معايه قال يابنى دى صينى قولتله مش عاوز كتر كلام طقم مشاريب للناس الحلوه دى تمام ماشى طبعا انا بصراحه قولت انا كده كده مهزوم بس خليها على الله ابدء يابرنس طبعا هو طلع وسبته عادى قولت فى بالى يالا ياعزيزه واقسم بالله مشفنيش روحت مهدى وخليته يعدى روحت جايبه تانى قولت لازم يتعلم عليك لو هموت والحمد لله دفع كل المشاريب 50جنيه بس وكان هيموت تخيلو يقول ايه اصل عربيتك خفيفه على الطريق ههههههههههه---كل صحابى ماتو من الضحك خفيفه مين ياعم الحج انت اللى خفيف الحمد لله مخيبتش ظنى ربنا يزدها يارب ويبعد العين اصل لسه واخد حدفه طوبه على السقف الحمد لله معلش طولت عليكم بس ده كله عشان حبيبتى عزيزه

ايون كده غرمو وخليه يعرف مقام الصيني
هههههههههههههههههههه

ربنا يباركلك فيها يارب

وعلي فكره نفس الموقف حصل بالظبط بس مع تويوتا كرولا مانويل 2010
واتسابقنا علي مطلع كوبري يعني مسافه قبل الكوبري و النهايه عند قمه الكوبري عشان نشوف مين عزمه اقوي

العربيتين تقريبا كانو متساوين في الطريق المستقيم بنفرق عن بعض في النقله بس ونرجع نتعادل
واضحك علي الي حصل
يدوب بنبدا الكوبري عربيتي سبقته و وصلت لقمه الكوبري و هوا لسه في نصه
هههههههههههههههههه
بجد موقف غير طبيعي مع عربيه تويوتا مع العلم هوا مهداش بالعربيه خالص لان الطريق مفهوش حد غيرنا و كل واحد له حاره لوحده
وكان في ناس متابعانا وبيقيمو العربيتين

السباق كان هدفه اظهار عزم العربيتين علي الشد
والm11 اثبتت كفاءه غير عاديه ربنا يحفظها يارب

عشان تعرفو الصيني و حركاته
هههههههههههههههه

ربنا يبارك للجميع

[fineart607]

فين المشاركات فين مالكين الأم 11

طب الجاك والأنجلون والبريليانس عايزيين نستفاد من المقارنات والأقتراحات والمشاكل الى بتظهر والى مش بتظهر عايزيين نفيد بعض وخاصة ان العربيات دى لها سعر منافس

[emad7759]

المشاركة الأصلية كتبت بواسطة fineart607 فين المشاركات فين مالكين الأم 11 طب الجاك والأنجلون والبريليانس عايزيين نستفاد من المقارنات والأقتراحات والمشاكل الى بتظهر والى مش بتظهر عايزيين نفيد بعض وخاصة ان العربيات دى لها سعر منافس

ي ايه رئيك اننا نعمل مقابله الى كل اللى معاه اسبيرانزا

ونعمل موضوع مستقر ونشوف العدد اللى ممكن يجى

ونشوف كام واحد هيحضر من اللى معهم الام11

وانا ان شاء لله هكون اول واحد يحضر علشان يكون

كل شىء على المكشوف

وبعدين ياحبيب قلبى ومعلشى مش عايز حد يزعل منى

الجاك والانجلون الفرده منهم بالف عربيه اسبيرانزا

ومنهم لله اللى معهم توكيل العربيات دى لانهم معملوش دعايه

لعربيات فعلا محترمه جدا ونسبه المشاكل فيها صفر

ولا يوجد مشاكل ذى الاسبيرانزا

[fineart607]

ربنا يبارك يارب للجميع فى عربياته وانا مش اقصد ان الأسبرانزا احسن او اوحش منهم ولكن والله فعلا تبادل المعلومات مهم وفى مشاكل بتظهر الواحد بيحلها بسهولة من المنتدى الكريم
وانا عارف انك شايل اوى من الأم 11 بس والله فعلا ده بسبب العمال الى مش بيتقوا ربنا فى عملهم والى بيحتاجو رقيب عليهم وبينسوا ان ربنا رقيب عليهم
وفكرة حضرتك جميلة بس والله انا ظروفى ممكن متسمحشى بالمقابلة نظرا لطبيعة عملى وربنا يوفق الجميع للخير