محبى السيارة الرائعة m11

[odaoda]

يا سلام عليك رد وافى وجميل واشكرك بشدة وربنا يباركلك

[DR A73]

سؤال بسيط هيا الهاتشباك منه هيبقى اسمها m12 و لا ايه و هتبقى فى نفس الشريحه السعريه و لا أقل شويه و لا أكتر ... ؟
و أنا شوفت العربيه فى المعرض و كانت بالمقارنه ببقيه الصينى فى الفتيس و التقفيل و الشكل تعتبر أوروبيه بجد انا نفسى أجبها

[fineart607]

المشاركة الأصلية كتبت بواسطة odaoda فكرة جميلة بس انا فى عضو قفلنى من العربية دى كنت هجيبها ونزلت سالت عليها فمعرضين قبل ما اشوف الجاك واختارها لكن الدفعات الاولى كانت سيئة بس انا سامع ان ابو الفتوح بدأ يظبط الدنيا مع العربية دى واعضاء كتير بيشكروا فالعربيات جدا جدا وانا مبسوط بكدة لانها عربية هيكون ليها مستقبل رهيييييييييب بصراحة انا شايفها جميلة شكلا بس انا عاوز اعرف شوية حاجات من ملاكها اخبار العفشة اية؟الكاوتشات العريضة مدية ثبات لكن مش منعمة العربية؟ الفتيس؟غياراتة ناعمة؟ الوسع الداخلى ؟ اداء التكيف فى الحر؟ اداء الصيانة؟ كان فى اخ اشتكى من ان الطابلوة باظ واتنفخ وغيرة فالضمان وباظ تانى وهيغيرة تانى هل حد ظهرت معاة المشكلة دى؟ واية المشاكل والحاجات الى اتغيرت برة الضمان او جواة الخ الى اخرة معلش انا هتقل عليكم حبة وبشكركم علرد مقدما

انا فاهمك كويس ههههههههههه

بص يا سيدى يبتاع الجاك انته ههههه
ربنا يبارك لك فيها

الدفعة الأولى فعلا كان بها عيوب عبيطه
بس الحمد لله كل شىء بقى 100 100
انا هتكلم عن نفسى
الصراحة العربيه الحمد لله كويسه والعفشه كانت ناشفة شوية وفى التوكيل قالوا انها هتريح بعد كده وفعلا ما شاء الله كويسه والعربيه كاوتشها عريض بيعطى ثبات روعة
الفتيس الحمد لله كويس والعربيه واسعة والتكييف الحمد لله زى الفل بس لو العربيه واقفه فى الشمس بتحتاج تصبر عليها لما الصالون يتظبط
بالنسبة للصيانة بعض التوكيلات سيئه وخاصة فى بداية نزول العربيه كانهم كانوا خايفين يشتغلوا فيها بعكس دلوقتى
المشاكل الى ظهرت معى بصدق البطاريه ودى تبع توكيل منصور شيفورليه وتم تغيرها تبع الضمان وكمان ماكينة الزجاج والتوكيل غيرها واتصلوا بينا بيتابعوا اخبار العربيه معنا اظن فى تقدم والله
العيب بصدق الى ملوش حل حتى الان هو صوت خفيف من الزجاج الخلفى

ولكن الحمد لله العربيه زى الفل شكلها وموضوعا وانتشرت اكثر من منافسيها الى معروفين بدون ما اقول مين هما ههههههههههههههههههههههههه هه

[fineart607]

المشاركة الأصلية كتبت بواسطة aboelesaad ياغالي خليك اكثر واقعيه ومتخليش حد ياثر عليك شوف انت حابب اي و اعمله فكر ادق و سيبك من كلام الناس انا معاك انها كانت الاول فيها عيوب بس اي عربيه كده لسه بتحط اول خطوة ليها بس دلوقتي بقت حاجه محترمه وفعلا لها مستقبل غير طبيعي ولما كمان ينزل الشكل m12 هيبقي ليها زباين ولها سمعه كويسه جدا عفشه و كاوتشات ممتازين بجد و ياسلام مع النيتروجين مش حاسس باي حاجه بجد العفشه والكاوتش مناسبين جدا لوزنها الثقيل جدا ولضغط الهوا الي اكتر من رائع اه الفيتيش معلهوش كلام وماسكته مريحه جدا و مناسبه لوضع الكرسي يعني الفيتيش وضعه ممتاز جميله من ورا 3 اشخاص طخان يعني واسعه و حلوة بس شنطتها صغيره حبه بسبب نزول الازاز الخلفي لحد الشنطه بس ميعتبرش عيب يعني بتاخد 3 شنط هاندباج بس 516 بتاخد 5 شنط مرتاح التكييف اكتر من ممتاز وتلاجه بجد ماشاء الله الصيانه عاديه و لا جديد بنروح نغير فلتر بنزين و الزيت و خلاص يعني مفهاش حاجه عجيبه لا التابلوة عادي و ممتاز و عاجبني شخصيا جدا وكل يوم بكتشف اوبشن في العربيه اغرب من الي قبله وباذن الله هصور العربيه وهبينلكم كل الاوبشن الي فيها خلاصت الموضوع العربيه تستحق مليون من عشره ممتــــــــــــــــــــــ ـ فعلا ـــــــــــــــــــــــــ ـــــــــازة ولكم مني كل الاحترام وتقبلو تحياتي وشكرا بجد للاستاذ الجميل fineart607 تقبل تحياتي علي موضوعاتك الجميله

العفو يا ريس وفعلا اى حد هيلاحظ انتشارها الى بدا يثبت انها عربيه ممتازه شكلا وموضوعا وسعرا والله العظيم واحد ركب عربيات ملهاش عدد كلها محترمه منها 406 وتويوتا كرونا وجولف ..........ز
جربها وقال لى ممتازه وواحد صاحبى معه سيراتوا قال لى والله احسن من عربيتى محمله اكتر منها وطبعا علق على الأوبشن فى حساس الأضائة والمطر الى مش عنده
وكان مش مصدق وهو بيتفرج عليها

وواحد تانى والده بيتاجر فى العربيات جه يتفرج عليها بيقسم بالله انه افتكرها من بعيد فيرجن جديد من الماتسوبيشى بوما وناس كتير قالوا لى لو شلة علامة اسبرانزا وحطيت اى علامة مميزه لماركة عالميه هنصدقها حد يرد يا جماعه اعمل ايه ربنا يحفظها والله بيوقفونا فى الطرق ويسالونا عليها

[lion heart]

يا عم الجيولوجى
العربة m11 حلوة وشرحة وبرحة بس برضه مش احسن من الوزة انا اديتها فى الاستطلاع 9/10 عشان الشنطة مش واسعة زى الوزة
الموتور هو موتور الوزة ( a 516) تكييف جيد جدا وانا عملت تعديل عشان امنع الهواء الساخن من تحت الدركسيون ونجح والحمد لله
والمساعدين اصبحوا ملبن بسبب المطبات وما اكثرها
العربة دى لو فيه منها اتوماتيك يبقى قشطة باللوز وسلملى على الانسر والاكتافيا
ورمضان كريم