عربيه لطوال القامه!!سيفيا كورولا عيون فيرنا

[wael890610]

السلام عليكم ورحمه الله
مبدئيا انا معايا كيا برايد هاتش باك وواسعه وجميله جدا على غير المتوقع
دلوقتى بفكر اغير ومعايا الخيراات دى بعد تفكير ومقارنات كتير
سيفيا كورولا عيون او فيرنا
وهبدأ باللى يهمنى فى العربيه مع العلم ان 98% داخل المدينه ومباسافرش
-مهم جدا العفشه القويه وارتفاع العربيه عن الارض لان معايا عائله كبيره وبتحرك بيهم كتير فى طرق كلها مطبات عاليه (ممكن تسميها مدقات)
-مهم توافر قطع الغيار لانى مش بقدر اسافر القاهره وبورسعيد كتير نظرا لظروف شغلى
- سهوله الصيانه مهمه طبعا نظرا لحاله الميكانيكه التعبانه فى الاسماعيليه
الحاجات اللى مش مهمه ابدا
- التكييف مش بستخدمه
- سعر اعاده البيع مش مهم
مع العلم ان فى خيارات تانيه زى الاكسنت الشكل القديم بس خليها دلوقتى لما نعرف رايكم فى العربيات اللى فاتت

[احمد على 1999]

كورولا عيون

[hisham750]

اسمحلي اقول رأي في اختارتك السفيا واسعة من الداخل ولكن وطيه شوية علي الارض وقطع غيرها غير متوفرة بكثرة و الفرنا والتيويوتا العيون ضيقة من الداخل و وطيه علي الارض وكمان عفشة الفرنا مش تمام وواضح من كلامك ان حضرتك عايز عربية للاسرة زي بالضبط انا معايا دوجان 98 وحاليا بدور علي عربية في نفس السعر تقريبا من 40000 الي 50000 وتكون نفس المواصفات واسعىة وعالية عن الارض وقطع غيار متوفر ووصلت الي حل مثالي بيجو 405 واسعه جدا من الداخل وعاليا عن الارض وعفشة قوية زي النص نقل اما نوبيرا واسعة بس اقل من البيجو في التحمل ولسه محتار بينهم واسف علي الاطالة بس انا حسيت ان مشكلتنا واحد ربنا يخترلك الصالح

[hesham mansour]

لو ال 3 دول يبقي العيون أحسنهم بشرط الحاله لان السيفيا قطع غيارها مش منتشرة و الفيرنا أضبق من العيون